خه‌بات‮: ‬بەرهەم شێخ عزەدین:-
زەمەند نوری‮ ‬ساڵی‮ ‬1972 لە كۆیە لەدایكبووە،‮ ‬ساڵی‮ ‬1986 لە سەر دەستی‮ ‬مامۆستا سەردار ئەحمەد‮ ‬لە خولێكی‮ ‬فێربوونی‮ ‬مۆسیقا‮ ‬لە مەڵبەندی‮ ‬لاوان‮ ‬سوودی‮ ‬لێوەرگرتووە‮ ‬وەك دەستپێكێك،‮ ‬دواتر لە ساڵی‮ ‬1988- ‮‬1989 ‮‬ لە پەیمانگای‮ ‬هونەرە جوانەكان‮ ‬بەشی‮ ‬مۆسیقا وەرگیراوە لە سلێمانی،‮ ‬ساڵی‮ ‬1992-1993 ‮‬ بۆتە سەرۆكی‮ ‬تیپی‮ ‬مۆسیقای‮ ‬شەهید‮ ‬سۆران سەڵتە‮ ‬،‮ ‬كە سەر بە‮ ‬یەكێتیی‮ ‬قوتابیان و لاوان‮ ‬پ.د.ك‮ ‬بووە و بۆ‮ ‬یەكەمجار ئاوازی‮ ‬سروودێكی‮ ‬بە ناوی‮ ‬یەكێتیی‮ ‬قوتابیان و لاوان‮ ‬لە ئاوازی‮ ‬خۆی‮ ‬بووە و كاری‮ ‬مۆسیقاكەش م‮. ‬غەمگین‮ ‬فەرەج‮ ‬بووە‮ ‬كە ئەوكات‮ ‬كراوە‮ ‬بە سروودی‮ ‬مەركەزی‮.

‮ ‬هەروەها‮ ‬وەك‮ ‬هاوكارێك‮ ‬لەچەند فیستڤاڵێك‮ ‬لەگەڵ‮ ‬تیپی‮ ‬كۆمەڵەی‮ ‬هونەرە جوانەكان و‮ ‬تیپی‮ ‬مۆسیقای‮ ‬مەولەی‮ ‬بەشدار بووە‮ ‬دواتر بووە‮ ‬بە ئەندام لە تیپی‮ ‬مۆسیقای‮ ‬مەولەوی‮ ‬لە ساڵانی‮ ‬1992 – 1993‮‬ وە هەر لەو ساڵانەدا‮ ‬ئاوازێكی‮ ‬داناوە‮ ‬بۆ هونەرمەند‮ ‬جەمال حەسەن‮ ‬هۆنراوەی‮ ‬ئەخۆل‮ ‬ئامادە كردنی‮ ‬مۆسیقاش‮ ‬هەرهی‮ ‬خۆی‮ ‬بووە،‮ ‬دواتر كارێكی‮ ‬هونەریی‮ ‬بۆ هونەرمەند‮ ‬دارا محەمەد عوسمان‮ ‬كردووەو‮ ‬دواتر كاری‮ ‬هونەری‮ ‬زۆری‮ ‬ئەنجامداوە‮ ‬بۆ گۆرانیبێژانی‮ ‬تیپ و دەرەوەی‮ ‬تیپ‮ ‬وەك‮ ‬ئاواز دانان‮ ‬یاخود‮ ‬ئامادەكردنی‮ ‬مۆسیقا بۆ ئەو هونەر مەندە‮ ‬گۆرانیبێژە‮ ‬كۆچكردوەكان‮ ‬حەمەی‮ ‬نێرگز،‮ ‬عوسمان عەلی‮ ‬و ئیبراهیم خەیات‮ ‬و‮ ‬گۆرانیبێژانی‮ ‬دیكەی‮ ‬وەك‮ ‬كامەران عومەر‮ ‬،‮ ‬حەمە رەوف‮ ‬كەركووكی‮ ‬،‮ ‬نیان‮ ‬عەبدوللا‮ ‬،‮ ‬سامان‮ ‬عومەر‮ ‬،‮ ‬دڵنیا قەرە داخی‮ ‬،‮ ‬عەلی‮ ‬زەندی‮ ‬،‮ ‬تارا‮ ‬ڕە سوڵ‮ ‬،‮ ‬ئەرجومەند هەورامی‮ ‬،‮ ‬كاروان‮ ‬مەحمود‮ ‬،‮ ‬شیلان‮ ‬عوسمان‮ ‬و‮ ‬زۆری‮ ‬دیكەش‮. ‬لە ساڵی‮ ‬1996‮‬ بووە‮ ‬بە مامۆستا‮ ‬لە پەیمانگای‮ ‬هونەرە جوانەكانی‮ ‬دهۆك‮ ‬بەشی‮ ‬مۆسیقا بۆ ماوەی‮ ‬دووساڵ و لە سێیەمین‮ ‬ڤیستڤاڵی‮ ‬دهۆك‮ ‬شانۆ‮ ‬بۆ ئاشتی‮ ‬خەڵاتی‮ ‬باشترین مۆسیقای‮ ‬شانۆیی‮ ‬وەرگرتووە‮ ‬،‮ ‬لە ساڵی‮ ‬2000‮‬ بووە‮ ‬بە سەرۆكی‮ ‬تیپی‮ ‬مۆسیقای‮ ‬مەولەوی‮ ‬تا ساڵی‮‬2010‮‬ وە لە ساڵی‮ ‬2003‮‬ بووە‮ ‬بە سەرپەرشتیاری‮ ‬هونەری‮ ‬لە چالاكی‮ ‬قوتابخانەكان‮ / ‬بەڕێوەبەرایەتی‮ ‬گشتی‮ ‬پەروەردە،‮ ‬لە ساڵی‮‬2012‮‬ گرووپی‮ ‬ئۆپەرێتی‮ ‬سلێمانی‮ ‬بە فەرمی‮ ‬دادەمەزرێنێت،‮ ‬كە‮ ‬تا ئێستا‮ ‬بەردەوامە‮ ‬وەك‮ ‬سەرۆكی‮ ‬گرووپ‮ ‬كە پەیوەستە بە كلتورو هونەر كە چەندین كاری‮ ‬هونەرییان ئەنجامداوە‮ ‬وەك‮: ‬ئۆپەرێتی‮ ‬شازادەی‮ ‬نوستوو‮ ‬ساڵی‮ ‬2010 كە‮ ‬34 قو تابی‮ ‬تێیدا بەشدار بوون،‮ ‬كە‮ ‬20 ئاواز و مۆسیقای‮ ‬تێدا بەكار هێنرابوو‮ ‬،10 بەر هەمی‮ ‬گۆرانی‮ ‬منداڵان‮ ‬ساڵی‮ ‬2011، فیلمی‮ ‬غینائی‮ ‬بەفری‮ ‬سپی‮ ‬و حەوت‮ ‬كورتە باڵاكان،‮ ‬كە ساڵی‮ ‬2012 ئەنجامیداوە‮ ‬كەلە بنچینەدا چیرۆكێكی‮ ‬كلتوری‮ ‬ئەڵمانیە،‮ ‬فیلمی‮ ‬غینائی‮ ‬گورگ و كچە كڵاوسوور‮ ‬ئەویش چیرۆكێكی‮ ‬كلتوری‮ ‬فەڕەنسییە‮ ‬لە ساڵی‮ ‬2014، زۆر كاری‮ ‬دیكەش،‮ ‬كە لێرە ناتوانین‮ ‬باسی‮ ‬بكەین لە بەر كەمی‮ ‬كات،‮ ‬ئەمانە دەستپێكی‮ ‬گفتوگۆكەمان‮ ‬بوو لەگەڵ‮ ‬هونەرمەندی‮ ‬میوزیكزان‮ ‬زەمەند نوری‮.‬

