ب هه‌لكه‌فتا ب ده‌ستڤه ئینانا كوپا قاره‌مانیا ڤولیبۆلێ ل سه‌ر ئاستێ یانێن عیراقێ ل وه‌رزێ ئه‌ڤ ساله دوهى د.عه‌لى ته‌ته‌ر پارێزگارێ دهۆكێ پێشوازیا سه‌رۆك و راهێنه‌ر و یاریكه‌رێن یانا سه‌نحاریب یا كچان یا ڤولیبولێ كر، دهه‌ڤدیتنه‌كێدا پارێزگارێ دهۆكێ خوشحالیا خۆ ب وێ سه‌ركه‌فتنێ دیاركر یا كۆ یانا سه‌نحاریب ب ده‌ستڤه ئیناى و پیروزباهى و ده‌ست خوشى ل سه‌رۆك و راهێنه‌ر و هه‌موو یاریكه‌رێن یانێ كر و گوت: سه‌ركه‌فتا یانا سه‌نحاریب دكوپا عیراقێ دا جهێ شانازیێ یه بۆ حكومه‌تا هه‌رێمێ و خه‌لكێ پارێزگه‌هێ. دڤان چار سالادا بزاڤا وه‌رزشى ل پارێزگه‌هێ ب گشتى و ب تایبه‌تى ل باژێرێ دهۆكێ گه‌له‌ك پێشكه‌فتى یه و یانێن وه‌زرشى ل سه‌ر ئاستێ پارێزگه‌هێ دوه‌رزێ ئه‌ڤ ساله‌دا (8) جارا ناسناڤێ پارێزگه‌هێ ل سه‌ر ئاستێ هه‌رێما كوردستانێ و عیراقێ و كه‌نداڤى ب ده‌ستڤه ئینایه و پشته‌ڤانیا پارێزگه‌هێ نیشان دا بۆهه‌ر هاریكاریه‌كێ، هه‌ژى گوتنێ یه ل رۆژا ئه‌ینى 29/ته‌باخێ/2025 ل هه‌ولێرێ یاریا دوماهیێ دناڤبه‌را یانا سه‌نحاریب و و یانه‌یا ئه‌كه‌د ژ قاره‌مانیا كوپا عیراقێ هاته كرن و دئه‌نجامدا یانا سه‌نحاریب ب سه‌ركه‌فت و ناسناڤێ قاره‌مانیێ وه‌رگرت.
