سەگڤان هالو
كورد مێژویێكی‮ ‬سیاسی‮ ‬ناڵەبار و پڕ‮ ‬لە نەهامەتی‮ ‬و چەرمەسەری‮ ‬بەسەر بردووە لەم ناوچەیەدا‮ (‬ناوچەی‮ ‬ڕوژهەڵاتی‮ ‬ناوەڕاست‮). ‬كەم نەتەوە هەیە لە جیهانی‮ ‬مرۆڤایەتیدا بە ئەندازەی‮ ‬كورد چەوسێندرابێتەوە و ستەمی‮ ‬بەرامبەر كرابێت‮. ‬سەدان هەزار مرۆڤی‮ ‬سڤیلی‮ ‬كورد بوونەتە قوربانی‮ ‬لە پێناو ئامانجێكی‮ ‬پیرۆز و‮ ‬ڕەوادا كە ئەویش سەربەخۆبوونی‮ ‬وڵاتی‮ ‬كوردانە،‮ ‬كەچی‮ ‬هەتاكو ئەمڕۆ‮ ‬كورد نەیتوانیوە ئامانجی‮ ‬ڕەوای‮ ‬خوی‮ ‬بپێكێێت و ببێ بە خاوەن قەوارەیێكی‮ ‬سیاسی‮ ‬سەربەخو بە خۆی،‮ ‬بەڵێ ئەمە سەدەی‮ ‬بیست و‮ ‬یەكە و كورد هێشتا خەون بە دەوڵەتبوونەوە دەبینێت،‮ ‬چونكە مرۆڤی‮ ‬بێ دەوڵەت وەك كەسێكی‮ ‬بێ دایك باوك وایە،‮ ‬بڕوا بكەن كاتێ جارجار سەردانی‮ ‬وڵاتان دەكەم و گوزەرنامەكەم عێڕاقییە گەلێ دڵگران دەبم كە من گوزەرنامەی‮ ‬تایبەت بەخۆم نیە لە كاتێكدا عێڕاق هیچ كات وڵاتی‮ ‬من نەبووە و نیە و نابێت،‮ ‬كەچی‮ ‬زۆر بە ناچارییەوە دەبێ گوزەرنامەی‮ ‬عێڕاقی‮ ‬هەڵگرم،‮ ‬عێڕاقێك كە لە ژێر سایەیدا سەدان هەزار مرۆڤی‮ ‬سڤیل و بێتاوانی‮ ‬كوردی‮ ‬كردۆتە قوڕبانی‮ ‬تەنها لە بەرئەوەی‮ ‬كە كورد بووە و كوردە و ویستویەتی‮ ‬ناسنامە و شوناسی‮ ‬تایبەت بە خۆی‮ ‬هەبێت، ‬وەك هەر نەتەوەیێكی‮ ‬تری‮ ‬خاوەن دەوڵەتی‮ ‬ناوچەی‮ ‬ڕۆژهەڵاتی‮ ‬ناڤین.

‬فرە بیروڕای‮ ‬سیاسی‮ ‬لە كوردستان دەبوایە خزمەتی‮ ‬بە دۆزی‮ ‬نەتەوەیی‮ ‬كورد كردبایە دور لە‮ ‬یەكترازانی‮ ‬سیاسی،‮ ‬ئەمە لە لایەك و لە لایەكی‮ ‬تریشەوە بەرژەوەندی‮ ‬و چاوچنۆكی‮ ‬زلهێزەكانی‮ ‬دونیا لە سایكس پیكۆوە تا ئەمڕۆ‮ ‬غەدرێكی‮ ‬تابڵێی‮ ‬گەورەیان لە كورد و دۆزە‮ ‬ڕەواكەی‮ ‬كردووە،‮ ‬ئەگینا كوردیش وەك نەتەوە و خاوەن خاك و مێژوو و زمانی‮ ‬تایبەت بە خۆی‮ ‬هیچی‮ ‬كەمتر نەبووە و نیە لە تورك و عەڕەب و فارس ئەگەر زێاتریش نەبووبێت‮. ‬لە كۆتاییدا ئەوە دەڵێم،‮ ‬پێوییستە كورد لەمەودوا هەوڵی‮ ‬خۆ بەهێزكردن بدات و دور بكەوێتەوە لە پەرتەوازەیی‮ ‬سیاسی‮ ‬و ماڵی‮ ‬خۆی‮ ‬ڕێك بخاتەوە،‮ ‬ئەگینا سایكس پیكۆكان بەردەوام دەبن و هەرگیز نابین بە خاوەن ناسنامە و شوناسی‮ ‬نەتەوەیی‮ ‬خۆمان‮.‬