خه‌بات: ‬كامەران حاجی‮ ‬ئەلیاس –
خاتوونی‮ ‬هونەرمەند رووپاك‮ ‬عەبدولقادر ماوەیەكی‮ ‬زۆرە لە بواری‮ ‬هونەری‮ ‬شانۆ،‮ ‬سینەما و درامای‮ ‬تەلەفزیۆنی‮ ‬كاردەكات رۆلێكی‮ ‬بەچاوی‮ ‬هەبووە لە پێشڤە چوونی‮ ‬هونەر لە شاری‮ ‬هەولێر،‮ ‬زیاتر لە‮ ‬30 ‮ ‬ساڵە بەردەوامە لە خزمەتكردن‮. ‬وەكو رێز لێنان بۆ ئەو كار و چالاكیانە ئەم دیدارەمان لەگەڵ سازدا‮.‬

❊ ‬بۆ زیاتر ئاشنابوونتان بە خوێنەرانمان كورتەیەك لە ژیانی‮ ‬خۆت باس بكەیت‮. ‬
لە ساڵی‮ ‬1962 لە شاری‮ ‬هەولێر لە دایكبوومە ئامادەیی‮ ‬پیشەسازیم تەواوكردووە لە ساڵی‮ ‬1980دامەزرام وەكو فەرمانبەر لە چاپخانەی‮ ‬ڕۆشبیری‮ ‬و لاوان لەم دواییەش بەرپرسی‮ ‬زنجیرەی‮ ‬كتێبیی‮ ‬مندڵان بووم ئێستاش ساڵێكە خانەنشینكراوم‮. ‬سەبارەت بە ژیانی‮ ‬هونەریم هەر لە منداڵیەوە حەزو ئارەزووی‮ ‬هونەری‮ ‬لە ناخمدا هەبوو لە قوتابخانە بەشداری‮ ‬هەموو چالاكییە هونەری‮ ‬و‮ ‬وەرزشییەكانم دەكرد تا ساڵی‮ ‬1976لە ئامادەیی‮ ‬پیشەسازی‮ ‬قوتابی‮ ‬بووم لەگەڵ هونەرمەند‮ “‬زاهیر عەبدوڵا‮” ‬بۆ‮ ‬یەكەم جار لە ئاهەنگی‮ ‬یەكترناسینی‮ ‬قوتابیان بەشداریم كرد وەك ئەكتەر لە شانۆگەری‮ ‬فاڵچی‮ ‬كاك زاهیر دەرهێنەرو ئەكتەر بوو بەڵام لە ساڵی‮ ‬1982 بۆ‮ ‬یەكەم جار بەدیداری‮ ‬جەماوەری‮ ‬شانۆ شاد بووم بە بەشداری‮ ‬كردنم لە شانۆگەری‮ ‬لاس و خەزاڵ‮ ‬بەڕۆڵی‮ ‬دایكی‮ ‬لاس لە هۆڵی‮ ‬گەل نمایش كرا و لە ساڵی‮ ‬1983 هەر ئەو شانۆگەرییە بۆ تەلەفزیۆن تۆماركرا‮ ‬ئەم جارەیان بە‮ ‬ڕۆڵی‮ ‬خەزاڵە شۆری‮ ‬مەلا نەبی‮ ‬یان بەشداریم كردوو دەركەوتم‮ ‬تا ئێستاش بەردەوامم لە كاری‮ ‬هونەری‮ ‬لە شانۆگەری‮ ‬و دراماو فیلم‮.‬

❊ ‬تۆ لەشانۆی‮ ‬منداڵانیش كارت كردووە دەكرێت ئاماژە بەو لایەنەش بدەیت؟
‮- ‬جیهانی‮ ‬منداڵ جیهانێكی‮ ‬پاك و بێگەردە چەندین كاری‮ ‬شانۆی‮ ‬منداڵانم وەكو نوسین،‮ ‬دەرهێنان،‮ ‬نواندن كردووە هەر بۆ ئەم مەبەستە لەگەڵ پۆلێ لە هاورێیە هونەرمەندەكان لە ساڵی2008 ‮ ‬تیپێكی‮ ‬شانۆی‮ ‬منداڵانمان دامەزراند و مۆڵەتی‮ ‬یاساییمان لە وەزارەتی‮ ‬ڕۆشنبیری‮ ‬و لاوان وەرگرت بە ناوی‮ ‬تیپی‮ ‬شانۆی‮ ‬منداڵان هەولێر‮ ‬توانیم خزمەتێكی‮ ‬زۆری‮ ‬هونەری‮ ‬شانۆی‮ ‬منداڵان بكەم بە نمایشكردنی‮ ‬زۆرێك لە شانۆگەری‮ ‬و ئۆپەرێت بۆ منداڵان‮.‬

