لە چوارچێوەی هەوڵە بەردەوامەکانی حکومەتی هەرێمی کوردستان بۆ پشتیوانیکردنی قوربانیانی دەستی داعش و کەمکردنەوەی بارگرانیی سەر شانیان، ئەمڕۆ هەینی قۆناغێکی دیکەی دابەشکردنی مینحەی مانگانە بۆ ڕزگاربووانی ئێزیدی دەست پێدەکات و بەپێی خشتەیەکی دیاریکراو لە چەند ناوچەیەکی جیاواز بەڕێوەدەچێت.
خشتەی دابەشکردنەکە بەم شێوەیە دەبێت:
-
هەینی (22-05-2026): قەزای شێخان، هۆڵی لالش شێخان.
-
شەممە (23-05-2026): ناحیەی خانکێ، هۆڵی لالش / کۆشکی ئێزدین.
-
یەکشەممە (24-05-2026): کۆمەڵگەی شاریا، هۆڵی لالش 1.
-
دووشەممە (25-05-2026): کۆمەڵگەی دێربوون، هۆڵی لالش.
لەم پڕۆژە مرۆییەدا کە بە پاڵپشتیی ڕاستەوخۆی نووسینگەی سەرۆکوەزیرانی هەرێمی کوردستان بەڕێوەدەچێت، مانگانە بڕی 150 هەزار دینار وەک هاوکاریی دارایی پێشکەش بە سێ هەزار و 590 ڕزگاربووی ئێزیدی دەکرێت لە تەمەن و ڕەگەزی جیاوازدا.
