مەسرور بارزانی سەرۆکی حکوومەتی هەرێمی کوردستان ئەمڕۆ هەینی 21 ى 8 ى 2020 ، لە سوپاسنامەیەکدا سوپاس و پێزانینی خۆی ئاراستەی هەموو پزیشک و کارمەندانی تەندروستی و فه‌رمانبه‌رانی دەزگا تەندروستییەکانی هه‌رێمی كوردستان ده‌كات
لەبه‌شێكی سوپاسنامەکەی مه‌سرور بارزانى سەرۆکی حکوومەتی هەرێمی کوردستاندا هاتووە: سوپاس و پێزانین ئاراستەی ئەو پزیشک و پەرستار و فەرمانبەرانەی تەندروستی دەکەین کە بە کارامەیی خزمەت دەکەن و ڕۆڵی مرۆڤدۆستیان هەیە لە پێشکەشکردنی خزمەتگوزارییەکانی تەندروستی.
دەقی سوپاسنامەکەی سه‌رۆكی حكومه‌تى هه‌رێمی كوردستان:
لەڕوانگەی هەستکردن بە کار و ماندووبوونتان لە بەرەنگاربوونەوەی نەخۆشیی ڤایرۆسی کۆرۆرنا (COVID19) و ڕۆڵی بەرچاوتان لە جێبەجێکردنی ڕێکارەکانی خۆپارێزی و چارەسەری لەپێناو بەرژەوەندیی گشتی و تەندروستیی هاووڵاتیانی هەرێمی کوردستان، سوپاس و پێزانین ئاراستەی ئەو پزیشک و پەرستار و فەرمانەبرانەی تەندروستی دەکەین کە بە کارامەیی خزمەت دەکەن و ڕۆڵی مرۆڤدۆستیان هەیە لە پێشکەشکردنی خزمەتگوزارییەکانی تەندروستی، هیوای سەرکەوتنتان بۆ دەخوازین و هەر تەندروست و سەلامەت بن.
مەسرور بارزانی
سەرۆکی حکوومەتی هەرێمی کوردستان
21 ى 8 ى 2020