❊ ‬ئێستا لە كوردستان تاچەند گرنگی‮ ‬بەشانۆی‮ ‬منداڵان دەدرێت؟
‮ ‬بواری‮ ‬شانۆی‮ ‬منداڵان زۆر گرنگە بۆ منداڵان و لە كۆمەڵگای‮ ‬ئێمە لە‮ ‬ڕووی‮ ‬پەروەردە و فێركردن و ئامۆژگاری‮ ‬و تێكەڵ بوونی‮ ‬مندڵان بە هونەری‮ ‬شانۆ و ناساندنی‮ ‬هونەری‮ ‬شانۆ بە منداڵان بەڵام بە داخەوە هیچ گرنگی‮ ‬و پاڵپشتی‮ ‬یەك نییە بۆ پێشخستن و سەركەوتنی‮ ‬ئەم هونەرە كە خۆی‮ ‬لە خۆیدا هەوێنی‮ ‬بەرەو پێشەوەچوونی‮ ‬هونەری‮ ‬شانۆیە بە گشتیی‮ ‬بۆ ئەمەش هیوادارم هونەری‮ ‬شانۆ بخرێتە بەرنامەی‮ ‬وەزارەتی‮ ‬پەروەردە ببێتە وانە وەك میتۆدێك بخوێندرێ‮ ‬هەر لە قوتابخانەی‮ ‬بنەڕەتی‮ ‬تاكو كۆلیژ وەك وانەی‮ ‬وەرزش و شێوەكاری‮ ‬و مۆسیقا‮.‬

❊ ‬لە رووی‮ ‬نواندن بۆ ئەكتەر لە شانۆ،‮ ‬سینەما،‮ ‬تەلەفزیۆن چ جیاوازییەك دەبینن؟‮ ‬
‮ ‬كاركردن‮ ‬یاخود نواندن لەهونەری‮ ‬شانۆ و دراما و فیلم‮ ‬هەریەك شێوازی‮ ‬كاركردن تیایدا جیاوازە و ماندووبوونی‮ ‬خۆی‮ ‬هەیە،‮ ‬بەڵام كاركردن لە شانۆ ئەركی‮ ‬قورسترە بۆ ئەكتەر،‮ ‬بەڵام خۆشترە چونكە‮ ‬راستەوخۆ و بەرامبەر بەڕوح و جەستە و نواندن لە گەڵ جەماوەردا دەبیت پەیامەكەت دەگەینی،‮ ‬بێگومان نواندن هونەرەكانیش هەمووی‮ ‬جوانن و ئەرك و پەیامی‮ ‬خۆی‮ ‬هەیە‮.‬

❊ ‬هەماهەنگی‮ ‬و هاوكاری‮ ‬لە نێوان شانۆكاران چۆن دەبینی؟
شانۆكاران هەمیشە و بەردەوام هونەرەكەیان خۆشویستووە و هەمیشە هەوڵدەدەن كاری‮ ‬جوانتر و جوانتر پێشكەش بكەن لەڕێگەی‮ ‬هاوكاریكردنی‮ ‬یەكتر لە كاتی‮ ‬بوونی‮ ‬كارێكی‮ ‬هونەری‮ ‬بەڵام هەندێ جار‮ ‬ڕەخنە گرتن بەتایبەتی‮ ‬رەخنەی‮ ‬روخێنەر و بێبنەما لە‮ ‬یەكتر دەبێتە هۆی‮ ‬دڵ شكانی‮ ‬شانۆكاران لە‮ ‬یەكتر ئەویش بەهۆی‮ ‬ئەوەی‮ ‬هەندێ جار‮ ‬ڕەخنەكە لە جێ‮ ‬ی‮ ‬خۆی‮ ‬نییە‮ ‬یانیش رەخنە هەڵناگرین ئەگەر رەخنەی‮ ‬بونیادنەریش بێت‮ ‬هەرچەندە‮ ‬ڕەخنەگرتنی‮ ‬بونیادنەرانە بۆ سەركەوتن و جوانتر كردن و بەرەوپێشەوە چونی‮ ‬هونەرمەند و كارەكەیە‮.‬

❊ ‬پێت وایە شانۆی‮ ‬كوردی‮ ‬لە قەیران دایە ئەگەر لە قەیران دایە هۆكارەكەی‮ ‬بۆچی‮ ‬دەگەرێتەوە؟
‮ ‬بەڵێ شانۆی‮ ‬كوردی‮ ‬لە قەیرانە هۆكاریش زۆرن وەكو‮ ‬نەبوونی‮ ‬سیناریۆی‮‬تێكستی‮ ‬خۆماڵی‮ ‬و نەبوونی‮ ‬هۆڵ و نەبوونی‮ ‬جەماوەرو نەبوونی‮ ‬هاوكاری‮ ‬مادی‮ ‬هەروا كەم بوونی‮ ‬توانای‮ ‬هونەرمەند بۆ بەشداری‮ ‬كردن لەكاری‮ ‬شانۆیی‮ ‬بە هۆی‮ ‬خراپی‮ ‬بارو دۆخی‮ ‬كوردستان لە هەموو‮ ‬ڕوویەكەوە كاریگەری‮ ‬لە سەر دەروون و بارودۆخی‮ ‬خودی‮ ‬هونەرمەند خۆی‮.‬

❊ ‬چ پرۆژیەكی‮ ‬نوێت هەیە؟
بەداخەوە هیچ پڕۆژەی‮ ‬نوێمان نییە‮ ‬چونكە هەموو پڕۆژەكان وەستایە بەهۆی‮ ‬قەیرانی‮ ‬دارایی‮.‬