بەشی گەنجینەی فیدراڵی لە داهاتی نانەوتی هەرێمی كوردستان خرایە سەر هەژماری بانکی وەزارەتی دارایی فیدڕاڵ.
وه‌زاره‌تی دارایی و ئابووری حكوومه‌تی هه‌رێمی كوردستان بڵاویكرده‌وه‌، ئه‌مڕۆ چوارشه‌ممه‌ 16ی ئۆكتۆبه‌ر، بڕی 77 ملیار و 841 ملیۆن و 761 هەزار دینار وەک پشکی گەنجینەی فیدراڵی لە داهاتی نانەوتی هەرێمی کوردستان بۆ مانگی حوزەیرانی ساڵی 2024، خرایە سەر هەژماری بانکی وەزارەتی دارایی حکومەتی فیدراڵی لە لقی هەولێری بانکی ناوەندی عێراق.