خه‌بات: هاوار مورتكه‌یی:- ئه‌گه‌رچی بڵاوبوونه‌وه‌ی په‌تای كۆڤید 19 زیانی گیانی و دارایی به ته‌واوی وڵاتانی جیهانی و كۆمپانیا و كه‌سایه‌تییه‌كان گه‌یاند، به‌ڵام بۆ یاریزانانه به‌ناوبانگه‌كانی تۆپی پێی جیهانی، زیانه‌كان به‌وشیوه‌یه نه‌بوو، یاریزانه ناوداره‌كان له‌ماوه‌ی كه‌ره‌نتینه‌دا داهاتێكی باشیان ده‌سكه‌وت ئه‌ویش له رێگای تۆڕه كۆمه‌ڵایه‌تییه‌كان.
ئه‌و یاریزانانه له‌ماوه‌ی 12ی ئادار تا 12ی ئایار له ریگای بڵاوكردنه‌وه‌وكاندا له ئیسنتاگرام ملۆنه‌ها دۆلاریان ده‌سكه‌وتووه، چونكه هه‌ریه‌ك له‌م یاریزانانه ملیۆنه‌ها هه‌واداریان له‌و تۆره كۆمه‌لایه‌تییه‌دا هه‌یه.
به‌ێی هه‌واڵێكی دیلی میلی به‌ریتانی ، كریستیانۆ رۆنالدۆ له‌سه‌رووی ئه‌و یاریزانانه‌وه دێت كه زۆرترین داهاتی ته‌نها له‌و ماوه‌یه‌دا هه‌بووه، دوای ئه‌ویش مێسی و ئینجا نایمار دێت.
یاریزانه‌كان له‌و ماوه‌یه‌دا به‌مشێوه‌یه قازانجێكی زۆریان له تۆره كۆمه‌ڵایه‌تییه‌كان وه‌رگرتووه:
1- رۆنالدۆ دوو ملیۆن و 371 هه‌زار دۆلار.
2- مێسی ملیۆنێك و 700 هه‌زار دۆلار.
3- نایمار 1.5 ملیۆن دۆلار.
