سەرۆكی حكوومەتی هەرێمی كوردستان بەبۆنەی (جەژنا ڕۆژییێن ئێزی) پەیامێكی پیرۆزبایی ئاراستەی خوشك و برایانی ئێزیدی كرد و هیوای خواست ئەم جەژنە بە خێر و خۆشی و ئارامی بەڕێ بكەن.
مەسرور بارزانی سەرۆكی حكوومەتی هەرێمی كوردستان لە پەیامە پیرۆزباییەكەدا هەروەها رایگەیاند “حكوومەتی هەرێمی كوردستان خزمەتكردنی خوشك و برایانی ئێزیدی و سەرجەم چین و توێژەكانی كوردستان بە ئەركی سەرەكی خۆی دەزانێت”.
دەقی پەیامە پیرۆزباییەكەی مەسرور بارزانی سەرۆكی حكوومەتی هەرێمی كوردستان:-
پیرۆزباھییێن گەرم ئاراستەی خووشک و برایێن ئێزیدی ل کوردستانێ و جیهانێ دکەم و جەژنا ڕۆژییێن ئێزی ل وان پیرۆز دکەم . ھیڤیدارم ب خێر و خوەشی و تەناهی ڕۆژێن جەژنێ ببورینن.
حکومەتا هەرێما کوردستانێ، خزمەتکرنا خووشک و برایێن ئێزیدی و هەموو تەخ و چینێن جڤاکا کوردستانێ ب ئەرکێ سەرەکییێ خوە دزانیت و پێگیریبوونا خوە ب بهێزکرنا کلتوورێ پێکڤەژیانێ دوپات دکەتەڤە.
جەژنا ڕۆژییێن ئێزی پیرۆز بیت و هەرتم شاد بن.
مەسرور بارزانی
سەرۆکێ حکوومەتا هەرێما کوردستانێ
19 کانونی یەکەم 2024
