مەسرور بارزانی، سەرۆکی حکومەتی هەرێمی کوردستان، بەبۆنەی جەژنی سێ شەوەی یاران ( قەوڵتاس)، په‌یامێكی پیرۆزبایی ئاراسته‌ی كاكه‌ییه‌كان كرد.
ده‌قی په‌یامه‌كه
بەبۆنەی جەژنی سێ شەوەی یاران (قەوڵتاس)، پیرۆزباییەکی گەرم لە خوشک و برایانی کاکەیی و سەرجەم یارسانەکان لە هەرێمی کوردستان و جیهان دەکەم. هیوادارم ئەم جەژنە، ببێتە مایەی خێر و خۆشی و ئاسوودەیی و کۆتاییهاتنی نەهامەتییەکان و بەهێزبوونی تەبایی و یەکڕیزی نێوان سەرجەم پێکهاتەکانی گەلی کوردستان.
خوای مەزن رۆژوو و نزاکانتان قبوڵ بکات و ھیوادارم رۆژانی جەژن لە شادی و کامەرانیدا بەسەر ببەن.
مەسرور بارزانی
سەرۆکی حکومەتی هەرێمی کوردستان
