سه‌رۆكی فراكسیۆنی پارتی دیموكراتی كوردستان له په‌رله‌مانی عێراق رایگه‌یاند كه له ماوه‌ی دوو رۆژی داهاتوودا 618 ملیار دیناره‌كه‌ی به‌غدا ده‌گاته هه‌رێم.
ئه‌مڕۆ دووشه‌ممه، 29ی كانوونی دووه‌می 2024، ڤیان سه‌بری، سه‌رۆكی فراكسیۆنی پارتی دیموكراتی كوردستان له په‌رله‌مانی عێراق وتی: “وه‌زاره‌تی دارایی عێراق داوای هه‌ژمارێكی بانكی له حكومه‌تی هه‌رێمی كوردستان كردووه تاوه‌كو 618 ملیار دیناره‌كه بخاته سه‌ر ئه‌و هه‌ژماره”.
ڤیان سه‌بری بۆ كوردستان24 وتیشی: “له‌وانه‌یه له ماوه‌ی دوو رۆژی داهاتوودا ئه‌و بڕه پاره‌یه بگاته هه‌رێمی كوردستان”.
