راپۆرت‮/‬ مسلم دۆلەمەری
گەلی‮ ‬زورەگڤان لە ناوچەی‮ ‬بارزان‮ ‬یەكێكە لە شوێنە فێنك و دڵ رفێنەكانی‮ ‬كوردستان،‮ ‬ساڵانە سەدان گەشتیار رووی‮ ‬تێدەكەن،‮ ‬بەڵام ئەوەی‮ ‬جێگەی‮ ‬داخە هەندێجار بەهۆی‮ ‬هێشتنەوەی‮ ‬پاشماوەكانیان سیمای‮ ‬ئەم سروشتە جوانە و دڵگیرە تێك دەدەن،‮ ‬بۆ ئەم‮ ‬بنكەی‮ ‬گەشتوگوزار مێرگەسۆر لە هەفتەی‮ ‬رابردوو هەڵمەتێكی‮ ‬پاكردنەوەی‮ ‬بۆ ئەنجامدا،‮ ‬بۆ هەمان مەبەست رێكخراوی‮ ‬كوردستان فۆتۆ بەهاوكاری‮ ‬رێكخراوی‮ ‬گوڵ وسروشت بەبەشداری‮ ‬شارەوانی‮ ‬نزار و كۆمپانیای‮ ‬پاپاگروپ و بەشداری‮ ‬دەیان لاوی‮ ‬ناوچە جیاجیاكانی‮ ‬كوردستان لەهەلمەتێكدا هەستان بە پاككردنەوەی‮ ‬تەواوی‮ ‬گەڵی‮ ‬زورەگڤان،‮ ‬لەم راپۆرتەدا زیاتر تیشك دەخەمە سەرئەم چالاكییە‮.‬ سەفەر سوار بەرپرسی‮ ‬بنكەی‮ ‬گەشتوگوزاری‮ ‬مێرگەسۆر گوتی‮:‬‮ ‬وەك ئەركێك بۆ پاككردنەوەی‮ ‬شوێنەكانی‮ ‬گەشتیاری‮ ‬و پاراستنی‮ ‬سروشتی‮ ‬كوردستان و هاوكاری‮ ‬و ئامادەكاری‮ ‬بۆ فیستیڤاڵی‮ ‬شاخەوانی‮ ‬كە لە لایەن سەنتەری‮ ‬بارزان بۆ ژینگەپارێزی‮ ‬و شاخەوانی‮ ‬لە‮ ‬6و7ی‮ ‬مانگی‮ ‬12 سازدەكرێ هەڵمەتێكی‮ ‬پاكردنەوەمان لە هەفتەی‮ ‬رابردوو لە رێگەی‮ ‬تیمێكی‮ ‬20 كەسی‮ ‬ئەنجامدا و توانرا زیاتر لە دوو تەكتەر زبڵ كۆبكرێتەوە و فرێبدرێ‮.‬ ئاسۆ كەریم سەرۆكی‮ ‬رێكخراوی‮ ‬كوردستان فۆتۆ گوتی‮: ‬‮ ‬بیرۆكەی‮ ‬هەڵمەتی‮ ‬پاككردنەوەی‮ ‬گەلی‮ ‬زۆرەگڤان لە لایەن فۆتۆگرافەران بەرلە مانگێك من دامناوە بۆئەوەی‮ ‬هەم لاوانمان فێری‮ ‬هەرەوەزی‮ ‬بن بۆ بابەتی‮ ‬پاككردنەوەی‮ ‬سروشت و هەم بۆ ئەوەی‮ ‬ئەندامانمان واتە وێنەگرەكان بەشوێنەكان ئاشنابن و وەرزی‮ ‬ئێستا كە وەرزی‮ ‬تێكەلی‮ ‬رەنگەكانە بۆ وێنەگرتن زۆر جوان و گونجاوە،‮ ‬هەروەها بۆ ئەوەی‮ ‬ئەو رۆشنبیریەی‮ ‬كە پێویستە بۆسروشت بیكەین كەبچوكترین شتە ئەویش فیری‮ ‬پاكراگرتنی‮ ‬بین و بیپارێزین چونكە بەداخەوە كە گەشتیارانمان رەچاوی‮ ‬هەموشتێك ناكەن نموونە ئەوەی‮ ‬ئەمرۆ بینیمان كۆمەلێ شتی‮ ‬سەرەتاین كە فرێیان داوە وەكو دەبەی‮ ‬ئاو قاپی‮ ‬پلاستیكی‮ ‬و شتی‮ ‬تر سوپاس بۆ برادەران كە توانیمان تا رادەیەك ئەمرۆ گەلی‮ ‬زورەگڤان پاك بكەینەوە،‮ ‬هەروەها بەردەوامیش دەبین بۆ زۆربەی‮ ‬ناوچەكانی‮ ‬كوردستان چونكە رێكخراوەكەمان كوردستانیە‮.‬ تاهر سالح ئالكەی‮ ‬سەرۆكی‮ ‬رێكخراوی‮ ‬گوڵ و سروشت گوتی‮: ‬سوپاس بۆ برادەرانی‮ ‬رێكخراوی‮ ‬كوردستان فۆتۆ و بۆ شارەوانی‮ ‬نزار و كۆمپانیای‮ ‬پاپا گروپ كە لەگەڵ ئێمە بەشداربون لە هەڵمەتی‮ ‬پاككردنەوەی‮ ‬گەلێ زورەگڤان كە ئامانجمان لەم هەڵمەتە بیر هێنانەوەی‮ ‬ژینگەپارێزی‮ ‬بووە كە كەلتورێكە لەباب وباپیرانمان بۆمان ماوەتەوە‮.