خەبات/ کاروان محەمەد سینۆ
1) هەردوو لا یاداشتنامەیەکی لێکتێگەیشتن واژۆ دەکەن کە ئاگر بەست بۆ ماوەی ٦٠ ڕۆژ درێژ دەکاتەوە و شیاوی نوێکردنەوەش دەبێت.
2) لەم ماوەیەدا، گەرووی هورمز بەبێ باج و ڕسووماتی تێپەڕبوون دەکرێتەوە، و ئێران ڕەزامەندی دەردەبڕێت لەسەر لادانی ئەو مینانەی کە لە گەرووەکەدا چاندوونی بۆ ئەوەی ڕێگە بە تێپەڕبوونی کەشتییە دەریاییەکان بدرێت.
3) لە بەرامبەردا، ویلایەتە یەکگرتووەکانی ئەمریکا گەمارۆکانی سەر بەندەرەکانی ئێران لادەبات، و هەندێک بەخشین لە سزاکان بە ئێران دەبەخشێت بۆ ئەوەی ڕێگەی پێبدرێت نەوتەکەی بە ئازادی بفرۆشێت.
4) ئێران پابەند دەبێت بەوەی کە هەوڵ بۆ بەدەستهێنانی چەکی ئەتۆمی نەدات.
5) لە ماوەی ئەو شەست ڕۆژەدا، دانوستانی دیکە بەڕێوە دەچێت سەبارەت بە هەڵپەساردنی پڕۆگرامی پیتاندنی یۆرانیۆم، و نەهێشتنی کۆگای یۆرانیۆمی زۆر پیتێنراوی تاران.
6) بەپێی گوتەی سەرچاوە ئاگادارەکان، ئێران بە زارەکی بەڵێنی داوە سەبارەت بەو سازشانەی کە پێشکەشیان دەکات لە پرسی هەڵپەساردنی پڕۆسەی پیتاندن و دەستبەرداربوون لە کۆگای یۆرانیۆمی پیتێنراو.
7) ئەمریکا ڕەزامەندی دەردەبڕێت لەسەر گفتوگۆکردن دەربارەی لادانی سزاکان و هەڵگرتنی سڕکردن لەسەر پارە و داراییەکانی ئێران لە ماوەی ئەو شەست ڕۆژەدا.
8) هێزەکانی ئەمریکا کە لە مانگەکانی ڕابردوودا لە ناوچەکەدا کۆکراونەتەوە، لە ماوەی ئەو شەست ڕۆژەدا وەک خۆیان دەمێننەوە، و ناکشێنەوە تەنها لە حاڵەتی گەیشتن بە ڕێککەوتنی کۆتاییدا نەبێت.
9) ڕەشنووسی یاداشتنامەی لێکتێگەیشتنەکە بە ڕوونی جەخت لەسەر کۆتایهێنان بە شەڕی نێوان ئیسرائیل و حزبوڵڵا لە لوبنان دەکاتەوە.
