كاروان محەمەد سینۆ
رۆژی‮ ‬شەممە‮ ‬23ی‮ ‬نۆڤەمبەر،‮ ‬بەسەردانێكی‮ ‬كتوپڕو‮ ‬ڕانەگەینراو،‮ (‬مایك پێنس‮) ‬جێگری‮ ‬سەرۆكی‮ ‬ئەمریكا گەیشتە عێراق‮. ‬سەرەتا‮ (‬پێنس‮) ‬لە بنكەی‮ ‬سەربازی‮ ‬ئەمریكی‮ (‬عەین ئەلئەسەد‮) ‬كە دەكەوێتە رۆژئاوای‮ ‬عێراق دابەزی‮ ‬و لەوێوە بە تەلەفۆن پەیوەندی‮ ‬كرد لەگەڵ عادل عەبدولمەهدی‮ ‬سەرۆك وەزیرانی‮ ‬عێراق و دۆخی‮ ‬ئەمڕۆی‮ ‬عێراق و قەیرانی‮ ‬خۆپیشاندانەكان و هەژموونی‮ ‬ئیران بەسەر عێراق لەگەڵی‮ ‬تاوتۆكرد‮. ‬لە ئێوارەی‮ ‬هەمان رۆژدا،‮ ‬جێگری‮ ‬سەرۆكی‮ ‬ئەمریكا لە رێگای‮ ‬فڕۆكەخانەی‮ ‬هەولێری‮ ‬نێودەوڵەتی‮ ‬گەیشتە هەولێری‮ ‬پایتەخت و لەگەڵ نێچیرڤان بارزانی‮ ‬سەرۆكی‮ ‬هەرێمی‮ ‬كوردستان و مەسروور بارزانی‮ ‬سەرۆك وەزیرانی‮ ‬كوردستان كۆبووەوە‮.‬ هەڵبەت ئەمڕۆ كوردستان ژمارەیەكی‮ ‬گرنگ و كاریگەرە لە هاوكێشەی‮ ‬سیاسی‮ ‬عێراق و ناوچەكە بەگشتی‮. ‬هەروەها پێگەی‮ ‬جوگرافی‮ ‬و ئابووری‮ ‬هەرێمی‮ ‬كوردستان لە‮ (‬یەدەگی‮ ‬نەوت و گاز‮) ‬هەرێمی‮ ‬خستۆتە سەر نەخشەی‮ ‬ئابووری‮ ‬جیهان و ئێستا كوردستان كارەكتەرێكی‮ ‬كاریگەرە لە سیاسەت و سیاسەتی‮ ‬ووزە لەجیهاندا‮.‬ بێشك سەردانی‮ (‬مایك پێنس‮) ‬جێگری‮ ‬سەرۆكی‮ ‬ئەمریكا بۆ عێراق و كوردستان لەم سات و ئانەدا و بەم شێوەو شێوازە،‮ ‬هەڵبەت‮ ‬ڕامان و‮ ‬ڕوانگە و هەڵنجانی‮ ‬تایبەتی‮ ‬خۆی‮ ‬هەیە،‮ ‬هەروەها ئەم سەردانەی‮ (‬پێنس‮) ‬هەرئاوا كوتوپڕو‮ ‬ڕەمەكی‮ ‬و بێ بەرنامە نەبووە،‮ ‬بەڵكو سەرۆكی‮ ‬ئەمریكا‮ (‬دۆناڵد ترامپ)و دەست و پەیوەندەكان لە نێو كۆشكی‮ ‬سپی،‮ ‬زۆربەروردی‮ ‬بەرنامەو كات و شوێنی‮ ‬ئەم سەردانەی‮ (‬پێنس‮)‬یان داڕشتووەوە تەنانەت گوتارو رەفتارەكانی‮ (‬پێنس‮)‬یش پێشوەختە بە وردی‮ ‬دیارو دەستنیشانیان كردووەو‮ (‬مایك پێنس‮)‬یش وەكو بەرپرسێكی‮ ‬باڵای‮ ‬حكوومەتی‮ ‬ئەمریكا ئەم گەشتە سیاسیەی‮ ‬ئەمریكای‮ ‬بۆ رۆژهەڵاتی‮ ‬ناوەراست بەجێگەیاند‮.