عەشقەكا بێدوماهی نوێترین بەرهەمی هونەرمەند ئەیوب عەلی یە

10

خەبات: هەمزە سەرحان:-هونەرمەندی گۆرانیبێژ ئەیوب عەلی ئاماژەی بە نوێترین كاری هونەریی خۆی كردووە، كە گۆرانییەكە بە زاراوەی كرمانجی لە ئایندەیەكی نزیكدا بڵاویدەكاتەوە.ئەیوب عەلی لە پەرەی فەرمی خۆی لە فەیسبووك بە بڵاوكردنەوەی ڤیدیۆیەك رایگەیاندووە، بەم نزیكانە گۆرانییەكی عاشقانە بە زاراوەی كرمانجی بە ناوی “عەشقەكا بێدوماهی” لەسەر ستایلی ئەرەبیسك بڵاودەكاتەوە، میوزیك و ئەرەنجمێنتی سەركان تەنیك لە شاری ئامەد، تێكستی گۆرانییەكە ئەدیب چەلكی نوسیوویەتی و خۆی كاری ئاوازدانانی بۆ كردووە.ئەیوب عەلی لەساڵی ١٩٧٣ لە سەنگاو لەدایكبووە، خوێندنی سەرەتایی لە شارۆچكەی سەنگاو تەواوكردووە، دواتر چووەتە شاری سلێمانی خوێندنی ئامادەیی تەواوكردووە، بڕواننامەی بەكالۆریۆسی لە ئەندازیاری میكانیك لە زانكۆی سەلاحەدین لە ساڵی ١٩٩٨ بەدەستهێناوە، لە قۆناغی زانكۆدا چالاكییەكانی لەبواری میوزیك و گۆرانی دەستپێكرد، لە ساڵانی ١٩٩٥ بۆ ١٩٩٨ لە رادیۆ كوردییەكان گۆرانی تۆماركردووە، لە ساڵی ١٩٩٩ كوردستانی بەجێهێشتووە و روویكردووەتە بەریتانیا و لەو وڵاتە دەژی.