كورد ژێرخانێكی‮ ‬باشی‮ ‬هەیە لەگۆرانی‮ ‬فۆلكلۆریدا
‮ ‬سەرەتا هونەرمەند زەمەند نوری‮ ‬دەربارەی‮ ‬پرسیاری‮ ‬چ خوێندنەوەیەكتان‮ ‬بۆ ئێستای‮ ‬هونەری‮ ‬كوردی‮ ‬هەیە؟ بەمجۆرە‮ ‬وەڵامی‮ ‬دایەوە‮:‬
كورد ژێر خانێكی‮ ‬باشی‮ ‬هەیە لە گۆرانی‮ ‬فۆلكلۆری،‮ ‬بەڵام‮ ‬بەداخەوە كەمترین‮ ‬توێژینەوە‮ ‬بۆ ئەو مەبەستە ئەنجامدراوە‮ ‬زۆ رجار گوێبیستی‮ ‬هەندێك لە ژەنیارەكان دەبیت‮ ‬كە هەڵدەستن بە نووسینەوەی‮ ‬فڵان گۆرانی‮ ‬هونەرمەندی‮ ‬گەورە حەسەن‮ ‬زیرەك‮ ‬یاخود‮ ‬ئەوانی‮ ‬دیكە‮. ‬باشە بۆچی‮ ‬ئەینووسنەوە خۆ نووسینەوەی‮ ‬نۆتەی‮ ‬گۆرانی‮ ‬كارێكی‮ ‬گران نیە‮ ‬،‮ ‬خۆ گۆرانیەكان بەكاسێت و سیدی‮ ‬و بە هارد‮ ‬دەستدەكەوێت‮ ‬ئەگەر‮ ‬بە نیازی‮ ‬توێژینەوەی‮ ‬زانستیش‮ ‬بێت‮ ‬ئەوا‮ ‬ڕێوشوێنی‮ ‬خۆی‮ ‬هەیە‮ ‬ئەبێت‮ ‬ئەو كەسە پسپۆڕی‮ ‬هەبێت‮ ‬لەمبارەوە و‮ ‬نیوەی‮ ‬تەمەنی‮ ‬خۆی‮ ‬بۆ ئەم‮ ‬توێژینەوەیە‮ ‬تەرخان‮ ‬بكات و‮ ‬بودجەیەكی‮ ‬تایبە تیشی‮ ‬بۆ دابینبكرێت‮ ‬بۆ گەڕانی‮ ‬مەیدانی‮ ‬چەندین‮ ‬ڕێو شوێنی‮ ‬دیكە كە ئەم كارە بە ستافێكی‮ ‬پسپۆر ئەنجام ئەدرێت‮ ‬،بەڵام ئەمە نەكراوە‮ ‬،بۆیە لەم سەردەمە كە گوێمان لەگۆرانیەكان دەبێت ئاڵۆزی‮ ‬یاخود كاری‮ ‬گەری‮ ‬فۆڕمی‮ ‬وڵاتانی‮ ‬دراوسێی‮ ‬تێیدا بەدی‮ ‬دەكرێت‮ ‬بەكورتی‮ ‬واتە گە شەسەندنێكی‮ ‬ناڕێكی‮ ‬هەیە بۆیە پێویستە بۆ ئەو مە بەستە كۆنفراسێكی‮ ‬گەوەرەو فراوان هونەری‮ ‬ببەسترێت‮.‬

لای‮ ‬هەندێ‮ ‬كەس پەسەندەو لای‮ ‬بەشێكی‮ ‬دیكە‮ ‬ڕەتیدەكەنەوە
