رەشید سۆفی
پارتی دیموكراتی كوردستان 76 سال ژتەمەنێ خوە دەربازكرن وپشتی ڤێ دیروكا پری هەلویست وروویدانێن مێژوویی، ونها ژی پارتێ وەك حزبا سیاسی كوردستانی یا ژمارە ئێك ل سەرئاستێ كوردستانێ دئێتە ناسكرن سەرەرای هەمی ئاستەنگ وگرفتیارێن هاتینە درێ یا خەبات وتێكوشانا وێ دا ،پارتی دیموكراتی كوردستان وەك حزبا ژمارە ئێك ل سەر ئاستێ كوردستانێ دئیتە ناسكرن ئەڤ پارتیا خودان رھ وریشالێن كویر دناڤا جڤاكێ كوردستانێ ب هێزترین هێزا سیاسی یا كوردستانی یە وبەرەڤانەكی موكمە ژبو پاراستنا مافێن هەمی پێكهاتەیێن كوردستانێ وئاڤاكرنا جڤاكەكی پێشكەفتی وخوشگوزەران وبەختەوەریێ.
هەلویست و دیروكا خەباتا پارتی دیموكراتی كوردستانی ب رابەرایەتی یا بارزانی وەسا گروڤ كریە پارتی ژناخێ جڤاكێ كوردستانێ پەیدابویە وەك زرورەتەكا دیروكی ژبو پاراستن وپەرەپێدانا ئارمانجێن نشتمانی ونەتەوەیی وگەشەكرنا جڤاكی وئابوری وكەلتوری یا هەمی پێكهاتەیێن كوردستانی وئەڤ چەند دیتنە بو بناغەیا فەلسەفە كاری پارتی دیموكراتی كوردستان ودهەمی قوناغێن خەباتا خوە دا پارتی ب دیتنەكا واقیعی رەفتار دگەل روویدانان كریە لێ دگەل ڤێ چەندێ ژی چ جاران ژهەلویست وبەرپرسیارەتیا خوە پاشگەزنەبویە وهەردەم ل رێز پێشیێ بویە ژبو قوربانی دانێ سەخمەراتی بەرەڤانیكرنێ ژ ماف وداخوازێن خەلكێ كوردستانێ سەرەرای سەختی ودژواری یا هەر كاودانەكێ وئەڤ چەندە بویە ئەگەر كو پارتی دیموكراتی كوردستان وەك ب مەزنترین هێزا سیاسی یا كوردستانی ل سەر ئاستێن ناڤخوی وئەقلیمی ونێڤ دەولەتی رەفتار دگەل بێتە كرن و ژمارەیەكا بەرچاڤە د پیڤانێن سیاسی دا ل دەڤەرێ، ژبەركو هەدەم هەلویستێن پارتی دوارێ پراكتیكی دا گروڤ كریە وخوە بەرپرس دیتی یە هەمبەر بەرەڤانیكرنا ئاخ وخەلكێ كوردستانی، ودقوناغێن جودا جودا بەردەوام ئامادەبویە قوربانیان پێشكێش بكەت ژبو پاراستنا ماف و دەسكەفتێن كوردستانێ هەر ژرۆژا دامەزراندنا خوە وقوناغێن شورەشا ئەیلولا مەزن ب رابەراتیا بارزانیێ نەمر وگولانا پێشكەفتن خواز ب رابەرایەتیا سەروك مەسعود بارزانی وهەتا سەرهلدانا پیروز وئاڤاكرنا پەرلەمان وحوكمەتا هەرێما كوردستانێ و رووخاندنا رژێما بەعس وئاڤاكرنا حكومەتا نوی یا عیراقێ و دانا دەستورێ عیراقێ و شەرێ دژی تیرورستێن داعش وهەتا قوناغا ئەڤرو ژی ودهەمان دەم ژی دا پارتی كاركتەرێ سەرەكی بویە ژبو ئاڤاكرنا كیانێ دستوری وسیاسیێ هەرێما كوردستانێ وهەمی پێكهاتە وسازێن ڤێ هەرێمێ و پارتێ دیموكراتی كوردستان كولگەیەكا سەرەكی وبهێزبویە ژبو پاراستن وپێشڤەبرنا هەرێما كوردستانێ ،وشیایە ب سەركەفتیانە روی ب روی هەمی ئاستەنگێن سیاسی وئابوری وئەمنی ببیت یێن كو هەول ددن هەرێما كوردستانێ لاواز بكەن، و هەمی گڤاشتنا نە شیاینە پارتی ژبەرپرسیارەتێن وێ یێن دیروكی و نشتمانی ونەتەوایەتی ومروڤایەتی پاشگەز بكەن هەرچەندە گەلەك جاران ئەو لایەنێن دبونە هەڤپەیمانێن پارتی دحكومەتا هەرێما كوردستانێ ژ هەلویستێن خوە پاشگەز بوینە و پارتی ب تەنێ هێلاینە.
لێ پارتی ب رابەرایەتی وحیكمەتا سەروك مەسعود بارزانی هەردەم وەك چیایێن كوردستانێ ب هێز وخوراگر مایە هەمبەر هەمی ئاستنەنگان، وسەرەرای هەمی گڤاشتنێن ناڤخوی ودەرڤە و هەرەشەیێن ئابوری وئەمنی وسیاسی یێن ب ئارمانج گرتنا پارتی دیموكراتی كوردستان دئێنە ئاراستە كرن، پارتی ب رابەرایەتیا سەروك بارزانی بەردەوامیێ ب كاروانێ خوە دایە ژبو چاكسازی وئاڤاكرن وخوشگوزەرانی یا خەلكێ كوردستانێ ددت ژبەر كو پارتی دیموكراتی كوردستان دابینكرنا ئارامی وئاشتی یا جڤاكی وخوشگوزەرانی و موكمكرنا گیانێ پێگڤەژیانێ ب بەرپرسیارەتیا خوە یا مەزن دزانیت، ودیروكێ ئەڤ چەندە گروڤ كریە.
