ساسان دەروێش‮/‬ هۆڵەندا‮ ‬
ئۆفیسی‮ ‬یەكێتی‮ ‬ئافرەتانی‮ ‬كوردستان لە دوای‮ ‬دامەزراندنی‮ ‬لە‮ ‬2007 و هەنگاونانی‮ ‬بۆ كاری‮ ‬ڕێكخراوی‮ ‬و پرسەكانی‮ ‬ئافرەتانی‮ ‬تاراوگە،‮ ‬وێڕای‮ ‬خەباتكردن بۆ دۆزی‮ ‬ڕەوای‮ ‬نەتەوەییمان،‮ ‬خاوەنی9 ‮ ‬ئەنجومەن لە وڵاتانی‮ ‬جیاوازی‮ ‬ئەورووپا و بوونە چەترێك بۆ كۆكردنەوەی‮ ‬ئافرەتانی‮ ‬تاراوگە وپێ بە پێی‮ ‬خەباتی‮ ‬یەكێتی‮ ‬ئافرەتانی‮ ‬كوردستان هەنگاوببڕن‮. ‬بە بۆنەی‮ ‬67 ‮ ‬ساڵەی‮ ‬دامەزراندنی‮ ‬یەكێتی‮ ‬ئافرەتانی‮ ‬كوردستان وتەی‮ ‬چەند ئافرەتێك وەردەگرین‮.‬ شوعلە‮ ‬ڕەسوڵ،‮ ‬كارگێڕی‮ ‬ئۆفسی‮ ‬ئەرووپای‮ ‬یەكێتی‮ ‬ئافرەتانی‮ ‬كوردستان لەو بارەیەوە گوتی‮: ‬بەدرێژایی‮ ‬مێژوو،‮ ‬ئافرەت‮ ‬ڕۆڵی‮ ‬بەرچاوی‮ ‬خۆی‮ ‬هاوتەریبی‮ ‬پیاوان گێڕاوە‮. ‬ئافرەتانی‮ ‬بوێر و چالاك توانیویانە بەشداری‮ ‬لە شۆڕشەكان و بواری‮ ‬ڕۆشنبیری‮ ‬و پەروەردەیی‮ ‬و جوتیاری‮ ‬و كرێكاری‮ ‬بكەن،‮ ‬بێجگە لە ئەركی‮ ‬دایكایەتی‮ ‬و ماڵداریكردن كەمتەرخەم نەبوون،‮ ‬لە هەمان كاتیشدا مافخوراو زوڵم لێكراویش زۆر بوون‮. ‬لە نیوەی‮ ‬سەدەی‮ ‬نۆزدەوە بە هۆی‮ ‬هاتنە كایەی‮ ‬ڕێكخراوەكانی‮ ‬ئافرەتانەوە و چوونی‮ ‬ئافرەت بۆ قوتابخانە گۆڕانكاری‮ ‬و پێشەوەچوونی‮ ‬بەرچاویان بە خۆیەوە دەبینێ بە هۆی‮ ‬نەریتی‮ ‬كۆمەڵایەتی‮ ‬كوردەوارییەوە‮. ‬لە سەرهەڵدانی‮ ‬سەردەمی‮ ‬عەولەمە و گۆڕانكارییە خێراكانی‮ ‬دونیا و لە دوای‮ ‬ڕاپەڕینی‮ ‬گەلی‮ ‬كوردستانەوە‮ ‬ڕێكخراوەكانی‮ ‬ئافرەتان‮ ‬ڕۆڵی‮ ‬بەرچاویان هەبوو لە باشتر بەرەوپێشچووی‮ ‬ئافرەت‮. ‬ئەگەر گوزەرێ بكەین بە بوونی‮ ‬توانا و دەسەڵاتی‮ ‬ئافرەتاندا لە هەموو جومگەكانی‮ ‬دەسەڵاتی‮ ‬كوردیدا‮ ‬ڕەنگدانەوەی‮ ‬ئەو پێشچوونە بە پڕاكتیكی‮ ‬بەرجەستە بووە‮.‬ نیشتیمان عومەر میراو،‮ ‬ئەندامی‮ ‬ئەنجومەنی‮ ‬دانیماركی‮ ‬یەكێتی‮ ‬ئافرەتانی‮ ‬كوردستان لەو بارەیەوە دەڵێت‮: ‬هەموو وڵاتان و كۆمەڵگەكان بۆنەی‮ ‬جوان و مێژووییان هەیە و لە كات وساتی‮ ‬خۆیا‮ ‬یادی‮ ‬ئەكەنەوە‮. ‬ئێمەی‮ ‬كوردیش زۆر‮ ‬یادی‮ ‬مێژوویی‮ ‬سەربڵندمان هەیە و بۆ هەتاهەتاییە سەربڵندین پێیان،‮ ‬یەكێك لەوانە‮ ‬یادی‮ ‬ڕۆژی‮ ‬یەكێتیەكەمانە،‮ ‬یەكێتی‮ ‬ئافرەتانی‮ ‬كوردستان كە لە مێژوودا ناسڕێتەوە بۆ هەتاهەتاییە شانازی‮ ‬پێوە ئەكەین لەبەر ئەوەی‮ ‬كاتی‮ ‬دروستبوونی‮ ‬ئەم‮ ‬یادە مەزنترین سەركردە پشتگیری‮ ‬لێكردووین ئەویش باوكی‮ ‬ڕۆحیمان مستەفا بارزانی‮ ‬نەمر بوو،‮ ‬هەزرا‮ ‬ڕەحمەت لە گۆڕی‮ ‬بێت،‮ ‬هەر بەرز و شەكاوە بێت ئالا و‮ ‬یادی‮ ‬ئافرەتان‮.‬ سروە عارف بەرزنجی،‮ ‬بەرپرسی‮ ‬ئەنجومەنی‮ ‬ڕۆژهەڵاتی‮ ‬ئەڵمانیا‮ ‬یەكێتی‮ ‬ئافرەتانی‮ ‬كوردستان لەو بارەیەوە گوتی‮:‬‮ ‬سڵاو لە گیانی‮ ‬پاكی‮ ‬خوشكە لەیلا و هەموو شەهیدانی‮ ‬یەكێتیەكەمان بێت كە بە خۆیان سەروەریان بۆ ئافرەتی‮ ‬كورد لە مێژوودا تۆماركرد و پێیان دەڵێن كە ئێوە زیندوون و نامرن و ئێمە تەواوكاری‮ ‬ڕێبازە پیرۆزەكەی‮ ‬بارزانی‮ ‬نەمر و ئێوەین‮. ‬بەم بۆنەیەشەوە پەیمان و بەڵێن دووبارە دەكەینەوە كە ئێمەش لە تاراوگە شان بە شانی‮ ‬ئێوە لە ناو كوردستان هەردەم بەردەوام بین لە خەبات و تێكۆشان بۆ بەدیهێنانی‮ ‬ئاواتی‮ ‬گەلەكەمان و ناساندنی‮ ‬دۆزی‮ ‬ڕەوای‮ ‬كورد بە گەلانی‮ ‬ڕۆژئاوا و لەهەمان كاتدا ناساندنی‮ ‬ڕۆڵی‮ ‬ئافرەتی‮ ‬كورد و خۆڕاگری‮ ‬لە خەباتی‮ ‬شۆڕشگێڕی‮ ‬نەتەوەییدا بەجیهانی‮ ‬دەرەوە‮.‬ ساهیرە سلێمان مەلا،‮ ‬ئەندامی‮ ‬ئەنجومەنی‮ ‬هۆڵەندای‮ ‬یەكێتی‮ ‬ئافرەتانی‮ ‬كوردستان لەمبارەیەوە گوتی‮: ‬یەكێتی‮ ‬ئافرەتانی‮ ‬كوردستان لە سەرەتای‮ ‬دامەزرانیدا تا بە ئەمڕۆ،‮ ‬پرسی‮ ‬نەتەوایەتی‮ ‬وابەستەی‮ ‬بۆ نیشتیمان لە كارە بنەڕەتییەكانی‮ ‬بووە و گرنگی‮ ‬تەواوی‮ ‬پێداوە،‮ ‬یەكێتی‮ ‬ئافرەتانی‮ ‬كوردستان لە هەناوی‮ ‬ژان و ئازاری‮ ‬ئافرەتان لە دایكبووە و هەڵگری‮ ‬خەمەكانیانە،‮ ‬یەكێتی‮ ‬ئافرەتانی‮ ‬كوردستان زمانحاڵ و دەنگ و‮ ‬ڕوخساری‮ ‬سەرجەم ئافرەتانی‮ ‬كوردستانە‮. ‬یەكێتی‮ ‬ئافرەتانی‮ ‬كوردستان‮ ‬ڕۆڵێكی‮ ‬سەرەكی‮ ‬هەبووە لە بەرەوپێشبردنی‮ ‬دۆزی‮ ‬ڕەوای‮ ‬گەلەكەمان و بەرگریكردن لە ماف و داخوازییەكانیان،‮ ‬یەكێتی‮ ‬ئافرەتانی‮ ‬كوردستان جێگەی‮ ‬هیوای‮ ‬بەشێكی‮ ‬زۆر لە ئافرەتانی‮ ‬كوردستانە ئەمیش بە بڵاوكردنەوەی‮ ‬هۆشیاری‮ ‬لەنێوان ئافرەتان و بەدواداچوونی‮ ‬مەیدانی‮ ‬بۆ كەیسە جۆراوجۆرەكانی‮ ‬پرسی‮ ‬ئافرەتان و كردنەوەی‮ ‬خولی‮ ‬جۆراوجۆر و بایەخدان بە كاری‮ ‬دەستی‮ ‬ئافرەتان و بردنە پێشی‮ ‬پرسی‮ ‬ئافرەتان لە هەموو بوارەكان‮.