ئەمشەو لە سنووری پارێزگای بابل، فڕۆكەكانی ئەمەریکا چەند بارەگایەکی میلیشیاكانی حەشدی شەعبییان كردە ئامانج.

بارەگا و كۆگایەكی حەشدی شەعبی لە ناوچەی جورف ئەلسەخر کە دەکەوێتە باکووری پارێزگای بابل، لەلایەن هێزەکانی ئەمریکاوە بۆردوومان كراوە.

زانیارییە سەرەتاییەكان باس لە كوژران و برینداربوونی ژمارەیەك چەكداری حەشد دەكەن.

میدیاکانی حەشدی شەعبی باس لەوە دەکەن کە هاوکات لە پارێزگای ئەنباریش هێرش کراوەتە سەر میلیشیاکان.