پاشان‮ ‬زەمەند نوری‮ ‬دەربارەی‮ ‬پرسیاری‮ ‬ئەوەی‮ ‬كە زۆرگلەیی‮ ‬دەكرێت لە تێكەڵكردنی‮ ‬هونەری‮ ‬بیانی‮ ‬بە هونەری‮ ‬كوردی‮ ‬و كاڵبوونەوەی‮ ‬ڕەسەنایەتی‮ ‬لە ناو هونەر ئەمە تا چەند‮ ‬ڕاستەو كێ هۆكارە ؟ گوتی‮:‬ ئەو تێكەڵكردنە لای‮ ‬هەندێ‮ ‬كەس پەسەندەو لای‮ ‬بەشێكی‮ ‬دیكەڕەتیدەكەنەوە‮ ‬،‮ ‬بەڵام بەڕای‮ ‬من ئەكرێت سوود لە تەكنیكی‮ ‬پێشكەوتوو‮ ‬وەربگیرێت‮ ‬لە هەمانكاتیشدا مۆركی‮ ‬ڕە سەنایەتیشی‮ ‬تێدا‮ ‬ون‮ ‬نەبێت،‮ ‬بەڵام‮ ‬بەداخەوە‮ ‬هەندێجار گوێبیستی‮ ‬هەندێك‮ ‬لە هونەر مەندەكانمان‮ ‬دەبین‮ ‬كە فۆڕمی‮ ‬ئاوازی‮ ‬كوردی‮ ‬دەشێوێنن‮ ‬وەك‮ ‬بەكارهێنانی‮ ‬ئاوازێكی‮ ‬ڕەسەنی‮ ‬كوردی‮ ‬بە فۆڕمێكی‮ ‬توركی‮ ‬یان‮ ‬فارسی‮ ‬ئەیڵێتەوە‮ ‬بەحسابی‮ ‬خۆیان‮ ‬تازەگەریان كردووە لە مۆسیقاو گۆرانی‮ ‬كوردی‮ ‬و سەیر لەوەدایە كە زۆر پشتگیریش دەكرێن و زۆربەی‮ ‬تۆماركردن و‮ ‬كلیپەكانیشیان‮ ‬لە دەرەوەی‮ ‬وڵات‮ ‬بۆ ئەنجامئەدرێت‮ ‬لە كەناڵە‮ ‬ڕاگە‮ ‬یاندنەكان‮ ‬وەك‮ ‬هونەرمەندێكی‮ ‬گەورە مامەڵەی‮ ‬لەگەڵ‮ ‬دە كەن‮ ‬وا خەریكە ئەبێتە‮ ‬ڕێچكە‮ ‬كە ئەمە كارێكی‮ ‬زۆر ترسناكە پێویست‮ ‬دەكات‮ ‬دەركی‮ ‬پێبكرێت‮ ‬بۆیە پێویستە‮ ‬كەسانی‮ ‬ڕۆشنبیرو پسپۆر لە كلتوری‮ ‬نەتەوەكەمان‮ ‬بوونیان‮ ‬هەبێت‮ ‬لە كەناڵە‮ ‬ڕاگەیاندنەكان‮ ‬بە گشتی‮ ‬یا خود‮ ‬بە لایەنی‮ ‬كەمەوە‮ ‬ڕاپرسییان‮ ‬پێبكرێت‮ ‬بۆ هەڵسەنگاندنی‮ ‬بەرهەمی‮ ‬هونەری‮ ‬بۆ‮ ‬ڕێگرتن لەم جۆرە ستایلە كە زەرەر بە كلتورو هونەری‮ ‬كوردی‮ ‬ئەگەێنێت،‮ ‬میللە تانی‮ ‬دیكە‮ ‬بە سەدان‮ ‬توێژینەوەو‮ ‬گەڕانی‮ ‬مەییدانیان‮ ‬كردووە‮ ‬بۆ پاراستن و‮ ‬بە‮ ‬زیندوو‮ ‬ڕا گرتنی‮ ‬هونەرەكەیان،‮ ‬بەڵام‮ ‬ئێمە وا خەریكە بە دەستی‮ ‬خۆمان كلتوری‮ ‬خۆمان‮ ‬لەناو ئەبەین.