‬ رامیار دلشاد ئەحمەد دانیشتوی‮ ‬شاری‮ ‬سلێمانی‮ ‬بەشداربووی‮ ‬ئەم هەڵمەتە گوتی‮:‬‮ ‬من وەكو ئەندامی‮ ‬رێكخراوی‮ ‬كوردستان فۆتۆ لە شاری‮ ‬سلێمانی‮ ‬لەگەڵ ژمارەیەك لە برادەران هاتوین كە بەهەماهەنگی‮ ‬رێكخراوی‮ ‬تر هەستین بە پاككردنەوەی‮ ‬سەیرانگەی‮ ‬گەڵی‮ ‬زورەگڤان،‮ ‬من‮ ‬یەكەم جارە بێم بۆ ئەم دەڤەرە بەراستی‮ ‬ناوچەیەكی‮ ‬دڵرفێن و خۆشە بەتایبەتی‮ ‬گەڵی‮ ‬زورەگڤان زۆر دڵگر و جوانە،‮ ‬بەڵام بەداخەوە كە گەشتیاران نەیان پاراستوە و پیسیان كردووە بۆیە داواكارم كە رێز لە ژینگە بگرن و بیپارێزن چونكە بەراستی‮ ‬زوڵمە ئەم شوێنە دڵرفێنانە پاشماوەی‮ ‬لێبێت‮.‬ حەلیمە رەشید عوسمان وەكو لاوێكی‮ ‬دەڤەری‮ ‬باڵەكایەتی‮ ‬گوتی‮:‬‮ ‬من وەكو كچێكی‮ ‬دەڤەری‮ ‬باڵەكایەتی‮ ‬لەگەڵ رێكخراوی‮ ‬كوردستان فۆتۆ بەشداری‮ ‬هەڵمەتی‮ ‬پاككردنەوەی‮ ‬گەڵی‮ ‬زورەگڤانم كردوە،‮ ‬شوێنێكی‮ ‬گەشتیاری‮ ‬سەرنجراكێش و پڕ‮ ‬لە جوانیە،‮ ‬بەڵام بەداخەوە وەكو زۆربەی‮ ‬شوێنە گەشتیاریەكانی‮ ‬تری‮ ‬كوردستان ئەم شوێنەش نەپارێزراوە بۆیە ئەمرۆ ئەم هەلمەتەمان راگەیاندووە و هەستاین بەپاككردنەوەی‮ ‬ئەم سەیرانگە دڵرفێن و جوانە‮.‬ نەبەز رەشاد حمەد بەرپرسی‮ ‬هەولێری‮ ‬رێكخراوی‮ ‬كوردستان فۆتۆ گوتی‮:‬‮ ‬ئەم بیرۆكەیە لەلایەن سەرۆكی‮ ‬رێكخراوەكەمان كاك ئاسۆ دانراوە،‮ ‬ئەمرۆ سەردانی‮ ‬گەلێ زورەگڤانمان كردووە لەپاڵ كاری‮ ‬وێنە گریمان هەستاین بە كۆكردنەوەی‮ ‬ئەو پاشماوانەی‮ ‬كە بەداخەوە گەشتیاران بەجێیان هێشتوە بۆیە داواكارم كە هەندێ رینەمای‮ ‬تایبەت و سزا دابنرێت بۆئەوانەی‮ ‬كە پاشماوەكانیان لەشوێنە گەشتیارییەكان جێدێلن‮.‬ لەكۆتایدا رەوەند سەعید كاكە شێخ بەشداربویەكی‮ ‬هەلەبجەی‮ ‬شەهید گوتی‮: : ‬دڵخۆشم كە وەكو لقی‮ ‬هەلەبجەی‮ ‬كوردستان فۆتۆ هاتومە ئەم دەڤەرە بەگشتی‮ ‬و گەڵی‮ ‬زورەگڤان بەتایبەتی‮ ‬چونكە بەراستی‮ ‬شوێنێكی‮ ‬تابلێی‮ ‬دڵگر و دڵڕفێنە بۆیە بەشداربوونمان لەم هەڵمەتە گرنگ بوو چونكە هەم وێنەی‮ ‬جوانمان گرت و هەم توانیمان تارادەیەك ئەم سروشتە جوانە لە پاشماوەكان پاكبكەینەوە‮.‬ ئەنوەر دۆلۆمەڕی‮ ‬سەرۆكی‮ ‬سەنتەری‮ ‬بارزان بۆ ژینگەپارێزی‮ ‬و شاخەوانی‮ ‬گوتی‮:‬‮ ‬دەستی‮ ‬هەموو لایەك خۆش بۆ ئەم كارە جوانە،‮ ‬ئێمەش ئامادەكاریمان تەواو كردووە بۆ سازدانی‮ ‬یەكەم فیستیڤاڵی‮ ‬شاخەوانی‮ ‬پایز لە گەلی‮ ‬زۆرەگڤان لە رێكەوتی‮ ‬6و‮ ‬7/12/2019 بە بەشداری‮ ‬ژمارەیەكی‮ ‬زۆر لە گروپی‮ ‬شاخەوانی‮ ‬چەندان چالاكی‮ ‬لە فیستیڤالەكە پێشكەش دەكەین،‮ ‬هاتن بۆ هەمووانە بەڵام مەرجەكانی‮ ‬بەشداربون راچاوبكەن‮.‬