ئەمشەوی دووشەممە نووسینگه‌ى سه‌رۆكی دیوانی په‌رله‌مانى كوردستان رایگەیاند لە ڕۆژی چوارشەممەوە دەوامی ئاسایی دەست پێدەكەنەوە.
ئەمڕۆ نووسینگه‌ى سه‌رۆكی دیوانی په‌رله‌مانى كوردستان به فه‌رمانی ژماره 861\4\4 به ئیمزاى ئه‌رده‌لان محه‌مه‌د ئیسماعیل سه‌رۆكی دیوانی په‌رله‌مانی كوردستان و له‌سه‌ر فه‌رمانی سه‌رۆكی په‌رله‌مانى كوردستان بڕیاری دا كه رۆژی چوارشه‌ممه رێكه‌وتى 6\5\2020 ده‌وامى ئاسایی له دیوانی په‌رله‌مانی كوردستان ده‌ست پێبكاته‌وه.
ئاماژەشی بەوە داوە كە دەوامی دیوانی پەرلەمان به ڕه‌چاوكردنی رێنماییه ته‌ندروستییه‌كان و گرتنه‌به‌رى رێوشوێنه‌كانی خۆپاراست دەستپێدەكاتەوە.