‮ ‬
كاریگەری‮ ‬ڕۆژگاریشی‮ ‬بە سەرەوە هەبووە
دەربارەی‮ ‬پرسی‮ ‬ئەوەی‮ ‬كە گلەیی‮ ‬لە ئێوەمانان مامۆستای‮ ‬موزیك دەكرێت‮ ‬كە كاری‮ ‬موزیك‮ ‬بۆ خەڵكانێك‮ ‬دەكەن‮ ‬نە دەنگیان خۆشە نە لە هونەر دەزانن‮ ‬بۆ؟ زەمەند نوری‮ ‬بۆچوونی‮ ‬وابوو‮: ‬
من هەر بەرهەمێكی‮ ‬هونەریم‮ ‬ئەنجامدابێت‮ ‬لە مۆسیقاكەداپەیامی‮ ‬خۆمم‮ ‬گە‮ ‬یاندووە،‮ ‬ئەگەر گۆرانیبێژەكەش‮ ‬دەنگی‮ ‬بەلای‮ ‬بەشێك لە خەڵك خۆش نەبێت‮ ‬ئەوا چێژ لە مۆسیقاكە وەرگرێت،‮ ‬بەڵام پرسیارەكەت‮ ‬زۆر لە شۆێنی‮ ‬خۆیەتی‮ ‬ئەوەی‮ ‬كە پێشتر كراوە‮ ‬لەوانە‮ ‬یە كاریگەری‮ ‬ڕۆژگاریشی‮ ‬بە سەرەوە‮ ‬هەبووە كارێكی‮ ‬باش‮ ‬نەبووە‮.‬

ئەم دەزگایە هیچ‮ ‬ڕۆڵێكی‮ ‬بەرچاوی‮ ‬نەبووە
دواتر دەربارەی‮ ‬بۆ گۆرانی‮ ‬وەكو ساڵان‮ ‬تام و چێژی‮ ‬نەماوەو ماوەیەكی‮ ‬زۆر نامێنێتەوە؟ ئایا موزیك‮ ‬هۆكارە‮ ‬یان‮ ‬هونەرمەندەكان؟ زەمەند نوری‮ ‬بۆچوونی‮ ‬وابوو‮:‬ پێشەكی‮ ‬سوپاست دەكەم‮ ‬بۆ‮ ‬ئەم پرسیارەت چونكە ئەمە خاڵێكی‮ ‬زۆر سەرەكییە هۆكارەكان زۆرن،‮ ‬بەڵام‮ ‬من لێرەدا‮ ‬بەكورتی‮ ‬باسی‮ ‬بەشێكیان‮ ‬دەكەم‮ ‬نەبوونی‮ ‬هیچ‮ ‬فیلتەرێك‮ ‬لە كەناڵە‮ ‬ڕا گە‮ ‬یاندنەكان‮ ‬كارا‮ ‬نەبوونی‮ ‬سەندیكای‮ ‬هونەرمەندان‮ ‬ئەتوانم‮ ‬بڵێم‮ ‬ئەم دەزگایە هیچ‮ ‬ڕۆڵێكی‮ ‬بەرچاوی‮ ‬نەبووە‮ ‬لەمڕووەوە پووكانەوەی‮ ‬تیپە هونەریەكان‮ ‬بەگشتی‮ ‬،‮ ‬وە خاڵێكی‮ ‬زۆر گرینگ‮ ‬ئەویش‮ ‬نەبوونی‮ ‬ڕۆشنبیری‮ ‬كلتوری‮ ‬تەنانەت‮ ‬لە ناو زۆر لەهونەرمەندەكانمان‮ ‬یاخود‮ ‬ئەوانەی‮ ‬پێیانئەوترێت‮ ‬هونەرمەند‮ ‬وە خاڵێكی‮ ‬گرینگی‮ ‬تر ئەویش‮ ‬ناسنامەی‮ ‬هونەرمەندە‮ ‬،‮ ‬دیارە‮ ‬لەم‮ ‬ڕۆژ گارەدا،‮ ‬تەنانەت پێناسەی‮ ‬هونەرمەند‮ ‬یشمان‮ ‬بیرچۆتەوە‮ ‬ئایا هەموو‮ ‬گۆرانیبێژێك‮ ‬هونەر مەندە ؟