خه‌بات: ‬هەندرێن شێرزاد:-
ئەو شەڕ‮ ‬و ئاڵۆزیەی‮ ‬ئێستای‮ ‬باكووری‮ ‬سووریا جگە لەوەی‮ ‬جیهانی‮ ‬بەخۆیەوە سەرقاڵ كردووە،‮ ‬هاوكات خەریكە ئاراستەی‮ ‬پەیوەندیەكانی‮ ‬نێوان رووسیا و توركیاش دەگەیەننە ئاستێكی‮ ‬مەترسیدار‮. ‬رۆژانە پێشهاتی‮ ‬خێرا لەو ناوچەیە بەدی‮ ‬دەكرێن‮ ‬،‮ ‬ئەمە وا دەكات شارەزا و شرۆڤەكارانیش لێكدانەوەی‮ ‬جیاجیا بۆ ئایندەی‮ ‬پەیوەندەكانی‮ ‬نێوان هەردووك وڵات بكەن‮ ‬،‮ ‬تەنانەت هەندێكیان بە دوور نازانن كە سوپای‮ ‬هەردوو وڵات راستەوخۆ بەریەك بكەون‮.‬

بۆردومانكردنی‮ ‬بارەگای‮ ‬سەركردایەتی‮ ‬رووسیا
رۆژی‮ ‬یەكشەممەی‮ ‬رابردوو‮ ‬،‮ ‬هێزەكانی‮ ‬توركیا بارەگای‮ ‬سەركردایەتی‮ ‬رووسیایان لە گوندەواری‮ ‬منبج لە باكووری‮ ‬سوریا كردە ئامانج‮ ‬،‮ ‬هاوكات ناوچەكانی‮ ‬عەریمە و خالیدیە و كاوكلی‮ ‬یالنی‮ ‬و جەب حەمرای‮ ‬ژێر كۆنترۆڵی‮ ‬ئەنجوومەنی‮ ‬سەربازیی‮ ‬منبجیش بۆردومان كران و لە بەرامبەردا دەیان خێزان ماڵ و حاڵی‮ ‬خۆیان بەجێ هێشت‮.‬

دەستگیركردنی‮ ‬سەرنووسەری‮ ‬سپۆتنیك
لەو نێوەندەدا،‮ ‬دەسەڵاتدارە ئەمنیەكانی‮ ‬توركیا ماهر بوزتیبی‮ ‬سەرنووسەری‮ ‬ئاژانسی‮ ‬سپۆتنیكی‮ ‬رووسیان لە توركیا دەستگیر كرد و لەو بارەوە ئاژانسی‮ ‬ناوبراو لە بەیاننامەیەكدا رایگەیاند پۆلیس بۆزتیبی‮ ‬رەوانەی‮ ‬بەشی‮ ‬سەرەكی‮ ‬ئاسایش كردووە لە ئەستەنبۆل‮. ‬پێشتریش وەزارەتی‮ ‬دەرەوەی‮ ‬رووسیا رایگەیاندبوو كە كارمەندانی‮ ‬ئاژانسی‮ ‬سپۆتنیك لەلایەن دەزگا ئەمنیەكانی‮ ‬توركیاوە دەستبەسەر كراون‮.‬

وەزارەتی‮ ‬دەرەوەی‮ ‬رووسیا هاتە دەنگ
وەزارەتی‮ ‬دەرەوەی‮ ‬رووسیا لە بەیاننامەیەكی‮ ‬بە پەلەدا داوای‮ ‬لە دەسەڵاتدارانی‮ ‬توركیا كرد چارەی‮ ‬ئەم بارودۆخە بكەن و كار بكەن بۆ پاراستنی‮ ‬سەلامەتیی‮ ‬كارمەندانی‮ ‬دەزگا میدیاییەكانی‮ ‬رووسیا‮. ‬لە لایەكی‮ ‬دیكەوە‮ ‬،‮ ‬ئاژانسی‮ ‬سپۆتنیكیش رایگەیاند چەند كەسێك لە ئەنقەرە هێرشیان كردۆتە سەر ماڵی‮ ‬كارمەندانی‮ ‬ئاژانسەكە و هەڕەشەشیان لێ كردوون و هەوڵیان داوە بە زەبری‮ ‬هێز خۆیان بكەن بە ماڵەكاندا‮.‬

