خالد ئەحمەد بادی
ژپەرتوكا‮ (‬كفاحی‮) ‬یا ئەدولف هێتلر دبێژیت‮ (‬ئەو گەلێ‮ ‬نە هێتە هژمارتن كو هشیاریا سیاسی‮ ‬لدەف نەبیت چ جاران نەشێن نوینەرێن خو‮ ‬یێن راستەقینە ب هەلبژێرن‮). ‬هەمی‮ ‬پەرتوكێن ئاسمانی‮ ‬و ئایینێن‮ ‬جیهانێ بەرێ مروڤان‮ ‬و مروڤاتیێ دایە كار و كریارێن چاكیێ و هەبونا ئایینان و هاتنا ڤان پەرتوكێن پیروز‮ ‬بتنێ بو وێ چەندێ‮ ‬یە كو مروڤایەتی‮ ‬بهێتە پاراستن ودادپەروەری‮ ‬یا جیهانی‮ ‬بەربەلاڤ ببیت وئەگەر لێنێرینەكێ ل ناڤەروكێن پەرتوكێن ئاسمانی‮ ‬یێن پیروز بكەین دێ بو مە دیار بیت كو هەمیان ئاراستەیا خو كریە ئەڤ چەندا مە لسەری‮ ‬دیار كری‮ ‬دویركەفتن ژ كوشتن وزولم وستەم وهەمیان دیار كریە كو خو ژكار وكریار وشیاشیان دویر بكەن ومروڤاتیێ ب پارێزن چونكە خودایێ هەمیان ئێكە‮. ‬ژبەر دانانا كەسانێن خراب وخودان بەرژەوەندێن تایبەت ئاراستەیێن خو گوهارتن ژ دادپەوەریێ بەرەڤ زولم وستەم وخرابكاریان ڤە چون وب هەمی‮ ‬رێكان كار كرن دا كو پتر بەرژەوەندی‮ ‬بدەست ڤە بهێن تا گەهشتیە وی‮ ‬رادەیی‮ ‬كو ئایین وپەرتوكێن پیروز بو ڤان كارێن خراب بكار ئینان ودوژمناتیا‮ ‬یێ بەرامبەر كرن وئایین وپەرتوكێن پیروز بەرەڤ ئاراستەیا خرابكاریێ بكار ئینان وئەنجام ژی‮ ‬پارت ولایەن وكومەل وگوروپ‮ ‬ومەرجەعیەت دروست بون وجوداهیەكا زور مەزن وبەرچاڤ كەفتە دناڤا ئایینان دا وبتایبەت ئایینێ ئیسلامێ كرنە پەرت وپەلا ومەزهەب ومەرجەع دروست بون وب شێواز و رەنگێن جودا‮. ‬دكەڤندا كەنیسێ دەستهەلات دكر ل روژئاڤایی‮ ‬وهەر دیسا ل روژهەلاتی‮ ‬ژی‮ ‬مزگەفتان دەستهەلات هەبو لێ دەستهەلاتێ سیاسی‮ ‬وئایینی‮ ‬فەرە بهێتە جودا كرن دا كو مینا نوكە تێكەلیا دەستهەلاتی‮ ‬دروست نەبیت و بلا سیاسەت وئایین تێكەلی‮ ‬هەڤدوو نە بن ودێ بو هەر لایەكی‮ ‬باشتر بیت‮. ‬لدەمێ دەستهەلات بویە شاهاتی‮ ‬وپاشان كوماری‮ ‬وپاشان دەستهەلات كەفتیە دەستێن هندەك نەفاما دا بو نمونە ل عیراقی‮ ‬سەددام وبەعسی‮ ‬یا ول‮ ‬یەمەن عەلی‮ ‬عەبدوڵڵا ساڵح ول ئیرانێ رزا شاه پەهلەوی‮ ‬ول سوریێ حافز ئەسەد ول مسرێ حسنی‮ ‬مبارك ول تونس زین ئەلعابدین بن عەلی‮ ‬ول ل‮ ‬یبیا موعەمەر قەزافی‮ ‬ول سودان عومەر ئەل بەشیر ول جەزائیر عەبدولعەزیز بوتەفلیقە و حزبوڵڵاه‮ ‬یا لبنانی‮ ‬حەسەن نەسروڵڵاه ول توركیا لبن سیبەرا گەنی‮ ‬یا ئەتاتوركی‮. ‬ئەڤان ناڤێن مە باس كرین وپتریا وەلاتێن روژهەلاتا ناڤەراست ب زمانێ چەكی‮ ‬وشیری‮ ‬وزولم و ستەمێ لگەل مللەتێ خو وخەلكێ خو دئاخڤن وهەمیان پێكڤە كار دكر ژبو چەوساندنا خەلكێ خو وبێ بەهر دكر ژئازادی‮ ‬ورادەربرینێ وئەنجامێن ڤێ زولم وستەمێ دەنگێن نەرازیبونێ وكاروانێن رەڤینا تەخێن جودا جودا دروست دبون ئەو دەستهەلاتدار دبونە گورگێن هار‮ . ‬ژئەگەرێن هشیاریەكا سیاسی‮ ‬ومایتێكرنێن دەرەكی‮ ‬و‮ ‬یێن وەلاتێن زلهێز وبوهارا عەرەبی‮ ‬قونەغەكا دی‮ ‬یا حوكمرانیەتێ دروست بوو،‮ ‬ئەو دەستهەلات هاتنە گهورین و هندەك دەستهەلاتدارێن دی‮ ‬هاتنە دگورەپانا سیاسی‮ ‬یا وان وەلاتان دا‮. ‬لێ عەقلیەت و سیاسەتا وانان زور خرابتر بون ژیێن بەراهیكێ،‮ ‬چونكە‮ ‬یێن بەراهیكێ لسەر‮ ‬یەك ئاراستە بوون لێ دەستهەلاتدارێن نوی‮ ‬گرێدایی‮ ‬ئەجندایێن دەرەكی‮ ‬وبتایبەت گرێدایی‮ ‬مەرجەعیەتێن ئاینی‮ ‬ێن جودا جودا بوون و لدەڤ مەرجەعیەتێن ئاینی‮ ‬ژی‮ ‬بتنێ دكەڤنە ناڤا بازنەكێ گرتی‮ ‬دا‮ ‬ژكەتواری‮ ‬ب شێوەكێ دوماهیك دهێنە برین وبتنێ ژقوناغێن تیرورا دەولەتێ دكەڤنە دتیروا دەولەتەكا دی‮ ‬دا وپتر دەزگایێن هەوالگێری‮ ‬وئەمنی‮ ‬و ودەزگایێن نهێنی‮ ‬دروست دبن وخەلكی‮ ‬ب هەمی‮ ‬رێك وشێوازان ئەشكەنجە وگرتن وزیندان ولدوماهیكێ كوشتن وسێدارەكانا دگەلدا دكەن وئەڤ رێكارێن مە باس لێ كرین بتنێ گرتنا دەڤایە وئەڤە ژی‮ ‬دچیتە دخانا خیانەت ودوژمنكاریێ دا‮ .‬لەوما دبێژم حوكمرانیەت ومەرجەعیەتا دابڕی‮ ‬ژ كەتواری‮.‬