خه‌بات‮: ‬سەرهەنگ نەجمەدین:-
ئەم هەفتەیە خولی‮ ‬نایابی‮ ‬كوردستان پێی‮ ‬نایەگەڕی‮ ‬یازدەم و لەگرینگترین‮ ‬یاریشدا هەردوو‮ ‬یانەی‮ ‬سیروانی‮ ‬نوێ و دەربەندیخان بەیەكگەیشتن،‮ ‬یارییەكە لەبەرژەوەندی‮ ‬خاوەن‮ ‬یاریگا كەیانەی‮ ‬سیروانی‮ ‬نوێ‮ ‬یە بەئەنجامی‮ ‬3-0 گۆڵ كۆتایی‮ ‬هات و‮ ‬3 خاڵی‮ ‬یارییەكەی‮ ‬بەشایستەیی‮ ‬لەسەردەستی‮ ‬دەربەندیخان مسۆگەركرد‮ ‬،‮ ‬بەم ئەنجامە سیروانی‮ ‬نوێ پلەی‮ ‬یەكەمی‮ ‬لەرێزبەندی‮ ‬خولەكەدا قایمتركرد،‮ ‬لەبەرانبەردا دەربەندیخان بەم دۆراندنە هەربە14 خاڵ مایەوە و لەپلەكانی‮ ‬ناوەراستی‮ ‬رێزبەندی‮ ‬خولەكە جێگیربووە‮. ‬لەیاری‮ ‬دووەمدا هەردوو‮ ‬یانەی‮ ‬برایەتی‮ ‬شێروانە لەیاریگای‮ ‬برایەتی‮ ‬ڕووبەرووی‮ ‬یەكتربوونەوە،‮ ‬برایەتی‮ ‬لەنێو‮ ‬یاریگا وهاندەرانی‮ ‬خۆیدا بەشێروانە بەئەنجامی‮ ‬1-2گۆڵ دۆرا،‮ ‬برایەتی‮ ‬بەكۆكردنەوەی‮ ‬14 خاڵ لەپلەی‮ ‬شەشەم دەبیندرێت،‮ ‬بەپێچەوانەوە‮ ‬یانەی‮ ‬برایەتی‮ ‬ئەگەر براوەی‮ ‬یارییەكە بووایە ئەوا بەرەو پلەكانی‮ ‬دووەم سێیەم هەنگاوی‮ ‬دەهاوێژت،‮ ‬لەبەرانبەردا‮ ‬یانەی‮ ‬شێروانە بەم بردنەوەیە كۆی‮ ‬خاڵەكانی‮ ‬بوو‮ ‬8 خاڵ و هاتەپلەی‮ ‬دوانزدەم،هەردوو‮ ‬یانەی‮ ‬زێرەڤانی‮ ‬و هەولێریش لەیاریگای‮ ‬زێرەڤانی‮ ‬بەیەكگەشتن،‮ ‬زێرەڤانی‮ ‬دوای‮ ‬ئەنجامدانی‮ ‬10 یاری‮ ‬تەنها‮ ‬یەك بردنەوەی‮ ‬تۆمار كردبوو،‮ ‬بەڵام ئەمجارەیان لەسەردەستی‮ ‬یانەی‮ ‬هەولێر زێرەڤانی‮ ‬بردنەوەی‮ ‬دووەمی‮ ‬دەستەبەركرد و‮ ‬3 خاڵی‮ ‬لەچنگی‮ ‬یانەی‮ ‬هەولێر وەڕگرت،‮ ‬بەم شێوەیە‮ ‬یانە بەهێزەكان ئەم وەرزە ئاست و توانایان وەك پێویست نییە وئاستی‮ ‬راستەقینەیان بەشێوەیەكی‮ ‬چاوەڕواننەكراو دابەزیوە‮ ‬،ئەوان ئەم وەرزە نەك چاویان لەنازناوەكەیە،‮ ‬بەڵكو ئەم وەرزە توانای‮ ‬پلەكانی‮ ‬دووەم و سێیەمیان نەماوە كەخۆیان تێجا جێگیر بكەن‮.

‬ئەنجامی‮ ‬یارییەكانی‮ ‬دیكەیش بەم شێوەیە بوو‮: ‬پێشمەرگەی‮ ‬سلێمانی‮ ‬0 * زاخۆ‮ ‬0 دهۆك‮ ‬2 * پێشمەرگەی‮ ‬هەولێر‮ ‬1 نەورۆز‮ ‬3* هەندرێن‮ ‬2 ئەم هەفتەیە‮ ‬یانەی‮ ‬سۆران چاوەڕوان بوو‮. ‬رێزبەندی‮ ‬هەفتەی‮ ‬یازدەمی‮ ‬خولی‮ ‬نایابی‮ ‬كوردستان لەپلەی‮ ‬یەكەم تاپلەی‮ ‬سێیەم بەمشێوەیە دەبێت‮: ‬1- سیروانی‮ ‬نوێ‮ ‬19خاڵ‮ ‬2-نەورۆز‮ ‬16 خاڵ‮ ‬3-سۆران‮ ‬15 خاڵ‮.‬