راپۆرت ـ پەریها عومەر
لەبازاڕەكانی‮ ‬كوردستان كەلوپەلی‮ ‬خۆراكی‮ ‬بەسەرچوو هەیە و زۆر جار دەستبەسەر كۆگاكاندا دەگیرێت،‮ ‬ئایا پێتوایە هۆشیارییەك لای‮ ‬هاووڵاتیان پەیدابووبێت كە خۆیان لە خۆراكی‮ ‬ماوە بەسەرچوو بەدووربگرن؟ دەبێت هاووڵاتیان بە هۆشیاریەوە لەوە ئاگاداربن كاتێ دەیانەوێ خۆراك و پێداویستی‮ ‬بكڕن بزانن ماوەكەی‮ ‬چەندی‮ ‬ماوە تابەسەر بچێت،‮ ‬لێرەدا بەپێویستمان زانی‮ ‬رای‮ ‬چەند كەسێك لە چین و توێژە جیاجیاكان وەربگرین‮.‬
مامۆستا‮ “‬دەریا بابان‮ ” ‬لەم بارەیەوە دەڵێت‮: ‬كەلوپەلی‮ ‬ماوە بەسەر چوو‮ ‬زیانی‮ ‬مادی‮ ‬و جەستەیی‮ ‬هەیە،‮ ‬هەمیشە،‮ ‬تاوەكو ئیستا لە وڵاتانی‮ ‬دراوسێوە بە شیوازی‮ ‬جۆراوجۆر كاڵاكانیان لە هەرێمی‮ ‬كوردستان و عێراق ساغدەكەنەوە‮. ‬بۆ دەرباز بوون لەم كێشەیە دوو رێگا هەیە‮ ‬یەكەم‮: ‬زیادكردنی‮ ‬بەرهەمی‮ ‬ناوخۆیی‮ ‬لەژێر چاودێری‮ ‬و پشتگیریكردنی‮ ‬حكوومەت‮. ‬دووەم‮: ‬سزاو پاداشت هەبێت بەبێ جیاوازی‮ ‬بۆ كەسانی‮ ‬بەرهەمهێن‮.‬
‮”‬شیرین گەردی‮” ‬قوتابی‮ ‬زانكۆ دەڵێت‮: ‬دوو لایانەیە،‮ ‬هەم هاووڵاتیان تائێستا ئەو هۆشیاریەیان لاوازە كە دەچینە هەر ماركێت‮ ‬یان كۆگایەك بۆ كڕینی‮ ‬پێداویستیەكان،‮ ‬بەر لەكڕینی‮ ‬خۆراك و كەرەستەی‮ ‬پێویست سەیری‮ ‬بەرێكەوتی‮ ‬خۆراكەكە ناكەن بۆئەوەی‮ ‬دڵنیاببنەوە لە تێكنەچوون و بەسەر نەچوونی‮ ‬ئەو خۆراكانەی‮ ‬كەپێویستە بیكرێت،‮ ‬بۆیە لەسەر لایەنە پەیوەندیدارەكان پێویستە كە رێووشوێنی‮ ‬توند بگرنەبەر بۆ ئەو كەسانەی‮ ‬كە خۆراكی‮ ‬ماوە بەسەر چوو لەسەر رەفەكان‮ ‬یان كۆكاكانیان دەهێڵنەوە،‮ ‬چونكە ئەوە پەیوەستە بەتەندروستی‮ ‬خەڵكەوە‮.‬
‮”‬ئاشنا بابان‮” ‬مامۆستای‮ ‬زانستە سیاسیەكان دەڵێت‮: ‬خۆراكی‮ ‬بەسەرچوو كێشە و گرفتی‮ ‬تەندروستی‮ ‬بۆ هاووڵاتیان دروستدەكات و تا چ ئاستێك هاووڵاتیان وشیارن و زانیاریان هەیە لەسەر مێژووی‮ ‬بەسەرچوونی‮ ‬ئەو خۆراكانەی‮ ‬كە رۆژانە دەخرێنە ناو بازاڕەكانەوە و كاریگەریان هەیە لەسەر تەندروستی‮ ‬كۆمەڵگا‮.‬
