كرواتیا سەرۆكایەتی‮ ‬ئەنجوومەنی‮ ‬یەكێتیی‮ ‬ئەورووپا كە بۆ ماوەی‮ ‬شەش مانگ بەڕێوەی‮ ‬دەبات لە فینلاند وەرگرت‮. ‬لەو قۆناغەدا كە كرواتیا بە دروشمی‮ ‬”ئەورووپایەكی‮ ‬بەهێز لە جیهانێكی‮ ‬سەختدا” سەرۆكایەتی‮ ‬ئەنجوومەنەكە بەڕێوەدەبات،‮ ‬چاوەڕوان دەكرێت بڕیارگەلێكی‮ ‬گرنگی‮ ‬وەك؛ هێنانە ناوەوەی‮ ‬وڵاتانی‮ ‬خۆرئاوای‮ ‬بەلقان بۆ‮ ‬یەكێتیی‮ ‬ئەورووپا،‮ ‬دیاریكردنی‮ ‬بوودجەی‮ ‬یەكێتییەكە بۆ قۆناغی‮ ‬2021-2027 و جیابوونەوەی‮ ‬بەریتانیا لە‮ ‬یەكێتییەكە بدرێت‮.

‬سەركۆماری‮ ‬كرواتیا،‮ ‬كۆلیندا گرابار كیتارۆڤیچ باسی‮ ‬لەوە كرد كە ئامانجیان ئەوەیە لەو قۆناغەی‮ ‬كە وڵاتەكەی‮ ‬سەرۆكایەتی‮ ‬ئەنجوومەنەكە دەكات‮ ‬یەكێتیی‮ ‬ئەورووپا گەورە بكەن،‮ ‬هاووڵاتییانی‮ ‬بپارێزن،‮ ‬پەیوەستی‮ ‬بكەن بە‮ ‬یەكەوە و لەسەر ئاستی‮ ‬ناوچەیی‮ ‬و جیهانیی‮ ‬بیكەنە‮ ‬یەكێتییەكی‮ ‬كراوە و نموونەیی‮.

– ‬سەرۆكایەتی‮ ‬قۆناغی‮ ‬ئەنجوومەنی‮ ‬یەكێتیی‮ ‬ئەورووپا سەرۆكایەتی‮ ‬قۆناغی‮ ‬ئەنجوومەنی‮ ‬یەكێتیی‮ ‬ئەورووپا،‮ ‬هەموو شەش مانگ جارێك لە لایەن‮ ‬یەكێك لە وڵاتانی‮ ‬ئەندامی‮ ‬یەكێتییەكەوە بە نۆرە بەڕێوەدەبرێت‮.

وڵاتی‮ ‬سەرۆكی‮ ‬ئەو قۆناغە كۆبوونەوەكانی‮ ‬ئەنجوومەنی‮ ‬یەكێتیی‮ ‬ئەورووپا بەڕێوەدەبات و دەستەبەری‮ ‬دیاریكردنی‮ ‬بابەتە پێشینەییەكان دەكات بۆ‮ ‬یەكێتییەكە‮. ‬كرواتیا كە دوای‮ ‬شەش مانگ لە بوون بە ئەندام لە‮ ‬یەكێتیی‮ ‬ئەورووپا سەرۆكایەتی‮ ‬ئەم قۆناغەی‮ ‬وەرگرت لە‮ ‬30ی‮ ‬حوزەیراندا ئەركەكە رادەستی‮ ‬ئەڵمانیا دەكات‮.‬