خەبات‮: ‬هاوار مورتكەیی:-
یەكێتی‮ ‬تۆپی‮ ‬پێی‮ ‬ئیسپانیا سزای‮ ‬بەسەر‮ ‬یانەی‮ ‬بەرشلۆنەدا سەپاند و لەهەمان كاتیش هۆشدارییەكی‮ ‬توندی‮ ‬ئەو‮ ‬یانەیە كرد لە ئەگەری‮ ‬داخستنی‮ ‬یاریگای‮ ‬كامپ نوی‮ ‬تایبەت بە بەرشلۆنە،‮ ‬ئەویش بەهۆی‮ ‬هەڵدانی‮ ‬هەندێ تۆپ بۆ ناو‮ ‬یاریگا لەكاتی‮ ‬بەڕێوەچوونی‮ ‬یارییەكەی‮ ‬نیوان بەرشلۆنە و ریال مەدرید،‮ ‬كە بەبێ گۆڵ كۆتایی‮ ‬هات‮.‬

یەكێتی‮ ‬تۆپی‮ ‬پێی‮ ‬ئیسپانیا لەراگەیەندراوێكدا كە پێری‮ ‬لە ئینتەرنێت بڵاوكرایەوە روونی‮ ‬كردۆتەوە كە ئەو سزاداراییە لەئاكامی‮ ‬ئەوەدا بووە كە لەكاتی‮ ‬یارییەكەدا ژمارەیەك تۆپی‮ ‬دەریاییان هاویشتۆتە ناو‮ ‬یاریگا و ئەمەش ئاماژەیەكی‮ ‬مەترسیدار و سەرپێچییە،‮ ‬یەكێتی‮ ‬تۆپی‮ ‬پێی‮ ‬ئیسپانیا ئەمە قبول ناكات‮.‬

لە خولیكی‮ ‬55ی‮ ‬یارییەكەدا،‮ ‬بۆماوەی‮ ‬90 ‮ ‬چركە‮ ‬یارییەكە وەستا دوای‮ ‬ئەوەی‮ ‬9 ‮ ‬تۆپیان هەڵدایە ناو‮ ‬یاریگا وەك ناڕەزایەتییەك بەرامبەر بەندكردنی‮ ‬9 ‮ ‬لە سەركردەكانی‮ ‬كەتالۆنیا كە لە ساڵی‮ ‬2017 ‮ ‬داوای‮ ‬سەربەخۆی‮ ‬هەرێمی‮ ‬كەتالۆنیان كرد،‮ ‬تۆپەكان ئاماژەیەك بوون بۆ ئازادكردنیان،‮ ‬كە ئەمەش دەسەڵاتدارانی‮ ‬ئیسپانیایان نیگەران كرد و‮ ‬یەكێتی‮ ‬تۆپی‮ ‬پێی‮ ‬وڵاتەكەیان ناچار كرد سزا و هۆشدارییەك‮ ‬بدەنە‮ ‬یانەی‮ ‬بەرشلۆنە تا رووداوی‮ ‬لەمشێوەیە دووبارە نەبێتەوە‮.‬

جێی‮ ‬باسە دەبوا‮ ‬یاری‮ ‬كلاسیكۆ لە‮ ‬26ی‮ ‬ئوكتۆبەر ئەنجام بدرایە،‮ ‬بەڵام بەهۆی‮ ‬بەرزبوونەوەی‮ ‬دەنگە نارازییەكانی‮ ‬شەقامی‮ ‬كەتالۆنیا لەبەرامبەر بەندكردنی‮ ‬سەركردەكان،‮ ‬ئەو‮ ‬یارییە دواخرا،‮ ‬بەڵام هاندەرانی‮ ‬كەتالۆنیا دووبارە پشتیوانیان بۆ سەربەخۆیی‮ ‬لەناو‮ ‬یاریگادا راگەیاند و دژی‮ ‬دەسەڵاتدارانی‮ ‬مەدرید ئەو هەڵوێستەیان لە‮ ‬یاری‮ ‬كلاسیكۆ نواند‮.‬