بۆ دابەزاندنی كێشی زیاد هەندێك كەس كاربۆهێدرات ناخۆن، لە كاتێكدا كە كەسانێك بۆ هەمان مەبەست ژەمە خۆراكی كەم چەوری دەخۆن، بەڵام پرۆتینەكان یەكێ لەو توخمە خۆراكییانەیە كە ناكرێت دەستبەرداری بین.
پرۆتینەكان زۆر گرنگن بۆ بنیاتنان و گەشەی ماسولكەكان. لەگەڵ ئەوەی كە كاسانێكی زۆر روویان لە خواردنی ئەو توخمە خۆراكییە كردووە لە ساڵانی رابردوودا، بەڵام توێژینەوەیەكی تازە ئاماژە بەوە دەكات كە 90% لە ئێمە بڕی پێویستی رۆژانە لە پرۆتینەكان نازانین. بۆیە هەردوو شارەزای خۆراكی بەریتانی مای سیمبیكین و ریك رێ دەڵێن ئەو حەوت نیشانەیە ئەگەر لە سەر جەستە دەردەكەوت ئەوە ئاماژەیەكە بۆ كەمی پرۆتیینەكان.
یەكەم: ئارەزووكردنی خواردنی خۆراكی سوێر و شیرین، سیمبیكین دەڵێ: پرۆتین یارمەتیدەرە بۆ كەمكردنەوەی دەردانی شەكر لە رێرەوی خوێندا لە ئەنجامدا هاوسەنگی شەكرەكان لە نێو خوێندا رادەگرێت، هەروەها روونی كردەوە پەیڕەوكردنی سیستەمێكی خۆراكی كە پرۆتین تێدا كەم بێت و كاربۆهێدرات بەرز بێت دەبێتە هۆی دەردانی شەكرەكان بۆ ناو رێڕەوی خوێن بۆ لەناوبردنی ئەو شەكرانە ئەنسۆلین دەردەدرێت بۆیە مرۆڤ لەو كاتدا ئارەزووی خواردنی شەكر دەكات چونكە رێژەی شەكر لە خوێندا كەم دەبێتەوە.
دووەم: ماسولكەی بێهێز، ئەگەر لەو كەسانەی كە پرۆتین بە رێژەیەكی كەم دەخۆیت، دەبێ بزانی كە جەستەت بۆ پڕكردنەوەی پێداویستییەكانی پەنا بۆ تێكشكاندنی ماسولكەكان دەبات، كاریگەرییەكان لەو كاتەدا دەردەكەوێت ئەگەر وەرزش بكەی، ئەوە دەبێتە هۆی بێهێزی ماسولكەكان و كەمی بارستاییان لە جەستەدا. ئەگەر پرۆتین لە جەستەدا كەم بوو لە كاتی پێكاندا جەستەت پێویستی بە كاتێكی زیاتر دەبێت بۆ چاكبوونەوە، لە هەمانكاتدا ئازاری ماسولكە و جومگەكان زیاتر دەبێت.
سێیەم: وەرینی قژ، ئەگەر قژت دەوەرێ و روخسارت بریسكدارییەكەی لە دەستداوە و نینۆكەكانت بێهێزن و زوو دەشكێن ئەوانە نیشانەی كەمی پرۆتینە لە جەستەدا، لەو بارەدا جەستە توانای نوێبوونەوە و گۆڕینی خانە مردووەكانی نابێت.
چوارەم: لاوازی كۆئەندامی بەرگری: توشبوونی بەردەوام بە نەخۆشیی نیشانەی كەمی پرۆتینی جەستەیە، چونكە سەرجەم خانەكانی بەرگری لە پرۆتین پێكدێن. لەو كاتەی بڕی پرۆتین كەم بوو خانەكان توانی نوێبوونەوە و گەشەكردنی خێرایان نابێت بۆ بەرگری لەو بەكتریایەی پەلاماری جەستە دەدات.
پێنجەم: كەمی سەرنجدان و تەركیزكردن، كەمی بروتین لە جەستەدا دەبێتە هۆی لاوازی لە سەرنجدان و تەركیزكردن و تێكچوونی باری دەرونی، زۆر لە دەمارە گوازراوەكان وەك سیرۆتین و دوبامین لە پرۆتین بێكهاتوون.
شەشەم: كەم خەوتن، ئەگەر خەوتنت كەمە ئەوە ئەگەری هەیە كە پرۆتین لە جەستەدا كەم بێت، ئەوە كاریگەری دەبێت لەسەر بەرهەمهێنانی هۆرمۆنەكان و كاریگەری دەبێت لەسەر باڵانسی جەستە و هاوسەنگییەكەی كە لە ئەنجامدا كار دەكاتە سەر خەوتن. تریبتۆفان یەكێكە لە ترشە ئەمینیە سەرەكییەكان كە هانی خەوتن دەدات، خواردنی كەمێك لە پرۆتین جۆرەكەی باشتر دەكات. تریبتۆفان لە تۆوی چەرەز و گۆشتی قەل و هەندێك جۆر پەنیر و فاسولیا و نیسك و هێلكە دەست دەكەوێت.
حەوتەم: هەستكردن بە پاڵەپەستۆی دەروونی: ئەگەری هەیە كەمی پرۆتین ببێتە هۆی دەردانی هۆڕمۆنی ماندیبوون و داڕمانی شانە و ماسولكەكان هەندێك جار بە هۆی زێدە رۆیی لە ئەنجامدانی وەرزش ئەو سترێسە روودەدات یان بەهۆی پاڵەپەستۆیەكی سۆزداریەوە.
ئایا جەستە پێویستی بە بڕی چەند پرۆتین هەیە؟
بە پێی راسپاردەكانی دەستەی خزموتگوزاری تەندروستی جیهانی هەر كیلۆیەك لە كێش پێویستی بە 0.8 گرام پرۆتین هەیە. لە كاتی ئەنجامدانی چالاكیبەكی مامناوەندی لە لایان ئافرەتدا 46 گرام پرۆتین بەكار دێت، بەڵام هەمان چالاكی كە پیاو ئەنجامی بدات ئەوە 56 گرام پرۆتینی پێویستە لە رۆژێكدا.
دەكرێت پرۆتینی باشمان لەم خۆراكانەدا دەست كەوێت، گۆشتی مانگا و ماسی و پەلەوەر و هێلكە جگە لە سەرچاوە رووەكییەكان كە ترشی ئەمینی دەستەبەر دەكات بۆ ئەوەی جەستە بە شێوەیەكی دروست كردارەكانی خۆی جێبەجێ بكات.
سەرچاوە: دیلی مێل