‮ ‬ئایا‮ ‬هەموو ژەنیارێكی‮ ‬مۆسیقا هونەرمەندە ؟ ئەی‮ ‬بە كێ‮ ‬ئەوترێت‮ ‬لۆتی‮ ‬؟‮ ‬ئەی‮ ‬نابێت‮ ‬كەسێك‮ ‬لە بواری‮ ‬هونەر ئەفراندنێك‮ ‬یاخود‮ ‬داهێنانێك‮ ‬بكات‮ ‬یاخود‮ ‬ستایلێكی‮ ‬هونەری‮ ‬تایبەت‮ ‬بە خۆی‮ ‬هەبێت بۆ ئەوەی‮ ‬پێیبوترێت‮ ‬هونەرمەند؟‮ ‬ئایا كێ‮ ‬وەڵامی‮ ‬ئەم پرسیارانە‮ ‬ئەداتەوە؟

ئەوەی‮ ‬ئێستا ئێمە سەرنجی‮ ‬ئەدەین كلیپەكان نەشیاوە
دەربارەی‮ ‬بەكارهێنانی‮ ‬ئافرەت‮ ‬لە كلیپدا چۆن‮ ‬دەبینی؟ زەمەند نوری‮ ‬وا وەڵامی‮ ‬ئەم پرسیارەی‮ ‬دایەوە‮: ‬بەڕای‮ ‬من‮ ‬بەكارهێنانی‮ ‬ئافرەت لە كلیپەكاندا‮ ‬كارێكی‮ ‬زۆر جوان و باشە،‮ ‬ئەگەر بگەڕێینەوە‮ ‬بۆ مێژوو سەیری‮ ‬كلیپەكانی‮ ‬هونەرمەند‮ ‬شەماڵ صائیب‮ ‬بكەین‮ ‬كە لەو سەردە مە ئافرەت‮ ‬تێیدا بەشداریكردووەو‮ ‬ئەو كلیپە بووە‮ ‬بەهۆی‮ ‬جوانتركردنی‮ ‬گۆرانیەكە‮ ‬بەجلی‮ ‬كوردی‮ ‬كە لەلایەن‮ ‬كۆمەڵگاكەشمانەوە كارێكی‮ ‬شیاوە‮. ‬بەڵام‮ ‬ئەوەی‮ ‬ئێستا‮ ‬ئێمە سەرنجی‮ ‬ئەدەین‮ ‬كلیپەكان‮ ‬نەشیاوە‮ ‬ناڵێم‮ ‬هەمووی‮ ‬،‮ ‬بەڵام‮ ‬زۆربەی‮ ‬زۆری‮ ‬بۆچی‮ ‬یەكەم‮ ‬لەبەر ئەوەی‮ ‬گۆرانیبێژەكە خۆی‮ ‬ئەزانێت‮ ‬دەنگی‮ ‬خۆش نییە ئەیەوێت‮ ‬بەهۆی‮ ‬بەكارهێنانی‮ ‬ئافرەت‮ ‬سەرنجی‮ ‬بینەر‮ ‬ڕابكێشێت‮ ‬ئافرەت‮ ‬وەك پلیكانەیەك‮ ‬بەكاردەهێنێت‮ ‬بۆ‮ ‬بەرز بوونەوەی‮ ‬خۆی،‮ ‬بەڵام‮ ‬ئەمە هەڵەی‮ ‬هونەرمەندەكە نیە بەڵكو هەڵەی‮ ‬كەناڵە‮ ‬ڕاگە‮ ‬یاندنەكانە‮ ‬كە هیچ پێوەرێكی‮ ‬زانستییان‮ ‬نییە