‬ هەڵبەت ئەم سەردانەی‮ (‬مایك پێنس‮) ‬جێگری‮ ‬سەرۆكی‮ ‬ئەمریكا بۆ كوردستان،‮ ‬گرنگی‮ ‬تایبەتی‮ ‬خۆی‮ ‬هەیە بۆ هەرێمی‮ ‬كوردستان و هەروەها لەلایەكی‮ ‬دیكەشەوە گرنگی‮ ‬و بەهای‮ ‬تایبەتی‮ ‬خۆی‮ ‬هەیە بۆ خودی‮ ‬دەسەڵاتی‮ ‬ئێستای‮ ‬ئەمریكا‮ (‬ترامپ و پێنس)و تیمەكەیان‮.‬ گرنگی‮ ‬ئەم سەردانەی‮ (‬پێنس‮) ‬بۆ كوردستان لەوەدایە كە‮: ‬دوای‮ ‬رووداوەكانی‮ ‬16ی‮ ‬ئۆكتووبەر2017 و لە ئەنجامی‮ ‬بێ هەڵوێستی‮ ‬ئیدارەی‮ ‬دۆناڵد ترامب بەرامبەر هێڕشەكانی‮ ‬میلیشیای‮ ‬حەشدی‮ ‬شەعبی‮ ‬و هاندەر و هاوپەیمانەكانیان بۆ سەر هەرێمی‮ ‬كوردستان‮. ‬هەروەها لە‮ ‬9ی‮ ‬ئۆكتۆبەری2019 ‮ ‬لە خیانەتێكی‮ ‬چاوەڕواننەكراودا،‮ ‬كتوپڕ‮ ‬دۆناڵد تڕامپ بڕیاری‮ ‬كشانەوەی‮ ‬هێزەكانی‮ ‬ئەمریكایدا لە رۆژاڤای‮ ‬كوردستاندا،‮ ‬ئەمەش بووە ئەگەری‮ ‬ئەوەی‮ ‬توركیا هێڕش بكاتە سەر رۆژئاڤای‮ ‬كوردستان و بەسەدان كورد كوژران و بە هەزاران برینداربوون و سەدان هەزاركەس و ماڵباتی‮ ‬كورد ئاوارەو دەربەدەربوون و لە هەمان كاتدا روسیا هەژموونی‮ ‬خۆی‮ ‬لەو دەڤەرەدا توكمە و كاراتر كرد‮. ‬ئینجا دواتر دۆناڵد ترامپ سەرۆكی‮ ‬ئەمریكا لە گوتارێكیدا گوتبووی‮: “‬ئێمە پارەو چەكمان بە كورد داوە‮”. ‬ئەم گوتەی‮ ‬دۆناڵد تڕامپ دڵگرانی‮ ‬و كارگەرییەكی‮ ‬زۆرنەرێنی‮ ‬لەسەر ناخ و ویژدان و دەروونی‮ ‬هەرتاكێكی‮ ‬كورد دروستكرد،‮ ‬تا ئەوڕادەی‮ ‬سەرۆك مسعود بارزانی‮ ‬لە نامەیەكی‮ ‬كراوەدا وەڵامی‮ ‬دۆناڵد ترامپی‮ ‬دایەوە و بەرێزیان فەرمووی‮: “‬خوێنی‮ ‬كورد زۆر لە چەك و پارە،‮ ‬بەهادارترە‮ “. ‬هەڵبەت ئەم بویەر و رووداو و هەڵوێستانەی‮ ‬دۆناڵد ترامپ ببووە ئەگەری‮ ‬ئەوەی‮ ‬جۆرە سستیێك بكەوێتە نێو پەیوەندییەكانی‮ ‬نێوان هەرێمی‮ ‬كوردستان و ئیدارەی‮ ‬دۆناڵد ترامپ‮ (‬نەك وڵاتی‮ ‬ئەمریكا‮)‬،‮ ‬وێدەچی‮ ‬دواجار دۆناڵد ترامپ و تیمەكەی‮ ‬لە كۆشكی‮ ‬سپی‮ ‬ئەمریكادا هەستیان بەم سستییەی‮ ‬پەیوەندییەكان كردبێ و هەستیان بەوە كرد كە خیانەتیان لە كورد كردووەو دڵی‮ ‬یەكەیەكەی‮ ‬تاكی‮ ‬كوردیان ئێشاندووە‮. ‬بۆیە ئەگەرو ئامانجی‮ ‬سەرەكی‮ ‬سەردانی‮ (‬مایك پێنس‮) ‬بەم شێوەو شێوازە بۆ ئاشتكردنەوەو دڵدانەوەو دڵنیاییكردنی‮ ‬كورد بووە لە دۆستایەتی‮ ‬ئەمریكاو بەردەوامی‮ ‬و پەرەپێدانی‮ ‬پەیوەندییەكانی‮ ‬نێوان هەردوولا‮.