‬ ئاریان لەتیف مستەفا،‮ ‬بەرپرسی‮ ‬ئەنجومەنی‮ ‬شتوتگارتی‮ ‬یەكێتی‮ ‬ئافرەتانی‮ ‬كوردستان لە ئەڵمانیا لەمبارەییەوە دەڵێ‮:‬‮ ‬سڵاوێكی‮ ‬دادوەرانە،‮ ‬بە بۆنەی‮ ‬ساڵیادی‮ ‬دامەزراندنی‮ ‬یەكێتیەكەمان،‮ ‬یەكێتی‮ ‬ئافرەتانی‮ ‬كوردستان لەسەر پێشنیاری‮ ‬باوكی‮ ‬ڕۆحیمان بارزانی‮ ‬نەمر لە ساڵی‮ ‬1952 لەوساتەوە بڕیاریدا،‮ ‬ئافرەت نیوەی‮ ‬كۆمەڵە و‮ ‬یەكسانە لەگەڵ هاوشانی‮ ‬پیاو،‮ ‬بەناوی‮ ‬خۆم و ئەنجومەنەكەمان پیرۆزبایی‮ ‬لە سەرجەم ئافرەتان بە گشتی‮ ‬و ئافرەتانی‮ ‬كورد بەتایبەتی‮ ‬دەكەم‮. ‬هیوادارم كۆڵنەدەین هەردەم لە خزمەتی‮ ‬خاك و وڵاتدا بین و شان بە شانی‮ ‬برا تێكۆشەرەكانمان‮ ‬ڕۆڵی‮ ‬گرنگ ببینین لە ئاوەدانكردنەوە و ئارامی‮ ‬زیاتری‮ ‬كوردستان و جێگەدەستی‮ ‬ئافرەتی‮ ‬كورد لە تواناسازی‮ ‬بەردەوام بێت بۆ‮ ‬ڕەنگدانەوەیان لە ئۆرگانەكانی‮ ‬حزب و دەستەڵات‮. ‬ منیرە محەمەد ئەحمەد،‮ ‬بەرپرسی‮ ‬ڕاگەیاندنی‮ ‬ئەنجومەنی‮ ‬سویسرای‮ ‬یەكێتی‮ ‬ئافرەتانی‮ ‬كوردستان لەمبارەیەوە رایوایە‮:‬‮ ‬یەكێتی‮ ‬ئافرەتانی‮ ‬كوردستان تەمەنی‮ ‬67 ساڵە و بێوچان و بێ لادان و دابڕان لەسەر خەباتی‮ ‬نەتەوەیی‮ ‬ومەدەنی‮ ‬خۆی‮ ‬بەردەوامە و مێژویەكی‮ ‬پڕ‮ ‬لە شانازی‮ ‬و سەروەری‮ ‬بۆ خۆی‮ ‬و نیشتیمان تۆماركردووە‮. ‬یەكێتی‮ ‬ئافرەتانی‮ ‬كوردستان،‮ ‬ڕێكخراوێكی‮ ‬مەدەنی‮ ‬و سەردەمی‮ ‬و كۆمەڵایەتی‮ ‬و جەماوەری‮ ‬و خۆڕسك ودیموكراسیە،‮ ‬بە پێی‮ ‬پرینسیبەكانی‮ ‬دادوەری‮ ‬و مافی‮ ‬مرۆڤ و دیموكراسی‮ ‬و ئازادی‮ ‬و‮ ‬یەكسانی‮ ‬كار و خەبات و چالاكی‮ ‬مەدەنی‮ ‬خۆی‮ ‬دەكات،‮ ‬بەردەوامیش دەبێت لە هەموو بوارەكانی‮ ‬مەدەنیدا بۆ بەرزكردنەوەی‮ ‬ئاستی‮ ‬ئافرەتانی‮ ‬كورد لە هەموو بوارەكانی‮ ‬كۆمەڵگەی‮ ‬مەدەنی‮ ‬و ئاستی‮ ‬وشیاری‮ ‬و چالاكی‮ ‬ڕۆشنبیری‮ ‬و كلتوری‮ ‬بۆ بەهێزكردن و بەرەوپێشچوونی‮ ‬ئافرەتانی‮ ‬كوردستان تا لە ئاستی‮ ‬بڕیاردان و بونیاتنان بۆ گەشەكردنی‮ ‬وڵات و وەگەرخستنیان لە هەموو دام و دەزگا و پۆستە باڵاكانی‮ ‬هەرێمی‮ ‬كوردستان تا‮ ‬ڕۆڵ و دەوری‮ ‬گرنگی‮ ‬سەرەكی‮ ‬خۆیان ببینن لە كاروانی‮ ‬پێشكەوتنی‮ ‬كوردستان ئەسپی‮ ‬خۆیان تاودەن‮.