خەبات‮: ‬هاوار مورتكەیی:-‮
گولیزخان ناخباییڤا گراندماستەرە بەناوبانگەكەی‮ ‬جیهان كە‮ ‬7 جار توانیویەتی‮ ‬ببێتە پاڵەوانی‮ ‬كازاخستان،‮ ‬لەنێو‮ ‬300 لاوە هەڵكەوتووەكەی‮ ‬وڵاتی‮ ‬كازاخستان بەباشترین سەرۆكی‮ ‬داهاتوو هەڵبژێردرا‮.‬
ئەم پرۆژەیە كە بیرۆكەی‮ ‬سەرۆكی‮ ‬كازاخستان بوو لەپێناو دیاریكردنی‮ ‬پیشەییانەی‮ ‬لاوانی‮ ‬هەڵكەوتوو پێشكەشی‮ ‬كرد و زیاتر لە‮ ‬13 هەزار لاو بەشداریان تێداكرد و پرۆژەكەش بریتی‮ ‬بوو لە گرنگی‮ ‬وەڵامدانەوەی‮ ‬چەند پرسیارێك بەزووترین كات و لەرێگای‮ ‬تۆڕی‮ ‬گەیاندنی‮ ‬ئینتەرنێتەوە بە چوار قۆناغ‮ ‬بەڕێوەچوو،‮ ‬گولیزخان ناخباییڤا خانمە شەترەنجزانی‮ ‬كازاخستانی‮ ‬و هەڵگری‮ ‬بڕوانامەی‮ ‬گراندماستەر‮ ‬یەكێك بوو لەبەشداربووانی‮ ‬ئەو پرۆژەیە و دواجار لەنێو باشترین‮ ‬300 لاوی‮ ‬هەڵكەوتوو توانی‮ ‬بەباشترینی‮ ‬پرۆژەكە دەربچێت‮.‬

گولیزخان لەپەراوێزی‮ ‬ئەو دەسكەوتەی‮ ‬ئاماژەی‮ ‬بۆ ئەوەكرد و گوتی‮: ‬دەمەوێ ئەوە بڵێم كە من‮ ‬یاریزانێكی‮ ‬شەترەنج بووم بۆیە توانیم هەرچوار قۆناغ‮ ‬بەسەركەوتووی‮ ‬ببڕم،‮ ‬چونكە شەترەنج ئەوە دەخوازێ كە بەخێرایی‮ ‬بیر بكەیتەوە و زاڵ بیت بەسەرخۆت تا بتوانی‮ ‬بڕیارێكی‮ ‬دروست بدەی،‮ ‬ئەم پرۆژەیەش ئەوەی‮ ‬دەخواست كە بەخێرایی‮ ‬بتوانی‮ ‬وەڵامی‮ ‬درووست بدەیتەوە،‮ ‬بۆیە دەڵێم شەترەنج‮ ‬یارمەتیدەرم بوو لەبەدەستهێنانی‮ ‬ئەم دەسكەوتە كە تاماوم شانازی‮ ‬پێوە دەكەم‮.‬
جێی‮ ‬باسە رۆژنامەی‮ ‬خەبات لە ژمارە‮ ‬4681ی‮ ‬رۆژی‮ ‬12/11/2014 دیمانەیەكی‮ ‬لەگەڵ ئەو شەترەنجزانە ئەنجامدا و مانشێتی‮ ‬ئەوكاتی‮ ‬دیمانەكە بریتی‮ ‬بوو لە‮ ‬دەیەوێت ببێتە بەهێزترین ئافرەت لە جیهان‮.‬