ئومێد نزار
پارتێن سیاسی لدیڤ ماددە (١) ژ یاسایا پارتێن سیاسی یا هەرێما كوردستانێ دهێتە پێناسەكرن: “رێكخراوەكا سیاسی یە خودان كەساتیەكا معنویە پێكدهێت ژ كومبونا گروپەكا مروڤان ، كو پرەنسیپ و ئارمانجێن هەڤپشك هەنە راگەهاندینە دپەیرەوێ حزبێ دا و حزب كاردكەت بوو گەهشتنا ب وان ئارمانجان برێكێن دیموكراسی” .. رەخنە لسەر ئەڤی ماددەی هەبویە كو بەحس ل وان ئارمانجان نەكریر یێن حزب پێ دگەهیتە دەستهەلاتی ، و هەر پارتەكا سیاسی یا بهیتە دامەزراندن دڤێت هندەك خالا بەرچاڤ وەربگریت ژوان ژی ،بهێز ئێخستن و پێشئێخستنا ماف و دەستكەفتێن هاتینە جێبەجێكرن ژلایێ خەلكێ هەرێما كوردستانێ ڤە ، هەر وەسا پارتا سیاسی رێزگرتنەكا تمام هەبیت بوو ماف و ئازادیێن مروڤی ئەوێن هاتینە نڤێسین د جارناما مافێن مروفی یا جیهانی ، و هەر وەسا پارتا سیاسی دڤێتكاركەت بوو گەهشتن ب ئارمانجێن خو ب رێكێن دیموكراسی و ئاشتیانە ، ئەڤە و چەندین خالێن دی هەنە كو پێدڤینە هەر ژ دامەزراندنا پارتا سیاسی پێگیربیت ب ئەڤان خالان ..
– پارتی دیموكراتی كوردستان:
ئێك ژ پارتێن جەماوەری و خودان سەنگا خویە دناڤا هەرێما كوردستانێ و لسەر ئاستێ عێراقێ و ناڤچەیێ لەورا پارتی خودان هێزەكا جەماوەرییە هەر ژ دامەزراندنا وێ لەوا هەر بوو ماوێ جەند سالا كونگرەیێ خو دبەستیت ب بەژداربونا سەرجەم ئەندامێن پارتێ بوو دەستنیشانكرنا كاندیدان برێكا دەنگدانێ.
لدیڤ ماددە ( ٢٢ ) ژ پەیرەو و پروگرامێ پارتی ل كونگرەیێ ( ١٣ ) ژ چەند خالان پێكهاتیە ژوان ژی ” ئێك ” كونگرە بلندترین دەستهەلاتە دناڤ پارتی دا ” ژبەر هندێ پارتی كونگرەیێ ب فەر دزانیت بەلێ دڤان چەند سالێن داوی دا ژبەر وان بارودوخێن بسەر هەرێمێ و جیهانێ ب گشتی دا هاتین كونگرەیێ خو نە بەست ژبەر چەند ئەگەرەكا ، لەوما ئەڤ كونگرەیێ داهاتی ئانكو “كونگرەیێ جاردێ یێ پارتی ” زور یێ گرنگە بوو نویڤەبونا پارتی چونكی گرێدانا كونگرەیێ ئەوە دەستەكا نوی دگەل ستافەكێ نوی دگەل ئامادەكرنا كومەكا كەسێن خودان شیان و خودان شارەزایێ هەبیت د مامەلەكرنێ دا دگەل كەسێن بەرامبەر ..
پێدڤیە كادرێ پارتی ئەڤ خالە لدەڤ هەبن دا بشێین بێژین ئەڤە كادرەكێ راستەقینەیێ پارتی یە:
ئێك: پێدڤیە كادرێ پارتی شارەزایی هەبیت د دیروكا گەلێ كورد دا و هەر وەسا دیروكا پارتی دا ، دڤێت بزانیت چەوا گەهشتینە ڤان قوناخان ئانكو شارەزای هەبیت د دەستكەفتێن گەلێ كورد دا
دوو: حزب كاردكەت بوو گەهشتن ب ئارمانجێن خو لەوا یا فەر لسەر مللێ كادرێ پارتی كاربكەت بوو گەهشتن ب ئارمانجێن پارتا خو ب رێكێن ئاشتیانە و دیموكراسی
سێ: پێدڤیە ئەو كەسێن دبنە نوینەرێن ئەندامێن پارتی باوەری د ڤەگوهاستنا دەستهەلاتێ دا هەبیت دویر ژ توندوتیژ.
چار: رێزگرتن بوو هەمی پارت و ئاین و نەتەوەیێن كوردستانێ ، لسەر مللێ كادری ئەوە كار لسەر لێكنێزیكرنا ئەڤان لایەنان بكەت و رێزێ ل هەمی بیر و بوچونێن كەسێن بەرامبەر بكەت چونكی پارتی پارتا هەڤدو قەبیلكرنێ بوویە.