‬ بوشرا كەمال عوسمان،‮ ‬ئەندامی‮ ‬ئەنجومەنی‮ ‬هۆڵەندای‮ ‬یەكێتی‮ ‬ئافرەتانی‮ ‬كوردستان لەمبارەیەوە گوتی‮:‬‮ ‬لە‮ ‬یادی‮ ‬بەرز و پیرۆزی‮ ‬یەكێتی‮ ‬ئافرەتانی‮ ‬كوردستان و تەمەنی‮ ‬67 ساڵەی،‮ ‬جوانترین و گەرمترین پیرۆزبایی‮ ‬لە هەموو ئەندامان و سەرجەم ئافرەتانی‮ ‬كوردستان بە تایبەتی‮ ‬دایك و خێزانی‮ ‬شەهیدانی‮ ‬كوردستان دەكەم و سڵاو بۆ هەموو ئەو خانمە تێكۆشەرانەی‮ ‬بە درێژایی‮ ‬ڕێڕەوی‮ ‬مێژووی‮ ‬ئەم‮ ‬ڕێكخراوە كاریان كردووە و سوپاس و پێزانین بۆ هەموو هەوڵەكانیان دووپاتدەكەمەوە كە بناغەبوون بۆ ئەمڕۆ وئێمەش بەڵین و پەیمانیان پێئەدەین كە تەواوكاری‮ ‬هەنگاوەكانی‮ ‬ئەوان بین و‮ ‬ڕۆڵی‮ ‬گرنگ و مێژووی‮ ‬لە خەبات و تێكۆشانی‮ ‬ئافرەتی‮ ‬كورد زیاتر درەوشاوەتر بكەین‮.‬ پەیمان بەرزنجی،‮ ‬ئەندامی‮ ‬ئەنجومەنی‮ ‬بەریتانیا‮ ‬یەكێتی‮ ‬ئافرەتانی‮ ‬كوردستان لەمبارەیەوە دەڵێت‮:‬‮ ‬دەكڕی‮ ‬لێرەوە سوپاسی‮ ‬خاتوو فەزیلە و شوعلە‮ ‬ڕەسول و شوكریە كاوانی‮ ‬و هەموو تەواوی‮ ‬ستافی‮ ‬ئۆفیسی‮ ‬ئەوروپا بكەم بۆ بانگهێشتكردنم بۆ‮ ‬یاد و بیرەوەری‮ ‬67 ساڵەی‮ ‬یەكێتییەكەمان‮ ‬لە هۆڵەندا كە بە گوڵبژێرێك لە هەست و ناخی‮ ‬ئەوینم بۆ شیعر و هۆنینەوەم بۆ دایكی‮ ‬شەهید و خوشكی‮ ‬جگەر سووتاوی‮ ‬برا و باوك و پێشمەرگەی‮ ‬نێو سەنگەر و سەركردەی‮ ‬بوێر سەرۆك بارزانی‮ ‬و مێژووی‮ ‬نەپچڕاوی‮ ‬ئافرەتی‮ ‬كورد لە قۆناغەكانی‮ ‬بزاڤی‮ ‬نیشتیمانی‮ ‬و نەتەوەییمان وشەیان پێكردم بە جوانییەكانیان و ئاوێتەبوون بە مێژوویان لەگەڵ ئەم‮ ‬ڕێزگرتنەش سوپاسیان دەكەم كە خەڵاتی‮ ‬رێزلێنانیان لەگەڵ دەستەیەك لە خوشك و پیاوانی‮ ‬تێكۆشەر و خەمخۆری‮ ‬پرسی‮ ‬ئافرەت بۆ‮ ‬یەكسانی‮ ‬و دادوەری‮ ‬و دەستەبەركردنی‮ ‬مافەكان ئەو شەرەفەمان پێبەخشرا و ئەركی‮ ‬قورستر كردین لەخەبات و تێكۆشان سوورتر بین پیرۆزتان بێت‮ ‬یادی‮ ‬پڕشكۆیی‮ ‬67 ساڵەی‮ ‬دامەزراندنی‮ ‬یەكێتیەكەمان‮.‬