خالد ئەحمەد بادی
بزاڤێن مشە وئاسویێن گەش بەرەف بەروكا هەرێما كوردستانێ یێن دهێن و سەرەدان وكومبون ودیدار وگوتارێن مشە یێن دیار دبن دبەرژەوەندا مللەتێ كورد دا، تا كو ئەكاوەنت وپەیج وتیكتوك وسناپ وفێس بوك وهەمی سوشیال میدیا ڤان دویماهییان دا یێن بوچون و دەربرین وشروڤەیێن دبەرژەوەندا كوردان دا ددەن، هەرێما كوردستانێ و پارچێن دی یێن كوردستانێ دبەروكێن پێشڤەچون و پێشداچونێ دا ویێن بەرەڤ كاروانێ خورت وب لەز دچن و ئاراستەیێن ب كەیف وبەرچاڤ یێن خو دیار دكەن، دڤێ هەیڤێ دا كو هەیڤا ئەیار ئانكو هەیڤا گولانا سالا (2025) ێ دا بزاڤێن زێدە ومشە یێ روی ددەن و دهێنە پێش كو ئەو ژی پێشوازی و روینشتنێن سەروك (مسعود بارزانی) دگەل مەزنە بەرپرس وسەركردە وسەروك و وەزیر وكونسل وكەسایەتی یێن جودا جودا یێن بیانی و ناڤخویی دیار دبن، هەر دیسان هاتنا مەزلوم عەبدی كو نوكە ئەو ل كوردستانا روژئاڤا ب رولێ برێڤەبرن وئیدارەكرنا كوردستانا روژئاڤا جهێ ئارامی وئومێدبەخشییێ یە وچەندین پتر دگەل هەڤدوو ب روینن لدور مێزا بازنەیی مێزا گفتوگویان دێ رەوش باشتر لێ هێت و دێ پتر دهەڤدوو گەهن.
ئەڤ كار وبزاڤ وبەرنامە ب شێوەكێ باشتر دی برێڤە چیت وئاراستە وخال ونیشاندەرێت ئەرێنی نە، بو نمونە ل (15-16-17) ئەیارێ بەرێز نێچیرڤان بارزانی سەرەدانا بەغدادێ كر وپاشان سەردانا ئیرانێ كر وبەشداری دپانێلەكێ گرنگ دا كر وچەندین كەسایەتی دیتن وهەر دیسان سەرەدانا سەروك وەزیرێن هەریمێ بەرێز مسروربارزانی بو ئەمریكا كو دوو گرێبەستێن ب بهایەكێ مەزن دگەل کومپانیێن ئەمریكا ئیمزا كر دبوارێ نەفت وكانزایا دا كو دهێتە تەخمین كرن ب پتر سەد ملیار دولاران كو ئەڤە پێنگاڤەكا زور ئەرێنی وئومێد بەخش بوو، هەر دیسان سەرەدانا هەمی پارێزگارێن پارێزگەهێن هەرێما كوردستانێ بو وەلاتێ ئیرانێ وباژێرێ (سنە) وپاشان پایتەختێ ئیرانێ تەهران ویا ژ هەمییان گرنگتر پێشوازی یا سەروكێ ئیرانێ (مسعود پزیشكییان) كو یا پر بوو ژ ئومێد بەخشیێ وجهێ دلرەحەت وئارامییا گەلێ كورد و هەرێما كوردستانێ بوو.
جیهانگیری جهێ خو دهەر پرسەك وكارەكی دا دكەت ل سەرتاسەری جیهانێ وبەرژەوەندێن بالا یێن خو ویێن تایبەت یێن بجه وبدەستڤە دئینن ولسەر كیستێ كێ وچ بیت وكوردان ل دێرین زەمان بەرژەوەندێن خو گوری راستی وبراینی وهەڤالینی یێ كرن بلا ئەو فلم وسیناریو دوبارە نەبن ڤە، نوكە دەم یێ گونجایە ودەلیڤەیێن روهن وبریسقەدار یێن ل پێشییا كوردستانێ وبلا دوبارە مافێن مللەتێ كورد یێن كو هاتینە ژێستاندن ژلایێ دوژمنان ڤە بو بزڤرنە ڤە وكورد ب ئارامی وسەربەستی وئازادی ومافدار بژین وتامەكێ ژ ژیانەكا بەختەوەر ببین دویر ژ ئەنفال وجینوساید وئاوارەبوون وكوشتنێ . وب بوچونا من کورد یێ بەرەڤ ئەلندەکێ ڕوون و گەش د چن و دێ دەم و رەوش و داهاتی دبەرژەوەندا كوردان دا بیت.
