سەرۆک بارزانی بیست ساڵەی دامەزراندنی دەزگای خێرخوازیی بارزانی پیرۆز دەکات و دەڵێت: ئەرك و كاری خۆیان بە شێوەیەكی شایستە ئەنجام داوە و جێگەی شانازین.
دەقی پەیامی سەرۆک بارزانی:
بەناوی خودای بەخشندە و میهرەبان
بەبۆنەی بیستەمین ساڵەی دامەزراندنی (دەزگای خێرخوازیی بارزانی)ـیەوە ,گەرمترین پیرۆزبایی خۆم لە سەرۆك و بەرێوەبەران و كارمەندانی دەزگای خێرخوازیی بارزانی دەكەم.
پێزانینم بۆ ڕۆڵی مرۆڤدۆستانە و خێرخوازانەی ئەو دەزگایە هەیە لە بەهاناوەچوونی ئاوارەكان و لێقەوماوان و یارمەتیدانی نەخۆش و بێ سەرپەرشتان و خەڵكی هەژار و كەمدەرامەت.
ئەرك و كاری خۆیان بە شێوەیەكی شایستە ئەنجام داوە و جێگەی شانازین.
دەستخۆشی و سوپاسیان دەكەم و هیوای سەركەوتن و بەردەوامیان بۆ دەخوازم.
مسعود بارزانی 4ی ئابی 2025
