بە بۆنەی هاتنەوەی جەژنی (قەوڵتاس)ی كاكەییەكان، سەرۆك بارزانی، پەیامێكی پیرۆزبایی بڵاو كردەوە و تیایدا رای دەگەیەنێت “لەو بۆنەیەدا جەخت لە بەهێزتركردنی كولتووری پێکەوەژیانی گەلی کوردستان و پاڵپشتیكردنی ماف و داواكانی پێكهاتەكان دەکەینەوە.”
ئەمەی خوارەوە دەقی پەیامەكەیە:-
پەیامی سەرۆك بارزانی بەبۆنەی جەژنی قەوڵتاس
بەناوی خودای بەخشندە و میهرەبان
بە بۆنەی هاتنەوەی جەژنی (قەوڵتاس)ـی كاكەییەكان پیرۆزبایی خۆم ئاراستەی سەرجەم خوشك و برایانی كاكەیی لە كوردستان و هەموو جیهان دەكەم.
هیوادارم خوشک و برا کاکەییەکانمان و تێكڕای پێکهاتە ئایینی و نەتەوەییەکانی کوردستان هەردەم جەژن و بۆنەكانیان لە ئارامی و خۆشیدا بکەنەوە.
لەو بۆنەیەدا جەخت لە بەهێزتركردنی كولتووری پێکەوەژیانی گەلی کوردستان و پاڵپشتیكردنی ماف و داواكانی پێكهاتەكان دەکەینەوە.
بمێنن لە خێر و خۆشیدا.
مسعود بارزانی
25ی كانوونی دووەمی 2024
