خوناو حسن ساڵح‮ ‬
زمان‮ ‬یەكێكە لە بنچینە سەرەكییەكانی‮ ‬پێكهاتەی‮ ‬نەتەوەیی‮. ‬هەر میللەتێك ئەگەر بتوانێ زمانی‮ ‬خۆی‮ ‬بپارێزێ و نەهێڵێ لە ناو زمانی‮ ‬داگیركەر بتوێتەوە ئەوە ئەو میللەتە بە زیندویی‮ ‬دەمێنێتەوە‮. ‬پەروەردە و خوێندن لە قوتابخانەكانی‮ ‬كوردستان بە زمانی‮ ‬دایك بێت بۆ ئەوەی‮ ‬پەرە بسێنێ و گەشە بكات بەرەو زمانێكی‮ ‬ستاندەر بۆ ئەوەی‮ ‬زمانێكی‮ ‬یەكگرتوومان هەبێت و هەموو كوردێك وای‮ ‬لێبێت بە زمانێك بنووسیت وبخوێنیت ولە كاروباری‮ ‬فەرمیدا بەكار بهێنێت لەگەڵ‮ ‬ڕێرەو و سەرەنجامی‮ ‬مێژوودا بێت،‮ ‬من وەك مامۆستایەكی‮ ‬خاوەن ئەزموون هیوا ئەخوازم سیستەمی‮ ‬پەروەردە و فێركردن و لە قوتابخانەكانی‮ ‬كوردستان بە زمانی‮ ‬دایك بێت نەك بە زمانی‮ ‬ئینگلیزی‮…‬فەرەنسی‮….‬ئیتالی‮….‬توركی‮….‬ئەڵمانی‮….‬كە بە داخەوەوە مناڵەكانمان لە كوردستان بە شانازییەوە لە قوتابخانە ئەهلییەكان بەم زمانانە دەخوێنن‮!! ‬لە گەڵ ئەوەدا نیم كە ئەم زمانە بیانیانە نەخوێنن‮! ‬نەخێر با ئەم زمانانەش وەك وانەیەك شان بە شانی‮ ‬وانەكانی‮ ‬تر بخوێنن‮ .‬لە‮ ‬ووڵاتی‮ ‬سوێد بە سەدان پەناهەندەی‮ ‬زمانی‮ ‬جۆراوجۆر تیادا دەژی‮ ‬بەڵام سیستەمی‮ ‬خوێندن بە زمانی‮ ‬سویدییە هەندێك لە زمانە بیانیەكان وەك ئینگلیزی‮ ‬و هەندێكی‮ ‬تر وەك وانەیەك شان بە شانی‮ ‬وانەكانی‮ ‬تر دەخوێنن‮ ‬،‮ ‬بەڵام هەندێك لە زمانەكانی‮ ‬تر وەك زمانی‮ ‬كوردی‮ ‬و توركی‮ ‬و عەرەبی‮ ‬و فارسی‮ ‬و سۆماڵی‮ ‬و زمانی‮ ‬تر لە هەفتەیەك دوو كاتژمێریان هەیە بۆ خوێندنی‮ ‬زمانی‮ ‬دایك وەك وانە بە جیا لە دوای‮ ‬تەواوبوونی‮ ‬دەوامی‮ ‬فەرمی‮ ‬قوتابخانە‮ ‬بۆ ئەوەی‮ ‬زمانی‮ ‬دایك لە بیر نەكەن‮. ‬ئێمەش دەبێ زۆر زۆر بایەخ بە زمانی‮ ‬دایك بدەین،‮ ‬چونگە گرنگە مدناڵ مێژووی‮ ‬میللەتەكەی‮ ‬و‮ ‬فەرهەنگ و كولتوور و داب و نەریتی‮ ‬خۆی‮ ‬بە زمانی‮ ‬خۆی‮ ‬فێربێ و بیزانێ‮.‬