خه‌بات: د.كەیفی‮ ‬ئەحمەد-كۆیە –
شیعر مێژوویەكی‮ ‬ئێجگار كۆن و دوور و درێژی‮ ‬هەیە،‮ ‬مرۆڤ هەر لەسەردەمانی‮ ‬سەرەتای‮ ‬ژیانیدا ئاشنایەتی‮ ‬لەگەڵ ئەو جۆرەی‮ ‬ئەدەبدا پەیداكردووە،‮ ‬ئەو هونەری‮ ‬دەربڕینەی‮ ‬كردووە بە ئامراز و هۆكارێك بۆ دەربڕینی‮ ‬گشت كێشە و ئازار و رەخنە و پەیام و مەبەستەكانی‮ ‬خۆی،‮ ‬ئەگەر بگەڕێینەوە بۆ لای‮ ‬گریكەكانیش وەكو خاوەنی‮ ‬گشت سەرچاوە زانستی‮ ‬و ئەدەبییەكان،‮ ‬دەبینین،‮ ‬كەسێكی‮ ‬وەكو‮ ‬ئەرستۆ بەپێچەوانەی‮ ‬مامۆستاكەی‮ ‬لەگەڵیدا بووەو كتێبێكیشی‮ ‬بەناوی‮ ‬شیعر‮ ‬وەكو‮ ‬یاسا و رێسا و بۆچوونەكانی‮ ‬خۆی‮ ‬لەمەڕ‮ ‬زۆر مەسەلەی‮ ‬زانستی‮ ‬و ئەدەبیی‮ ‬و هونەری‮ ‬داناوە،‮ ‬بەهەمان شێوە‮ ‬هۆراس‮ ‬لەگەڵ شیعر بووە،‮ ‬شاعیرێكی‮ ‬كۆنی‮ ‬گریكی‮ ‬وەكو‮ ‬ئەدریانۆس‮ ‬بەهۆی‮ ‬شیعرە مەلحەمییەكانی‮ ‬مێژووی‮ ‬ئەسكەندەری‮ ‬گەورەی‮ ‬نووسیوەتەوە،‮ ‬یان نووسەرانی‮ ‬گەورەی‮ ‬تراژیدیا،‮ ‬كە تراژیدیانامەكانیان بەشێوەی‮ ‬شیعر نووسیوە،‮ ‬باس لە مێژوو و كێشە كۆمەڵایەتی‮ ‬و دارایی‮ ‬و رامییارییەكانی‮ ‬سەردەمی‮ ‬خۆیان كردووە‮. ‬لەنێو نەتەوەی‮ ‬كوردیشدا رووكردنە ئەو هونەرەی‮ ‬دەربڕین زۆر كۆنە،‮ ‬شایەدی‮ ‬قسەكەشمان هەموو ئەو شیعرە فۆلكلۆرییە رەسەنانە،‮ ‬كە هەموو بوارەكانی‮ ‬ژیانی‮ ‬كۆمەڵی‮ ‬كوردەواری‮ ‬داپۆشیوە،‮ ‬بۆ هەموو بوارەكان بە شیعر قسەی‮ ‬خۆیان كردووە‮. ‬هەروەها لەنێو جۆرەكانی‮ ‬ئەدەبی‮ ‬نووسراویشدا شیعر‮ ‬پێش هەموو جۆرەكانی‮ ‬ئەدەب كەوتووە،‮ ‬نەتەوەی‮ ‬كورد خاوەنی‮ ‬چەندین شاعری‮ ‬گەورە و داهێنەر و بەناو و ناوبانگە،‮ ‬هەر بۆیە رۆژهەڵاتناسی‮ ‬بەناوبانگی‮ ‬روسیی‮ ‬ئەبۆڤیان‮ ‬لەوبارەوە گوتوویەتی‮ ‬هەموو كوردێك تەنانەت پیرەمێردە نەخوزێندەوارەكانیشی‮ ‬گیانی‮ ‬شاعیرانە لە ناخ و دەروونیان دایە‮.

هەربۆیە ئەو رەوتە بەردەوامی‮ ‬هەیە و تاكەكانی‮ ‬نەتەوەكەمان درێژەیان بەو مێژووە داوە،‮ ‬لە هەموو پارچەكانی‮ ‬وڵات و لەهەموو شار و نێوچەیەكی‮ ‬ئەو نیشتیمانە رەنگینەدا،‮ ‬چەندان كوڕ‮ ‬و كچی‮ ‬لاوی‮ ‬شاعیر بەزمانی‮ ‬پاراوی‮ ‬نەتەوەكەیان،‮ ‬كێشە و پەیام و دەردەدڵی‮ ‬خۆیان دەردەبڕن و هەموو جیهانی‮ ‬لێ وشیار دەكەنەوە‮. ‬كۆیەش وەكو پارچەیەكی‮ ‬زیندوو و خاوەن مێژوو لەو رووە چالاكیی‮ ‬و كۆڕ‮ ‬و سیمینار و دیداری‮ ‬شیعریی‮ ‬لەو شارە بەردەوام بەرچاو دەكەوێت،‮ ‬یەكێكیش لەو مەڵبەندە چالاكانە‮ ‬كتێبخانەی‮ ‬گشتی‮ ‬كۆیە‮‬یە،‮ ‬دەتوانین بڵێین لەوەتەی‮ ‬مامۆستای‮ ‬شاعیر و روناكبیر‮ ‬ئارام ساڵح‮ ‬بووە بە بەڕێوەبەری‮ ‬ئەو دەزگایە،‮ ‬دەیان جار ئەو جۆرە چالاكییانە زیادیانكردووە،‮ ‬هەر لەدرێژەی‮ ‬چالاكییە بەردەوامەكانی‮ ‬كتێبخانەی‮ ‬گشتی‮ ‬كۆیە،‮ ‬رۆژی‮ ‬دووشەمە‮ ‬5/11/2018‮ ‬كات‮ ‬3‮‬ی‮ ‬دوای‮ ‬نیوەڕۆ،‮ ‬لە باڵەخانەی‮ ‬كتێبخانەی‮ ‬گشتیی‮ ‬كۆیە،‮ ‬هەستان بە رێكخستنی‮ ‬كۆڕێكی‮ ‬شیعری‮ ‬بۆ سێ ژنە شاعیری‮ ‬دیاری‮ ‬كوردستان،‮ ‬كە بریتیبوون لەماردین ئەبوبەكر،‮ ‬لەیلا سۆفی‮ ‬سوڵتانی‮ ‬و بەیان كەریم ئەحمەد‮ ‬هەریەكە لە شاعیرەكان چەندین شیعری‮ ‬كۆن و نوێی‮ ‬خۆیانیان پێشكەشی‮ ‬ئامادەبوون كرد،‮ ‬شایانی‮ ‬باسە كۆڕەكە لەلایەن‮ ‬د.ئەكرەم خامۆش‮ ‬و بە ئامادەبوونی‮ ‬جەماوەرێكی‮ ‬زۆر بەڕێوەچوو‮. ‬