خالد ئەحمەد بادی
ئاڤ پێتڤیەکا هەر سەرەکی یە وکاروانێ ژیانێ بێی ئاڤ برێڤە ناچیت ودومێ ناکەت چونکە ئاڤ ژیانە وژیان ئاڤە ، دبەرێ خودانا مە دا بو رابردویی سال و چەرخێن کەڤن دا مە ددیت زور باران دمشە بوون و هەروەسا زور ئاڤ هەبوون و ئەڤان گوتنێن مە لسەری باس کرین کو هاتنا باران وبەفر و گژلوک وباروڤە و کەش وهەوایەکێ سار و تەزی کارتێکرن دباش بون وخوشکرن ومشەکرنا ئاڤ وباران وکانی و رویبار وجوکان دا هەبوون ، هوکار زورن ئەو هوکارە ل دەمێن کەڤن دا خەلکی وکومەلگەهێن جیهانێ چاندن دکرن وهەر دیسان پویتە ددا ژیانا گوندان ودویر بون ژ پێشەسازیێ و ژیانا باژێران.
لێ لڤان سەردەمان پتریا کومەلگە وخەلکێ جیهانێ ژ ژیانا چاندن خودان کرنا گیاندران وگوندایەتیێ بەرەف ژیانا باژێر وپێشەسازی بازرگانیێ ڤە چوون ولدویڤ داتا وئامارێن جیهانی دیار دکەن کو ب رێژێن هەرە مەزن خەلکەکی گوند وژیارا چاندن وخودان کرنا تەرش وکەوالان هێلان وئەڤە بونە ئەگەر کو باران کێم ببن ولدوماهیکێ ببتە هشکە سالی وهشکاتیێ پتریا وەلاتێن جیهانێ ڤەگرتی یە. نمونە لسەر ڤێ چەندێ ئەگەر هەر دارەکا ژیێ وێ دەه سال بن دێ شێت ئاڤێ کێشیت رهێت خو لدەمێ باران بارینان دا وهەروەسا دێ مفایی ژ دار وبەرهەمێت وێ دارێ ژی بینی وهەروەسا دێ ئوکسجینی ژی دەت ولدویڤ داتایێن شارەزایێن ژینگەه وسەقایی هەر دارەک ئوکسجینی ددەت دوو کەسان ولڤێرە دارستانێن جیهانێ و بتایبەت یێن ئەوروپا ڤێ کێماسیێ ل دەڤەرێن دی یێن جیهانێ پر دکەت ب تایبەت دارستانێن ئەمازون و یێن جییایێن ئەلپ ل دلێ ئەوروپا کو دەڤەرا نەمسایە. هاتنا بارانا ژیانێ نوی دکەت ودومێ ددەتێ فەرە هەمی کومەلگەهێن مروڤان مفایی ژ باران ببینن یێن کو خودایێ مەزن ددەت سەر دەڤەر و وەلاتێن جیهانێ کو ب ئومبارکرنا ئاڤێ ب رێکێن بەنداڤ ونیمچە بەنداڤێن ئاخێ یین بچویک وگەر رویبار و جهین تایبەت دا کو ب هەروە نەچیت، زور وەلاتێن جیهانێ مفایی ژڤان ئاڤ ورویبار وکانی وجوکێن ئاڤێ دبینن وبەنداڤێن مەزن دروست دکەت وئاڤێ دناڤا وان بەنداڤ وئەردێن نزم ورویبار وجوکان دا (ئومبار) دپەنگینن ئانکو خەزن دکەن دا کو مفایی بو چەندن وکاروبارێن دی مفایی ژێ ببینن وژیانێ دووم بکەن ومفایی بگەهینن کومەلگەهێن مروڤان لسەرتاسەری جیهانی.
تورکیا زور بەنداڤ دروست کرینە لسەر رویبارێن دجلە؛ تێکرا ئانکو پێکڤە وبوش و فورات ئانو فرەهات ئانکو یێ بەرفرەهە رویبارێ ناڤبری ویا نەخوشتر کو ترکیا ئەڤ رویبارە بو خو بکارئیناینە وگرتینە وهەروەسا بەنداڤ لسەر دروست کرینە کو هەردوو رویبار یێن کوردانە وژ ئاخا پیروزا کوردان دەردکەڤن ودزێن.
کوردستان یا زەنگینە ب ئاڤ وباران وسەقایەکێ گونجایی لێ ژبەر تێکدانا ئاساییشا ئاڤێ ژلایێ بەرژەوەندخوازێن تایبەت دێ کارتێکرنێ ل کوردستانێ کەت.