بۆ‮ ‬وەر گرتنی‮ ‬بەرهەمی‮ ‬هونەری،‮ ‬یاخود جاری‮ ‬وا هەیە هونەرمەندەكەش‮ ‬دەنگی‮ ‬خۆشە،‮ ‬بەڵام‮ ‬كلیپەكە دوورە‮ ‬لە بەهاكانی‮ ‬كۆ مەڵگا كەمان‮ ‬بۆ‮ ‬یە‮ ‬ئەكرێت چەند پێوەر ێك‮ ‬وەك‮ ‬بنەما دابنرێت‮ ‬بۆ‮ ‬بەرهەم و‮ ‬كلیپە هونەریەكان‮.‬

وەزارەتی‮ ‬ڕۆشنبیری‮ ‬گەورەترین‮ ‬بەرپرسیاریەتی‮ ‬لەسەرشانە
دەربارەی‮ ‬پرسیاری‮ ‬نەبوونی‮ ‬فلتەر لەلایەن‮ ‬وەزارەتی‮ ‬ڕۆشنبیری‮ ‬تا چەند زیانی‮ ‬بە هونەر گەیاندووە؟‮ ‬ئەو هونەرمەندە وایگوت‮:‬
‮ ‬وەزارەتی‮ ‬ڕۆشنبیری‮ ‬پێویستە بە شێوەیەكی‮ ‬میكانزمی‮ ‬كارە هونەریەكان‮ ‬ڕێكبخاتەوە بوارێكی‮ ‬تاڕادەیەك‮ ‬یەكسان‮ ‬هەبێت‮ ‬بۆ هونەرمەندان و پڕۆژەكانیان‮ ‬دوور‮ ‬لە میزاجی‮ ‬كەسێیتی‮ ‬و‮ ‬ئەبێت‮ ‬ڕۆڵێكی‮ ‬زۆر كارای‮ ‬هەبێت،‮ ‬چونكە وەزارەتی‮ ‬ڕۆشنبیری‮ ‬گەورە ترین بەرپرسیاریەتی‮ ‬لەسەرشانە‮.‬

یەكەم گرووپین‮ ‬بەم‮ ‬ستایلە جیهانیە كار لەسەر بابەتە كلتوریەكان دەكەین
دەربارەی‮ ‬دوا پڕۆژەی‮ ‬هونەری‮ ‬،‮ ‬موزیكزان‮ ‬زەمەند نوری‮ ‬گوتی‮:‬ ئێستا سەرقاڵی‮ ‬چیرۆكێكی‮ ‬كۆنی‮ ‬كوردین بە شێوەی‮ ‬فیلمی‮ ‬غینائی‮ ‬ئەم‮ ‬فیلمە‮ ‬بەسەرهاتە كانی‮ ‬بەشێوەی‮ ‬جوڵەو گۆرانی‮ ‬ئەنجامئەدرێت‮ ‬وە‮ ‬ئێمە،‮ ‬یەكەم گرووپین‮ ‬لە هەرێمی‮ ‬كور دستان‮ ‬كە بەم ستایلە جیهانیە كار‮ ‬لەسەر‮ ‬بابەتە كلتوریەكان‮ ‬دەكەین،‮ ‬بەڵام‮ ‬بەداخەوە لە‮ ‬2016 وە‮ ‬ئێمە هەوڵئەدەین‮ ‬بۆ‮ ‬ئەنجامدانی‮ ‬ئەو پڕۆژە‮ ‬هونەریە،‮ ‬بەڵام‮ ‬تا‮ ‬ئێستاكە ئەو پڕۆژە‮ ‬هونەریە نەكراوە‮ ‬هیوادارم‮ ‬لە ساڵی‮ ‬داهاتوو پشتگیریمان‮ ‬بۆ دروست‮ ‬ببێت بۆ‮ ‬بەرهەمهێنانی‮.‬