لیوا حسن نوری
ميژووا کوردستانێ یا ئاشکەرایە کانێ چەند هێرشێن قرکرنێ هاتینە سەر کوردستانێ ، هەر وەسا ژی یا ئاشکەرایە بچ جورە چەکەکی وەکو کیمیا و فسفور و ناپالم و هتد … دژی کورد و کوردستانێ بکار ئیناینە ژ ئەنفال و قەتلوعامێن جودا جودا و دیارە ژی کوردا چەند لبەرخودایە کو ئەڤ بەرخودانە ئێک ژ موعجیزێن چاخی یە بو پتر ژ ۱۲٠ سالان تو خو رابگری بەرامبەر هەمی دوژمنا بە هەمی پێچێبوونا،… وان ئەتۆم نەبویە هەکە دا ویژی بکار ئینن ولپشتی سەرهلدان و راپەرینا پیروزا نەتەوا کورد لسالا ۱۹۹۱ ێ لباشورێ کوردستانێ ئەڤ هێرشە چوونە دقویناغەکا دی دا و بهندەک ئامرازێن نوی وەکو ئابلوقە و برسیکرن و کێشانا کارگێری و تەقینەوا و دورستکرنا ترسێ و هاندانا زانا و کەسێن پسپورێن زانین و زانستی بو دەرخستنا وان ژ وەلاتی پاشی خوراگری و دانانا حکمرانیا دیفاکتویا باشورێ کوردستانێ هەلخستنا ئاگرێ شەرێن ناڤخو پاشی زال بوون لسەر وێ گرفتاریا مەزن ژی و پشتی ئازاد بوونا عیراقێ ژ دکتاتوریێ و دوستوری بوونا مافێن کورد و کودستانێ دیسان جولە پێکرنا لەشکران و دورستکرنا رێکخراوێن ترساندن و توقاندنێ قاعیدة و داعش و پاشی هاڤێتنا مووشەک و فروکێن بێ فروکەڤان و هتد پاشی خوراگرتنێ و بەرخودانێ گرتنا بیانووا بهەبوونا ئیسرائیلێ و هتد و رێک دانە خو پایتەختی و مالێن چەندین خەلکێ سڤیل بکەنە ئامانج و زاروک و ژن بونە قوربانی.
ئەرێ مللەت نوکە دوژمن بچ ئامرازەک دوژمناتیا کوردستانێ دکەت ئایا خلاس بەلا خو ژمە ڤەکریە ؟ ئایا کین و کەرب و ژەهرا وان بدویماهی هاتیە ؟ ئایە دێ شێن بەرێ خودەنە کوردستانێ یا پێش دکەڤیت و پروژێن ٥٠ سالیێن ئاڤێ و جادێن بستاندەرێ نێڤدەولەتی و سایلوو و بەنداڤێن ئاڤێ کو ئاسایشا ئاڤێ و خوراکی دابین دکەن بو کوردستانێ و وەکو نەتەوەیەک سازیێن خویێن ئەولەهی و بەرەڤانێی هەین دێ شێت هەدار بگریت و ڤان هەمی پێشکەفتنا ببینیت.
ئامرازێن نووکە یێن دوژمناتیا قەوارەیێ دستوریێ هەرێما کوردستانێ مانە گردبوون و خوپیشاندان و و تەوتین و باوەشا کلدانی و هاوشێوێن ویە، مانە خائینێن ڤی وەلاتی ئەون ین دژی پروژێ نەتەوەی مانگرتنا و لەیزتن ب برسیبوونا ماموستا و مووچە خورێن کوردستانێ یە، خوێندەڤانێن هێژا ئەڤرو قەوارێ هەرێما کوردستانێ قەوارەیەکا دستوری و خودان سەربور و لهەمی دونیایێ هەڤپەیمان و پشتەڤانێن خو یێن بهێز هەنە لەوا باشتر ئەوە ئەم پالێت ئاڤا کرنا چەمک و تێگەهێن نەتەوەیێن خو بین و ژ جغزا دوژما بێینە دەر و خزمەتا کورد و کوردستانێ بکەین و چالکڤان و جاسووسا ژئێک ڤاڤێر بکەین، چالاکیێن سڤیل ژ هێرشا ڤاڤێر بکەین.
و راکێشان و پالدانا خەلکی بو فشارێ لسەر سازیێن نەتەوەی و ژ فشارکرنا مووچە برێن راستەقینەیێن حکومەتا فیدرال ڤاڤێر بکەین و راستیا ڤێ پروسا دەستکرد یا کو دوژمنا دورستکری ئەڤا دبێژنێ ماموستایێن نە رازی و بەرزەکرنا دەوسا مووچە برێن راستەقینە بڤێ هەولێ پوچەل بکەین و ئەم وەکو پێشمەرگەیان لقادا نەتەوەیی راستیا ببینین و سەختەچیا رسوا بکەین.
