خالد ئه‌حمه‌د بادی
دڤان بارودوخێن لڤلڤوک دا هەمی جیهان مژویلی رەوشا روژهەلاتا ناڤینە و ب تایبەت بویەرێن سوریایێ , رویدانێن بلەزو بەردەوام بەرەڤ روژهەلاتا ناڤین دهێن ودەڤەرێ ڤەدگریتن مینا ڤایروسەکێ کارا وهێدی یێ ژلەشێ مللەت و وەلاتێن لروژهەلاتا ناڤین ڤە دخوت, ئەڤە وێ چەندێ دیار دکەت کو کێماسیێن هەین دناڤا دەستهەلاتدارێن لروژهەلاتا ناڤەراست دا , کێم هزرکرن ونەدانانا بەرناما ولێک تێک نەگەهشتن وخوفەرزکرنا ب کوتەک ودرێژاهییا دەستهەلاتی ونەدادپەروەری دئەنجام دانا کارێن کارگێری وروژانە دا دێ وێ چەندی دیار کەت کو رەوش بهێتە گهورین و گهورینا رەوشان ژی ب گهورینا کەسانێن زولم وستەم گەهاندی یەخەلکێ سڤیل وبێ گونەهـ , ل سوریایێ ئەڤ سیناریو وفلمە ژی پەیدا بوو وئەوێ ب هێز وکوتەکی هاتیە دەستهەلاتی دێ ب هێز وکوتەکی دەستهەلاتی ژی بەردەت, نەهامەتێن گەلێ سوری هەر ژ کەڤندا ژبنەمالا ئەسەدی دیتین ولدەمێ هاتیە سەر دەستهەلاتی لسالا(١٩٧٠) ژلایێ حافز ئەسەدی ڤە کو پشتی کودەتایەکا لەشکەری ئەنجام دایی دژی هەڤالێن خو یێن نێزیک وتا نوکە زورن وب هەمی رەنگان ئەسەدی مللەتێ خو دهێلانە برسی وزیندان دکرن وکورد بێ بەهر کربون ژ ناسنامێ ومینا وەلاتیێن پلە (١٠) ژی نە دهژمارتن, رژێما سوریێ زولم و ستەم وزورداریێ ل گەلێ خوکریە ژهەمی ئالیان ڤە ژئالیێ جڤاکی وئابوری وکەلتوری و رەوشەنبیری وپەروەردەیی وبێ بەهر کرینە ژکێمترین مافێن وان یێن رەوا یێن وەلاتینیێ وهەردەم زرتەک ورەشەکێن دەزگایێن ئاساییش وپولیسێن رژێما سوری دبەرهەڤ بون ژبو گرتن وکوشتن وزیندانکرن وئەشکەنجەدانێ وپشتگوه هاڤێتنا ماف وداخوازیێن کێم وسادە یێن گەلێ سوری وئەنجام دانا ب دەهان کوشتارا دژی هاوەلاتیێن سڤیل وژن وزارویا وپیرە مێرووپیرە ژنا ویاسەیر کوهەمی رێکخراوێن مافێ مەدەنی وکومەلگەهێ نێڤ دەولەتی یێ بێ دەنگ وبێ هەلویست بو بەرامبەر سیاسەتا شاش ودوژمنکارانە یا رژێما سوری, ل (٣٠) نوڤەمبەری ئانکو هەیڤا تشرینا ئێکێ یا سالا (٢٠٢٤) هێزێن ئوپوزسیونا سوری ب سەرکێشییا دەستەیا ئازادکرنا شامێ وخەلک ومللەتێن سوری لڤینێن باش بلەزکرن و ئەنام دان وبەرەف (حماە) ڤە وسەر ب دەهان گوند و باژیروباژێروکێن سوریێ ئازاد کرن ودناڤ وان دەڤەر وباژێران دا (حلفایا ومورک ولەتامنە وکفرزیتا وکەلها مەزیق وکفرنبودە وکرناز ولەحایا وبوەیزە ولەتمین وصوران وموغیر وومعدرس وسقیلبە ومحردە وتیبایا ئیمامی و..پتر، جه وباژێرو باژیروک کونترول کرن وهێدی ئەو مللەتێ تێرکەرب گرتی ژ رژێما ئەسەدی تا کو هەمی سوریا گرتی وبشار ئەسەد یێ کو مە ناڤ لسەر دانایی ماهینا ستودرێژ رەڤی وگەنجینە ومال وملکێ خەلکێ سوری ب دەهان بەلکو ب سەدان هزاران ملیارێن دولار ویورو وتەنێن زێری دگەل خودا برن , وخو وخێزانا خو قورتال کرن وخەلکێ سوری هێلان دهەژاریێ دا ب نالن ودوماهیکا زالم ودکتاتوران هەر ئەڤەیە, ب بوچونا من؛ ئەگەر گیانێ لێبوورین و برایەتی و پێکڤەژیان و سازان نەبیت… دێ رەوشا سوریێ بەرەف ئالوزترڤە چیت وپتر پرسێن مەزهەبی ونەتەوەیی ومایتێکرنێن وەلاتێن بیانی وب تایبەت روسیا وئەمریکا ووەلاتێن هەرێمی دێ رەوشا سوریێ بەرەف ئاقارەکێ نەدیار ڤە چیت, ودێ دناڤ ڤان هەمی گێلەشوکا دا دێ رەوشا کوردان بەرەف هندەک ئاستەنگ ونەهالێن کویر ڤە چیت دێ کورد ومللەتێن سوری زور زیانان بینن, بروخن دکتاتور… سەرکەڤن ئاشتیخواز… بژیت پێکڤە ژیان ودهەڤگەهەشتن.
