خه‌بات: ‬بەرهەم شێخ عزەدین:-
لاوانی‮ ‬كورد لەهەركوێی‮ ‬جیهان بن شانازی‮ ‬بەكورد بوون دەكەن و لەپێناو بەهێزكردن و ناساندنی‮ ‬گەلەكەیان بەجیهان هەوڵ ئەدەن و تێ دەكۆشن،‮ ‬لاوی‮ ‬خوێن گەرم بەهێز نەوزاد ئەنوەربەگ‮ ‬یەكێك لەولاوە بەتواناو بەهێزانەی‮ ‬كە لەوڵاتی‮ ‬هۆڵندا نیشتەجێیەو بەردەوام لەكاتی‮ ‬یاریكردن وپاڵەوانیەتییەكان ئاڵای‮ ‬كوردستان لەسەرشانیەتی،‮ ‬ئەوپاڵەوانە كوردە نێودەوڵەتییە بەم جۆرە شرۆڤەی‮ ‬پرسیارەكانی‮ ‬كردین‮:‬

هەمو پێشمەرگەیەك پاڵەوانە
لەسەرەتای‮ ‬دیمانەكە ئەم پاڵەوانە كوردە گوتی‮: ‬ناسراوم بە بەهێزپێشمەرگە‮ ‬خۆشناو،‮ ‬چونكە لەلای‮ ‬من هەمو پێشمەرگەیەك پاڵەوانە،‮ ‬منیش وەك شا نازی‮ ‬ئەم وشەیەم هەڵبژاردووە‮. ‬لە ساڵی‮ ‬1994 لە گوندی‮ ‬سەروچاوە‮ ‬لە سەر گردی‮ ‬قەسر‮‬،‮ ‬لە دایك بوم،‮ ‬لەگەڵ خانەوادەكەم لە ساڵی‮ ‬2000 چوین بۆ هۆڵەندا‮. ‬لە هۆڵەندا زیاتر خەریكی‮ ‬خوێندن بوم و هەتا ئێستاش دانەبڕاوم لە خوێندن،‮ ‬لە تەنیشت خوێندن هەمووكات وەرزشم كردوە،‮ ‬تا‮ ‬2013 یاری‮ ‬تۆپی‮ ‬پێم كردووە،‮ ‬لە‮ ‬یاری‮ ‬تۆپی‮ ‬پێ توانیم لە پلە دووی‮ ‬هۆڵەندا‮ ‬یاری‮ ‬بكەم،‮ ‬كە ئاستێكی‮ ‬نزم نییە،،‮ ‬لە‮ ‬2013 لە تەمەنی‮ ‬19 ساڵی‮ ‬بڕیارمدا واز بهێنم،‮ ‬چونكە حەزم كرد وەرزشێك بكەم تەنها پشت بەخۆم ببەستم،‮ ‬وە بۆئەوەی‮ ‬ڕەخنە لە كەس نەگرم لە كاتی‮ ‬دۆران‮ ‬تەنها لەخۆم نەبێت‮. ‬دەستم كرد بە‮ ‬كیك بۆكسینگ‮ ‬،‮ ‬لە سەرەتا بەس بۆ خۆشی‮ ‬و بۆ ئەوەی‮ ‬بتوانم بەرگری‮ ‬لە خۆم بكەم،‮ ‬بە ماوەیەكی‮ ‬كەم دەركەوت كە خاوەن بەهرەیەكی‮ ‬باشم،‮ ‬لەگەڵ خۆ ماندوو كردنێكی‮ ‬زۆر توانیم‮ ‬بە ماوەی‮ ‬6 ساڵ خۆم بگەیێنم بە بەرزترین خولی‮ ‬كیك بۆكسینگ‮.‬

شانازی‮ ‬دەكەم بەكورد بونی‮ ‬خۆم
لەوەڵامی‮ ‬پرسیاری‮ ‬ئەوەی‮ ‬وەك پاڵەوانێكی‮ ‬كورد خۆت ناساندووە،‮ ‬دەكرێ باسی‮ ‬دواین ئەو پاڵەوانیەتیەمان بۆ بكەیت كە نازناوت بەدەست هێناوە ؟ بەهێز گوتی‮: ‬بەڵێ شانازی‮ ‬دەكەم بەكورد بوونی‮ ‬خۆم‮ ‬،‮ ‬لەپاڵەوانی‮ ‬16 نۆڤەمبەری‮ ‬2019 وەك هەمو پاڵەوانێتییەكانی‮ ‬ڕابردوو‮ ‬ڕاهێنانێكی‮ ‬زۆر باشم كردبو،‮ ‬ئەم پاڵەوانیەتە تۆزێك تایبەتتر بوو لە پاڵەوانێتییەكانی‮ ‬پێشوو چونكە لە ئاستێكی‮ ‬زۆر بەرز بوو پێش پاڵەوانیەتەكە ئەم‮ ‬یارییەم پێشكەش كردبوو بە مامی‮ ‬زۆر خۆشە و‮ ‬یستم‮ ‬خوا لێخۆشبو‮ ‬كاك سەردار ئەنوەر بەگ،‮ ‬كاتی‮ ‬یاری‮ ‬هەموو شتیك وەك من و‮ ‬ڕاهێنەرەكەم پێشبینیمان كردبوو وا بوو‮ ‬توانیم ئەو نەخشەی‮ ‬داماننابوو بۆ‮ ‬یارییەكە بە باشی‮ ‬ئەنجامی‮ ‬بدەم،‮ ‬زۆر سوپاس بۆ خوای‮ ‬گەورە توانیم سەركەتوتن بە دەست بهێنم‮.‬

