دەزگای خێرخوازیی بارزانی بەردەوامە لە گەیاندنی کۆمەک و هاوکارییە مرۆییەکان بۆ ئاوارە و لێقەوماوانی ڕۆژئاڤای کوردستان. بەگوێرەی نوێترین ئامار کە تا بەرەبەیانی 6ی شوباتی 2026 تۆمارکراوە، پڕۆسەی دابەشکردنی پێداویستییەکان بە چڕی بەردەوامە و هەزاران خێزان لێی سوودمەند بوون.
دەزگای خێرخوازیی بارزانی ئەم خزمەتگوزارییانەیان پێشکەش بە رۆژئاڤای کوردستان کردووە:
کۆمەکی گشتی: گەیاندنی 361 بارهەڵگر هاوکاری (خۆراک، کەلوپەلی ناخۆراکی، پزیشکی و سووتەمەنی).
سوودمەندبووان: 12هەزار و 526 خێزان هاوکارییان پێگەیشتووە.
سووتەمەنی: دابەشکردنی 325 هەزار و 852 لیتر سووتەمەنی بەسەر 8 هەزار و 908 خێزاندا.
خۆراک: دابەشکردنی 73 هەزار و 12 ژەمە خۆراکی گەرم.
کەرتی تەندروستی: چارەسەرکردنی پزیشکی بۆ ٧ هەزار و ٩١٩ کەس.
هەلی کار: ڕەخساندنی 731 هەلی کار لە چوارچێوەی پڕۆژەکاندا.
ئەم هاوکارییانە شارەکانی (قامشلۆ، دێرک، گركێلەكێ، تربەسپی، عامودا، دێربێسیێ، حەسەکە و عەفرین)ی گرتووەتەوە.
