خالد ئەحمەد بادی
یێ دارێ دئیشینیت نە بڤرە بەلكو یێ دار پێ دئێشیت دەستكێ بڤری یە چونكە ژوی داری یە . فیلسوف وزانایێ بناڤ و دەنگێ جیهانی ولیام شكسپیر دبێژیت نە هەر ئێكێ ب ناسنامە بیت زەلامە بەلكو رامانا ڤێ پەیڤێ دیار دبیت كو پەیڤا بالندە دهێت بو بازو ئەلهو وهەر وەسا بو مریشكان ژی پەیڤا بالندە دهێت.
مخابن ئەو كەركوكا كوردان ب دەهان شورەش وبەرخودانان وب رویبارێن خوینا پاكا هزاران كورێن مللەتێ كورد هاتیە پاراستن ونە هاتە تەسلیم كرن وهاتە پاراستن نوكە دەستكێن بڤران دایە دەستێ دوژمنان وپەیڤا نە هەركەسێ ناسنامە هەبیت بێژنێ زەلام وئەو زەلامێن كەركوك فروتی بلا نوكە لەعنەتا ل خو بكەن وناڤێ وانان دفەرهەنگا رەشا تاوانێن دژی كوردان كرین هاتیە نڤێسین. دفەرهەنگا بویەران دا بویەرا رەشا بسەر سەرێ كوردان هاتی روژا رەشا 16 ئوكتوبەرێ یە و قوناغا هەرە مەزن كو كورد پاشڤە برین وتیرەكێ ژەهراوی ل دلێ هەر كوردەكێ دلسوز دایە .
قوناغ بورین كەركوكا مە هاتە داگیر كرن وب كەیف وحەزێن خو یێ دەستكاریێ دهەمی بوارێن ژیانێ دا دكەن ل كەركوكێ كورد هاتنە دویر كرن ژ فەرمانگەهێن میری ودەزگایێن دی وهەردبسان كورد ژ ناڤ رێزێن لەشكەر وپولیسان هاتنە دەركرن وپلە وپوستێن وانان هاتنە ژێوەرگرتن ویا ژ هەمیان مەزنتر كو ددیروكێ دا نە چێبویە تو لپێش چاڤێن كوردێن كەركوكی پارچێن زەڤیێن كو ملكێ باب وبابكالكێن وانان بدەیە عەرەبان ولسەر عەرەبین شیعی دابەش بكەی.
لدویڤ ژێدەرێن میدیایی كو روژناما باس ل ژمارا خو دا 406 ل 13/11/2018 هاتیە دیار كرن كو حەشدا وەحشی ب دەهان دونەمێن عەردێ حكومی وكوردان لسەر چەكدارێن خو یێن دەڤ بخوین وهەمەج دابەش دكەن وب سەرپەرشتی یا برایەكێ پارێزگارێ نە شەرعی راكان سعید ئەڤ پروسا ترسناك یا دهێتە سەرپەرشتی كرن وپروسە یا دهێتە كرن ، ل بەری دەمی ل سالێن كەڤن ودێرین دا تەعریبا ل كەركوك دهاتە كرن بتنێ تەعریب بو بەلێ پا نوكە تەعریب وشیعە كرن یا دهێتە كرن و لبەر چاڤێن هەمی خودان قەلەمێن زێرین خودان گیانێ كوردپەروەریێ خودان هەلویستان خودان قانونان ئەرێ بوچی كەس باس ناكەت وڤان پرسێن ترسناك بەر چاڤ بگریت ونە یاسایا ڤان رەفتاران بلند بكەت بو جهین پەیوەندیدار وشولەژێ ما دبیت بێ هەلبژارتن پارێزگارەك بو كەركوك هەبیت ما چێ دبیت وەلاتەك ب توپ وتانك وهێزێ باژێرەكێ خو داگیر بكەت.ئەو ژی دزانن وجیهان ژی دزانیت كەركوك باژێرەكێ كوردی یە ودێ هەر مینیت باژێرەكێ كوردستانی ودێ رویێن خائین وخوفروشان رەش بن ودێ خوفروش كەڤنە دزبلدانكا گلیشی دا. هەوارا مە یا داویێ ئەوە كو هەمی پارت ولایەن وكوردپەروەر كەركوكێ ژ تەعریبا شیعی رزگار بكەن وتەعریب بەس نە بو نوكە شیعكرنا عەرەبكرنێ ژی هاتە سەر .لەوما دبێژم كەركوكا داگیركەر كوردستانی یە ودێ هەر مینیت كوردستانی.