‬ لەلایەكی‮ ‬دیكەوە ئەم سەردانەی‮ (‬مایك پێنس‮) ‬جێگری‮ ‬سەرۆكی‮ ‬ئەمریكا بۆ كوردستان سوودو گرنگی‮ ‬تایبەتی‮ ‬خۆی‮ ‬هەیە بۆ دۆناڵد ترامپ و تیمیەكەی‮ ‬لە كۆشكی‮ ‬سپیدا،‮ ‬لەبەر ئەوەی‮ ‬ئەمڕۆ لەسایەی‮ ‬سیاسەتی‮ ‬دۆناڵد ترامپ هەژموونی‮ ‬ئەمریكا لە سوریاو توركیاو عێراق و رۆژهەڵاتی‮ ‬ناوەراست زۆر لاواز بووەو كۆنگرێسی‮ ‬ئەمریكا هەستیان بەم لاوازییەی‮ ‬ئەمریكا كردووە لە رۆژهەڵاتی‮ ‬ناوەراستدا‮. ‬هەروەها ئێستاكە دۆناڵد ترامپ وەكو سەرۆكی‮ ‬ئەمریكا پێگەی‮ ‬جەماوەری‮ ‬خۆی‮ ‬لەدەستداوەوە و خودی‮ ‬ترامپ مەترسی‮ ‬ئەوەی‮ ‬هەیە كە لە هەڵبژاردنەكانی2020 ‮ ‬كورسی‮ ‬سەرۆكایەتی‮ ‬ئەمریكا بەدەست نەهێنێتەوە‮. ‬ئەوەشمان لەبیرنەچێ كە ئەمڕۆ دۆناڵدترامپ لەژێر هەڕەشەی‮ ‬لابردنە لەلایەن كۆنگرێسی‮ ‬ئەمریكا‮. ‬لەبەر ئەمە دۆناڵد ترامپ هیوایەكی‮ ‬بەم سەردانەی‮ (‬مایك پێنس‮) ‬بەستووە وەكو پێشڤەچوونێك لە سیاسەتی‮ ‬دەرەوەی‮ ‬ئەمریكاو بەڵكو چەند خاڵێك كۆبكاتەوە لە كێبڕكێی‮ ‬دووبارە گەیشتن بە سەرۆكایەتی‮ ‬ئەمریكا لە‮ ‬2020‮. ‬دەكرێ بڵین بەشێوەیەكی‮ ‬گشتی‮ ‬ئەم سەردانەی‮ (‬مایك پێنس‮) ‬سەركەوتووبوو لە مژاری‮ ‬دڵنیایی‮ ‬و تۆكمەكردن و پێشڤەبرنی‮ ‬پەیوەندییەكانی‮ ‬نێوان كوردستان و ئەمریكا‮.‬ ماوە بەشێنەیی‮ ‬بڵیم‮.. ‬كە ئەم سەردانەی‮ (‬مایك پێنس‮) ‬سەردانێكی‮ ‬دیپلۆماسی‮ ‬و دڵنەوایی‮ ‬و پەرەپێدانی‮ ‬پەیوەندییەكان بوو‮. ‬واچاكە ئێمە وەكو میللەتی‮ ‬كورد زیاتر لە قەبارەی‮ ‬خۆی‮ ‬بەم سەردانە نەبەخشین و هیواو و ئاوات و خەونی‮ ‬ڕەنگاو‮ ‬ڕەنگی‮ ‬خۆمان سەدلەسەد هاوبەستە نەكەین بەم سەردانە‮. ‬بەڵێ راستە سەردانێكی‮ ‬دیپلۆماسی‮ ‬سەركەوتووبوو و دەتوانم بڵێم دەكرێ ببێتە ئەگەرو فاكتەری‮ ‬گەڕانەوەی‮ ‬دۆستایەتی‮ ‬و متانەو هاوكاری‮ ‬نێوان هەردوولا ئەگەرچی‮ ‬دوارۆژی‮ ‬دۆناڵد ترامپ ئێستاكە مسۆگەر نییە،‮ ‬بەڵام دەبێ لەمەودوا شتەكان وەكوخۆیان بخوێنیینەوەو وەكوخ ۆیان هەڵسەنگێنین و وەكو خۆیان مامەڵەیانە لەگەڵدا بكەین‮.‬