ژیلا كەریمی
ئافرەتانی‮ ‬كۆمەڵگە سنووردار بكەن‮. ‬بیانكەنە ژێرچەپۆكە و بچوكیان بكەنەوە‮. ‬سوكایەتیان پێبكەن‮. ‬وابكەن كە گەورەترین ئاواتیان هاوسەرگیری‮ ‬و گەورەترین هونەریان چێشت لێنان و درومان بێت‮. ‬تووشی‮ ‬بەڵایەكیان بكەن تا لە كۆمەڵگە بترسن‮. ‬وەها تووی‮ ‬بیركردنەوەیەك لە بیری‮ ‬باوكانیان بچێنن تا ئەو باوەڕە لایان دروست بێت كە دەبێت كچەكانیان لە قەفەسدا پەروەردە بكەن‮. ‬پەرتووك،‮ ‬زانست و قەڵەم و چەكوچ لە كچەكانیان وەربگرن و لە بڕی‮ ‬ئەوان كەوگیر و دەرزی‮ ‬و ئینجیل بدەنە دەستیان‮. ‬وا لە گەنجەكان بكەن كە لە رەگەزی‮ ‬بەرامبەر دوور بن،‮ ‬بەڵام تەواوی‮ ‬بیریان لایان بێت‮. ‬هەر كەس بۆ ئازادی‮ ‬و رزگاری‮ ‬ئافرەت هەوڵیدا بە بەندەی‮ ‬شەیتان و دوژمنی‮ ‬خوا ناوزەدیان بكەن كە ئەو دوژمنی‮ ‬ئێمەیە و ئێمە خوای‮ ‬ئەو جیهانەین‮. ‬من دڵنیاتان دەكەمەوە ئەگەر هەزار ساڵیش بەسەر ئەو كۆمەڵگەیەدا تێپەرێت،‮ ‬ناتوانێت پێش بكەوێت‮.‬ ‮(‬وەرگیراو لە پەرتووكی‮ ‬چۆن جیهان بەڕێوەبەرین‮”‬ی‮ ‬وینستۆن چەرچڵ‮) ‬ئەو نووسراوەی‮ ‬چەرچڵم لە ئان و ساتەدا كەوتە بەرچاو كە بە گشتی‮ ‬لە كوردستان ئافرەتانی‮ ‬چالاكوانی‮ ‬بواری‮ ‬ئافرەتات و دەزگاكانی‮ ‬بەرەنگاربوونەوەی‮ ‬توندوتیژی‮ ‬سەرقاڵی‮ ‬بەڕێوەبردنی‮ ‬هەڵمەتی‮ ‬16 رۆژەی‮ ‬بەرەنگاربوونەوەی‮ ‬توندوتیژی‮ ‬دژ بە ئافرەتانن‮. ‬كە تۆزێك وردتر بوومەوە بینیم هەموو چالاكییەكان لە خستنەڕووی‮ ‬ئامارەكان و چۆنیەتی‮ ‬بەرەنگاربوونەوە و دەزگا و‮ ‬یاسای‮ ‬پەیوەست كۆبۆتەوە‮.‬ لە لایەكیتر هەر لەو هەفتەیە دەزگای‮ ‬روانگە لاوانی‮ ‬بەهرەمەنی‮ ‬ئەم هەرێمەی‮ ‬خەڵات كرد كە بە شێوەیەك خاوەن توانا و داهێنان و بیرۆكەن‮. ‬ئەوەی‮ ‬سەرنجی‮ ‬منی‮ ‬راكێشا‮ ‬ژمارەی‮ ‬زۆری‮ ‬كچانی‮ ‬گەنج لە نێو ئەو بەهرەمەندانەدا بوو‮. ‬لە هەر بوارەو لە سێ كەسی‮ ‬یەكەم‮ ‬یەك‮ ‬یان دوو كەس كچ بوون كە زۆر بووە جێی‮ ‬شانازی‮ ‬بو من و هەر ئەوەش وایكرد تا كۆتایی‮ ‬بەرنامەكە چاولێبكەم‮. ‬بەڵام ئەوەی‮ ‬مەبەستی‮ ‬منە لەو دوو رووداوە و ئەو هەڵسەنگاندن و خوێندنەوەی‮ ‬من بۆ ئەو بابەتانە بەمشێوەیەیە كە پێموایە ئەگەر هەوڵەكان بە گشتی‮ ‬چڕبكەینەوە لە پێگەیاندنی‮ ‬كچانی‮ ‬ئەو وڵاتە،‮ ‬واتا بە‮ ‬یاسا كارئاسانی‮ ‬بۆ خوێندن و لێكۆڵینەوەیان بكەین،‮ ‬دەزگا و شوێنی‮ ‬تایبەت بۆ پرۆڤە و پێگەیاندن بكرێتەوە و هەموو فۆكسەكان بخرێتە سەر پێگەیاندن و پاڵپشتیان،‮ ‬ئەوا خۆی‮ ‬لە خۆیدا رێژەی‮ ‬توندوتیژی‮ ‬كەمدەبێتەوە‮. ‬واتا ئێمە كۆمەڵگەیەكی‮ ‬نەخۆشمان هەیە كە تەنیا هەوڵ بۆ چاككردنەوە ئافرەت نەخۆشەكان دەدەین و شوێن و پارە و توانا بۆ باشبوونەوەیان تەرخان دەكەین‮. ‬لە حاڵێكدا گەر بە پێچەوانەوە لەسەرەتاوە پێش لە نەخۆشییەكە بگرین و هەوڵی‮ ‬بۆ خۆپاراستن و پێگەیاندن بدەین ئەوا بێشك كچێكی‮ ‬گۆشكراو بەو پەروەردەیە ئیزن نادات رووبەڕووی‮ ‬توندوتیژی‮ ‬بێتەوە‮. ‬ئەو كوڕ‮ ‬و پیاوانەی‮ ‬كە ئافرەتێك لە هاوشانی‮ ‬توانای‮ ‬خۆیان دەبینن بەخەبەردێنەوە كە ئیتر نەك ناتوانن بەربەست بخەنە سەر رێیان بەڵكو گەر ئاگەدار نەبن لەو رەوتە پێشكەوتنە دوادەكەون و ئینجا لەبڕی‮ ‬ئەوەی‮ ‬بە ئیهانە و سەركۆنەكردنی‮ ‬ئەو رەگەزەوە خەریك بن هەوڵدەدەن خۆیان پێبگەیەنن‮. ‬هیوادارم پلانی‮ ‬داهاتووی‮ ‬چالاكوانان ئاڵوگۆڕی‮ ‬بەسەردابێت و شایەتی‮ ‬ئەنجامی‮ ‬ئەرێنییەكانی‮ ‬ئەو گۆڕانكارییە بین‮.‬