سەید جەنگی‮ ‬محەمەد
ئێمە لەهەرێمێكدا دەژین و هەنگاو دەنێین لە پێناو دەستەبەر كردنی‮ ‬سیستەمی‮ ‬دیموكراتی‮ .. ‬دیموكراتی‮ ‬بەواتا واتا راستەقینەكەی‮ ‬كە دەسەڵاتی‮ ‬خەڵكە و دەبێ دەخزمەتی‮ ‬خەڵكدا بێت‮. ‬لە‮ ‬یەكەمین هەڵبژاردنی‮ ‬پەرلەمانی‮ ‬كوردستان لە‮ ‬19‮/‬5‮/‬1992 و تاوەكو ئێستا هەڵبژاردن و حكومەتی‮ ‬كوردستان بەردەوامی‮ ‬هەیە،‮ ‬بەڵام پەرلەمان و حكومەتی‮ ‬كوردستان بە قۆناغ‮ ‬و شێوازی‮ ‬جیاجیا و تاقیكرنەوەی‮ ‬تفت و تاڵدا گوزەراوە،وەكو حوكمەتی‮ ‬پەنجا بە پەنجا كە نەوەك هەر سەركەوت و نەبوو،‮ ‬بەڵكو لە ئاكامدا شەری‮ ‬ناوەخۆ‮ (‬براكوژی‮) ‬لێكەوتەوە‮. ‬دواتر حوكمەتی‮ ‬بنكە فرەوان و بوونی‮ ‬ئۆپۆزسیۆن لە ناوپەرلەمان لە دەرەوەی‮ ‬پەرلەمان،‮ ‬ئەم ئەزموونەش شكست خواردوو و بێ سوو بێ ئەنجام بوو و نەتوانرا چوار ساڵی‮ ‬ئارام بەرێتە بەڵكو چوارساڵی‮ ‬پڕ‮ ‬لە نائارامی‮ ‬و لێكترازانی‮ ‬كۆمەڵگا و لایەنە سیاسییەكانی‮ ‬كوردستان بوو‮. ‬سەر هەرچەندە كە نەدەبوو وا بێت چونكە كوردستان لە بارودۆخێكی‮ ‬زۆر دژوار دابوو لە رووی‮ ‬ئابوری‮ ‬و سەربازی‮ ‬هەروەها لەلایەن حكومەتی‮ ‬فیدڕاڵی‮ ‬عێراق گوشارێكی‮ ‬زۆر و پاڵەپەستۆی‮ ‬ئابوری‮ ‬خرایە سەر هاوڵاتیان و حكومەتی‮ ‬هەرێمی‮ ‬كوردستان بە بڕینی‮ ‬بوجە و موچەی‮ ‬فەرمانبەران و‮….‬هتد‮. ‬هەروەها كوردستان و حكومەتی‮ ‬هەرێم روبەروی‮ ‬هێرشی‮ ‬تیرۆرستانی‮ (‬داعش‮) ‬بوویەوە‮. ‬سەرباری‮ ‬هەموو ئەم نەهامەتیانە خواست و ئیرادیە خەڵكی‮ ‬كوردستان لە ریفراندۆم بە مافی‮ ‬رەوای‮ ‬ئەوان نەزانرا و گەلەكۆمی‮ ‬كرایە سەر هەرێمی‮ ‬كوردستان و حكومەتی‮ ‬هەرێم‮. ‬كابینەی‮ ‬ئەمجارەی‮ ‬حكوومەتی‮ ‬هەرێمی‮ ‬كوردستان لەبەردەم ئەگەر و ئەركێكی‮ ‬قورس دایە،‮ ‬جونكە گۆرانكاری‮ ‬لە ئەنجامی‮ ‬هەڵبژاردن هەیە و دەبێت لایەنە سیاسیەكان هەزمی‮ ‬ئەوە بكەن هەر هێزێكی‮ ‬سیاسی‮ ‬بەپێی‮ ‬رێژەی‮ ‬دەنگ و ژمارەی‮ ‬كورسی‮ ‬مافی‮ ‬خۆی‮ ‬هەیە و پێشبینیی‮ ‬دەكرێت باشترین بژاردە حوكمەتێكی‮ ‬نیمچە فراوان بێت‮. ‬بۆیە دەبێ لە خولی‮ ‬پێنجەمی‮ ‬پەرلەمان و كابینەی‮ ‬نۆیەمی‮ ‬حكومەت میكانزمی‮ ‬حكومەت و چۆنیەتی‮ ‬بنیات نان لەبەرچاو بگیرێت بۆ كوردستانێكی‮ ‬ئارام و چارەسەركردنی‮ ‬قەیرانی‮ ‬مووچە‮ ‬یان كەمكردنەوەی‮ ‬پاشەكەوت لە پێشینەی‮ ‬كارەكانیان بێت‮!! ‬لەگەڵ هەبوونی‮ ‬ئۆپۆسزیۆنێكی‮ ‬كاراو واقع بین‮ . ‬نەك بۆ وروژاندنی‮ ‬شەقام و هێرش كردنە سەر حكومەت و لەپێناو بەرژەوەندی‮ ‬بەرتەسكی‮ ‬حزبایەتی‮ ‬خۆیان؟‮!. ‬بۆ ئەوەی‮ ‬هاوڵاتیانی‮ ‬كوردستان هەست بەوە بكەن قۆناغە سەختەكانیان بڕیوە و لە شەڕە دەرونیەكان و قەیرانە ئابوریەكان دەرباز بوینە و پێویستیان بەوە هەیە متمانەی‮ ‬تەواو‮ ‬یان بەخۆیان هەبێت كە حكومەت هی‮ ‬ئەوانە و بۆ ئەوانە‮.‬