وتەبێژی وەزارەتی تەندروستی ئێران رایگەیاند: لە ماوەی 24 کاتژمێری رابردوودا 111 کەسی دیکە بەهۆی کۆرۆناوە گیانیان لەدەستداوە و 1617 کەسی دیکەش تووشی ڤایرۆسەکە بوونه.
کیانوش جیهانپور، وتەبێژی وەزارەتی تەندروستی ئێران لە کۆنگرەیەکی رۆژنامەوانیدا رایگەیاند: لەماوەی 24 کاتژمێری رابردوو 1617 کەسی دیکە تووشی ڤایرۆسی کۆرۆنا بوون و کۆی ژمارەی تووشبوانی ڤایرۆسەکە گەیشتوەتە 7330 کەس.
ئاماژەی بەوەشکردووە، لە دوێنێوە 111 کەس بەهۆی کۆرۆناوە گیانیان لەدەستداوە و تا ئێستاش ژمارەی ئەو کەسانەی بەهۆی ڤایرۆسەکەوە گیانیان لەدەستداوە گەیشتوەتە 4185 کەس.
هاوكات ئیرەج حەریرچی، یاریدەدەری وەزیری تەندروستی ئێران لە کۆنگرەیەکی رۆژنامەوانیدا لە پارێزگای ئەسفەهان رایگەیاند: لە 20 رۆژی رابردوودا ئاستی تووشبوان و مردوانی ڤایرۆسی کۆرۆنا لە وڵات دابەزینی بەرچاوی بەخۆیەوە بینیوە.
ئاماژەی بەوەشکرد، لەئێستادا دەتوانرێت ئەو تووشبوانەی ڤایرۆسی کۆرۆنا لە وڵاتدا دەستنیشان بکرێت کە هێشتا نیشانەی پەتاکەیان تێدا دەرنەکەوتووە.