ئێمە هەمیشە باسی‮ ‬ئاسایشی‮ ‬نەتەوەیی‮ ‬دەكەین،‮ ‬بەڵام ئاسایشی‮ ‬خوراك گرنگی‮ ‬زۆری‮ ‬هەیە،‮ ‬ئەگەر هاووڵاتی‮ ‬تەندروست نەبێت هیج جیاوازی‮ ‬نیە لەگەل جەنگ،‮ ‬واتا لە كاتی‮ ‬بوونی‮ ‬جەنگ هاووڵاتی‮ ‬دەكوژرێت و كەمئەندام دەبێت لە كاتی‮ ‬نەبوونی‮ ‬ئاسایشی‮ ‬خۆراكیش بەهەمان شێوە هاووڵاتیان زیانمەندی‮ ‬یەكەمن و بە هیواشی‮ ‬دەبنە قوربانی،‮ ‬بە شێوازی‮ ‬خراپتر لە نەخۆشیە ترسناك و نەخۆشیە دریژخایەنەكان‮.‬
لیرەوە ئەمەوێ ئەوە بڵێم كە‮ ‬یەكێك لە كارە گرنگەكانی‮ ‬حكوومەت و لایەنە پەیوەندیدارەكان و تەندروستی،‮ ‬ئەوەیە پێویستە گرنگیەكی‮ ‬تایبەت بدرێت بەو خوراكانەی‮ ‬كە لەناو بازاڕەكاندا بوونیان هەیە،‮ ‬دەبێ هاووڵاتیان رۆژانە وردبینی‮ ‬لە مێژووی‮ ‬بەسەرچوون و جۆری‮ ‬خوراك و شوێن و كارگەی‮ ‬وەبەرهینانی‮ ‬لێدروستدەكریت هۆشیاریان هەبێت،‮ ‬پییوستە كوالیتی‮ ‬كونتڕوڵ و كوالیتی‮ ‬وردبینی‮ ‬و بەدواداچوون و لێپێچینەوە بەردوامبكرێت‮. ‬
لە كوردستان پێوستیمان بە ئاسایشی‮ ‬خۆراكە كە لە پیشینەی‮ ‬كاری‮ ‬حكوومەتدابێت،‮ ‬بەواتای‮ ‬دابینكردنی‮ ‬پێداویستی‮ ‬هاووڵاتیان و رەواندنەوەی‮ ‬خەمی‮ ‬هاووڵاتیان بە دابینكردنی‮ ‬خوراك لە هەموو بارودۆخێكداو نرخ و‮ ‬یەكسانی‮ ‬نرخی‮ ‬بازاڕەكان بێجیاوازی‮ ‬بێت،‮ ‬گرنگی‮ ‬بە كوالیتی‮ ‬خۆراك و میژوی‮ ‬بەسەر چوونی‮ ‬بدرێت و هەوڵبدرێت كە حكوومەت هاوكاری‮ ‬و هاندانی‮ ‬جوتیاران بكات و كارئاسانی‮ ‬گواستنەوە و دابینكردنی‮ (‬كەلوپەل و پێداویستیەكانی‮ ‬كشتوكاڵی‮ ‬و وەبەرهێنانی‮ ‬خۆراكی‮ ‬سرووشتی‮ ‬و تەندروست‮) ‬بۆ هاووڵاتیان و هاندانی‮ ‬هاووڵاتیان بە بەكارهینانی‮ ‬بەرهەمی‮ ‬ناخۆی‮ ‬و هاوكاری‮ ‬و پشتگیری‮ ‬جوتیاران بكرێت بۆ بوژانەوەی‮ ‬زەوی‮ ‬و كشتوكاڵ‮ ‬و كارگەی‮ ‬ناوخۆیەكان زیاد بكرێت،‮ ‬تا ئاستی‮ ‬سەرتاپای‮ ‬بازاڕەكانی‮ ‬كوردستان داپۆشێت و زیادەكەیشی‮ ‬هەناردە بكیرێت‮.‬