ئەگەرەكانی‮ ‬پێكدادان
وەك دیارە،‮ ‬چەند جارێك ئیدارەی‮ ‬ئەمەریكا پشتگیری‮ ‬خۆی‮ ‬بۆ توركیا دووپات كردۆتەوە،‮ ‬ئەمەش وا دەكات بڵێین بە دوور نازانرێ لە ئایندەدا سوپای‮ ‬توركیا و رووسیا بەر‮ ‬یەك بكەون‮ ‬،‮ ‬ئەگەرچی‮ ‬پێدەچێ توركیا حیسابێكی‮ ‬بۆ ئەمە كردبێ و بخوازێ تا پێی‮ ‬بكرێ خۆی‮ ‬لەم ئەگەرە دوور رابگرێ‮ .‬شارەزایان پێیان وایە ئەوەی‮ ‬لە ئیدلب روودەدات دەبێتە مایەی‮ ‬دیاركردنی‮ ‬زۆر لەو هاوپەیمانیە هەرێمی‮ ‬و نێودەوڵەتیانەی‮ ‬لە ناوچەكە سەر هەڵدەدەن‮ ‬،‮ ‬هاوكات ئەمە سنووری‮ ‬پەیوەندیەكانی‮ ‬نێوان رووسیا و توركیاش دیار دەكات لە ناوچەكانی‮ ‬باكوری‮ ‬رۆژهەڵاتی‮ ‬سووریا‮ ‬،‮ ‬بەو پێیەش كە هێزەكانی‮ ‬رووسیا لە قامیشلی‮ ‬و منبج و كۆبانێ و رقەدا بڵاو بوونەتەوە‮ ‬،‮ ‬بۆیە هەر رووبەڕووبوونەوەیەك لە نێوان هەردوولا روو بدات‮ ‬،‮ ‬بێگومان بە درێژایی‮ ‬سنوورەكانی‮ ‬نێوان سووریا و توركیا دەگرێتەوە‮. ‬

یاریكردن لە كەناری‮ ‬هەڵدێر
كەم نین ئەو شارەزا و پسپۆرانەی‮ ‬پێیان وایە بارودۆخی‮ ‬ئێستای‮ ‬نێوان ئەنقەرە و مۆسكۆ بریتیە لە هەوڵێك بۆ‮ ‬یاریكردن لە كەناری‮ ‬هەڵدێرێكی‮ ‬سەخت‮ ‬،‮ ‬بەو پێیەی‮ ‬هەریەكەیان ناخوازن راستەوخۆ رووبەڕووی‮ ‬یەكتر ببنەوە و هەموو رێككەوتن و لێكتێگەیشتنەكان دەربارەی‮ ‬سووریا ژێرخۆڵ بكەن‮ ‬،‮ ‬لە هەمان كاتدا هەر لایەن هەوڵی‮ ‬وەدەستهێنانی‮ ‬دەستكەوتی‮ ‬زیاتر دەدات‮. ‬دەكرێ بڵێین رووسیا و توركیا كار بۆ ئاڵۆزتركردنی‮ ‬بارودۆخەكان دەكەن،‮ ‬بەڵام لە تواناشیان هەیە كۆنترۆلی‮ ‬خۆیان بكەن‮. ‬لە لایەك رووسیا پاڵی‮ ‬بە سوپای‮ ‬سووریا نا كە چەند ناوچەیەكی‮ ‬ستراتیژیی‮ ‬لە گوندەواری‮ ‬حەلەب و ئیدلب كۆنترۆڵ بكاتەوە و بەمەش ئەو خاڵانە ئابڵوقە دران كە لەلایەن توركیاوە بۆ چاودێریكردن دانرابوون.كەواتە وێڕای‮ ‬ئەو ئاڵۆزیە،‮ ‬بەڵام هێشتا هەردوولا بۆشاییەكیان هێشتۆتەوە بۆ ئەوەی‮ ‬تیایدا بە لێكتێگەیشتنێك بگەن‮ . ‬