نازناوی‮ ‬جیهانم بە دەستهێنا
دەربارەی‮ ‬پرسیاری‮ ‬ئەوەی‮ ‬نهێنی‮ ‬چییە بەردەوام دەبینرێی‮ ‬كە لە پاڵەوانیەتییەكان ئاڵای‮ ‬كوردستان دەخەیتە سەر شانت؟ ئەو پاڵەوانە كوردە گوتی‮: ‬پێش هەموو شتێك من كوردم،‮ ‬من نیشتیمانەكەم‮ ‬،‮ ‬گەلەكەم‮ ‬،ئاڵاكەم خۆشدەوێت،‮ ‬من زۆر شانازی‮ ‬دەكەم كە بە ئاڵای‮ ‬كوردستان خۆم دەناسێنم بە میللەتانی‮ ‬جیهان،‮ ‬من نازناوی‮ ‬جیهانم بە دەستهێنا لە خولی‮ ‬دووەم،‮ ‬ئێستاش خەونم ئەوەیە نازناوی‮ ‬جیهان بە دەست بێنم لە بڵندترین خولی‮ ‬جیهان‮.‬

چەند كۆمپانیایەكی‮ ‬هۆڵەندی‮ ‬پشتگیریم دەكەن
پاشان لێمان پرسیی‮ ‬بەنیاز نیت ئەو ئەزموونەی‮ ‬خۆت بهێنیتەوە كوردستان،‮ ‬واتە لێرە وەك راهێنەرێك رۆڵ بگێریت ؟ بەهێز خۆشناو گوتی‮: ‬من كاتم زۆر كەمە ناتوانم هەمو شتێك بكەم كە حەزدەكەم،‮ ‬بێجگە لە‮ ‬یاری‮ ‬كیك بۆكسینگ‮ ‬من دەخوێنم،‮ ‬لە داهاتوو دەمەوێت ببم بە پزیشكی‮ ‬ددان،‮ ‬باوكم زۆر ئامێژگاریم دەكات و پاڵپشتمە،‮ ‬چەند كۆمپانیایەكی‮ ‬هۆڵەندی‮ ‬پشتگیریم دەكەن وەك سپۆنسەر و پاڵپشت من بۆ ئەوەی‮ ‬بگەم بە ئامانجەكانم،‮ ‬تاكو ئێستا سپۆنسەری‮ ‬كوردیم نییە پاڵپشتم بكەن،‮ ‬هیوادارم لە داهاتووییەكی‮ ‬نزیك سپۆنسەری‮ ‬كوردیشم هەبێت،‮ ‬بیرم لە داهاتوو نەكرۆتەوە لەبەر ئەوەی‮ ‬من زۆر حەز ناكەم نەخشە بۆ دواڕۆژێكی‮ ‬دوور دا بنێم‮. ‬بەڵام وەك كوردێك دەمەوێت‮ ‬ڕۆژێك لە‮ ‬ڕۆژان ئەم ئەزمونەم ببێت بە هاوكاری‮ ‬بۆ گەنجی‮ ‬كورد‮.‬

داهاتویەكی‮ ‬زۆر گەش پێشبینی‮ ‬دەكەم
لەوەڵامی‮ ‬پرسیاری‮ ‬چ جیاوازییەك دەبینی‮ ‬لە نێوان پاڵەوانیەتی‮ ‬لە كوردستان و لە دەرەوە ؟ ئەو پاڵەوانە كوردە وابۆمان دوا‮: ‬ئاستی‮ ‬كیك بۆكسینگی‮ ‬هۆڵەندا لە لوتكەی‮ ‬جیهانە،‮ ‬ئاستی‮ ‬كیك بۆكسینگ لە كوردستان بەرز نییە،‮ ‬جیاوازی‮ ‬یەكجار زۆرە،‮ ‬هۆكاری‮ ‬سەرەكی‮ ‬ئەم جیاوازییە ئەوەیە كە كوردوستان رووبە‮ ‬ڕووی‮ ‬چەندەها جەنگ بۆتەوە بۆیە نەیتوانیوە پێش بكەوێت،‮ ‬بەڵام من داهاتوییەكی‮ ‬زۆر گەش پێشبینی‮ ‬دەكەم،‮ ‬چونكە گەنجی‮ ‬كورد توانای‮ ‬ئەوەی‮ ‬هەیە كوردستان بگەیەنن بە لووتكەی‮ ‬ئەم وەرزشە‮.‬