ژنڤیسینا لیوا حسن نوری
دیارە بزاڤا رزگاریخوازا کوردستانێ، بەردەوام قەلەمێن رەسەن و شورەشگێر، ھەمی دەما ھێلا دوێ، یا بەرەڤانیێ بوون ژبو دۆزا رەوایا مللەتەکێ، دبن چەندین جورێن زولم و ستەمێ ڤە و چەند بزاڤا رزگاریا مللەتێ کورد، قوناغ دبرین و پێشدکەفت، ئەو قەلەمێن رەسەن بیر و هزرێ روهن و رەوشەنبی ژبو چەمکێن مروڤپەروەری داتینان و بلوژیکێن گونجایی، ھاوکێشە دکر و دبوھژی دناڤ رویبارێ خزمەتا داد و پشتەڤانیکرنا رێرەوێن راست و دورستێن ئاڤا کرنا کەساتیا تاکێ کورد، یێ فیداکار و قارەمان، کو چەڤەنگێ سنج و پاک، رەفتارێن مەردایەتیێ و ئازایەتیێ ببیت.
بێ گومان رولێ نڤیسەر و روشنبیر و تەخا بژاردە، دئاڤا کرنا کەستیا تاک و چڤاکێ کوردستانێ، بارا شێری بەر دکەفت و ئەرکەکێ چارەنڤیساز بوو، کەواتە بەخششا خو بو بوارێ ئاڤاکرنا بناغە و شەنگستەیێن موکمێن جڤاکەکێ تەندورستمەند، یێ رزگار و ئازا، بەرجەستە کر و بکریار سەلماند. لپشتی سەرھلدانا پیروزا ١٩٩١ ێ، دوژمنا حسابەکا مەزن دکر بو ڤی پێگەھێ رەسەن و بھێزێ قەوارەیا مە، یا ھەرێما کوردستانێ و پیلانێن دژوار گێران، کو بەری ھەر تشتی سەرچاڤکێ ڤی سەنگەرێ کوردایەتیێ ژناڤ ببەن، ئەو بوو برێکا ھندەک دەستکیسێن خو، بەرنامەیێن ژێکڤەکرنا رێزا موکما نڤیسەر و بژاردەیا ھزری و روشنبیر، وەکو ژەھرەکێ ھاڤێتە د شەقامێ فیکری مەعریفا روشنبیریا رەسەنا کوردیدا و گێژەڤانکەک مەزن دورست بوو لبن ناڤێ نویخواز و کەڤن خواز لگور سالوخدانێن بەرنامێ دوژمنا و پاشی بەلاڤکرنا تێگەھێ ھەرفاندنا پیروزیا دئەدەب و فیکر و مەعریفێ دا لێدانا خو بو پیروزیا چر و پر کرن و ئەڤێ گێژەڤانکێ درێژەکێشا تاکو پشتی سالا ٢٠٠٣ێ، کو دکتاتوریەتا عیراقی ھەرفاندی و کورد و کوردستانیا رولێ سەرەکی گیرا، دپروسەیا ئازادیا عیراقێ دا و کوردا مەودایەکێ بەرفرەھتر یێ دەستھەلاتێ بدەستڤەئینا، بەرنامێن دوژمنا چرڕ و پڕتر لێھاتن، ژبو ژێکڤە کرنا کەلەشێ روشنبیری و ھزرڤانیا رەسەنا کوردستانێ، کو ستوینا سەرەکی یا وێ، پاراستنا پیروزیێن وەلاتی بوو و بکارئینانا وان چەمکێن وەلاتی و نەتەوەیی دناڤ ھەمی رەگەزێن وێژە و ئەدەبیاتا و بەری ژێکڤە کرنا سیاسیا، خودان فیکر و روشنبیر ژێکڤەکرن و ھێلا دوێ یا بەرگریێ دەرزاند.
نھا ھندەک ژوان قەلەما، یێت بوینە زورنا، بو دوژمنا و بساناھی یێن بیردوزا دئینن بو خودانە دەستا دوژمنا و رەواکرنا خو تەسلێمکرنێ و حەلال کرن و نەھێلانا قوارەیا سیاسی یا ھەرێما کوردستانێ و ھندەک ژی یێ بەرڤانیێ ژ پرنسیپێن وەلاتی و پێشمەرگەی و شەھیدا دکەن و ھەڤرکی بەردەوامە و سەرکەفتن بو قەلەمێن فیداکارە و مرن و سەرشوری بو قەلەمێن زورنایە، یێن کو (خەزعەلی) و میناکێن وی ئیلھام پەخشێن وان و ئەو سەمایێ لبەر دکەن.