خەبات‮: ‬هەمزە سەرحان:-
لە هۆڵی‮ ‬رۆشنبیری‮ ‬لە هەولێر،‮ ‬بە ئامادەبوونی‮ ‬ژمارەیەكی‮ ‬زۆر لە بەرپرسانی‮ ‬حكوومی‮ ‬و حزبی‮ ‬و پەرلەمانتاران و كەسایەتییەكان و هونەرمەندان و ئەدیب و رۆشنبیران و هەوادارانی‮ ‬گۆرانی‮ ‬و مۆسیقا و دەزگاكانی‮ ‬راگەیاندن،‮ ‬دووەمین فیستیڤاڵی‮ ‬كوردستان بۆ موزیك و گۆرانی‮ ‬بەوپەڕی‮ ‬جۆش و خرۆشەوە‮ ‬دەستی‮ ‬بە كار و چالاكییەكانی‮ ‬كرد.

لە دەستپێكدا‮ ‬فەرهەنگ‮ ‬غەفوور‮ ‬بەڕێوەبەری‮ ‬گشتی‮ ‬رۆشنبیری‮ ‬و هونەری‮ ‬هەولێر،‮ ‬وتاری‮ ‬بەخێرهێنانی‮ ‬میوانانی‮ ‬پێشكەش كرد‮ ‬،ئینجا‮ ‬حەمەی‮ ‬حەمە سەعید‮ ‬وەزیری‮ ‬رۆشنبیری‮ ‬و لاوان،‮ ‬وتارێكی‮ ‬پێشكەش كرد پاشان‮ ‬د‮. ‬فرسەت سۆفی‮ ‬پارێزگاری‮ ‬هەولێر،‮ ‬وتارێكی‮ ‬پێشكەش كرد و تیشكی‮ ‬خستە سەر رۆڵی‮ ‬هونەر و هونەرمەندان و رۆشنبیران لە پێشوەچوونی‮ ‬وڵات و فەرهەنگ و كولتووری‮ ‬خەڵك،ئینجا بڕگەكانی‮ ‬فیستیڤاڵەكە بەنمایشكردنی‮ ‬فیلمێكی‮ ‬دیكۆمێنتاری‮ ‬لەسەر ژیان و بەرهەمەكانی‮ ‬هونەرمەندی‮ ‬خاوەن ئەزموون و خزمەت،‮ ‬مامۆستا‮ ‬وریا ئەحمەد‮ ‬دەست پێكرد.پاشان دەستكرا بە پێشكەشكردنی‮ ‬خەڵاتەكان،‮ ‬بەم شێوەیە‮: ‬خەڵاتی‮ ‬زێڕین لەلایەن بەڕێز‮ ‬حەمەی‮ ‬حەمە سەعید‮ ‬وەزیری‮ ‬رۆشنبیری‮ ‬و لاوان بەخشرا بە هونەرمەند وریا ئەحمەد،خەڵاتی‮ ‬لۆگۆ‮ ‬لەلایەن بەڕێز‮ ‬د‮. ‬فرسەت سۆفی‮ ‬پارێزگاری‮ ‬هەولێر،‮ ‬بەخشرا بە هونەرمەند وریا ئەحمەد،خەڵاتی‮ ‬رێزلێنان لەلایەن بەڕێز‮ ‬ئومێد خۆشناو‮ ‬سەرۆكی‮ ‬فراكسیۆنی‮ ‬زەرد لە پەرلەمانی‮ ‬كوردستان،‮ ‬بەخشرا بە هونەرمەند وریا ئەحمەد،دواتر مامۆستای‮ ‬هونەرمەند‮ ‬وریا ئەحمەد‮ ‬وتەیەكی‮ ‬پێشكەش كرد و سوپاسی‮ ‬وەزارەتی‮ ‬رۆشنبیری‮ ‬و بەڕێوەبەرایەتی‮ ‬گشتی‮ ‬رۆشنبیری‮ ‬و هونەری‮ ‬هەولێر كرد بۆ ئەم رێزلێنانە و خۆشحاڵیی‮ ‬خۆی‮ ‬دەربڕی‮ ‬كە لەپای‮ ‬ئەو خزمەتە زۆرەی‮ ‬بە بواری‮ ‬مۆسیقا و پەروەردەی‮ ‬كردووە،‮ ‬ئەمڕۆ بە ئامادەبوونی‮ ‬ئەو ژمارە زۆرە لە بەرپرسان و هونەرمەندان رێزی‮ ‬لێ دەنرێ و هیواشی‮ ‬خواست،‮ ‬كە ئەم نەریتە جوانە بۆ لەمەودواش بەردەوام بێ و هونەرمەندان و رۆشنبیران بەسەربكرێنەوە و رێزیان لێ بنرێ،‮ ‬دوای‮ ‬ئەمە بڕگە هونەرییەكانی‮ ‬فیستیڤاڵ پێشكەش كران و سەرەتا گرووپی‮ ‬كۆما سەرخۆبوون‮ ‬كە لە رۆژئاوای‮ ‬كوردستانەوە هاتوون و بەشداریی‮ ‬ئەم فیستاڤاڵە دەكەن،‮ ‬بە چەپكێك موزیك و گۆرانی‮ ‬ئێوارەكەیان رازاندەوە و پڕ‮ ‬جۆش و خرۆشیان كرد،دوای‮ ‬ئەمان‮ ‬تیپی‮ ‬مۆسیقای‮ ‬كەركووك‮ ‬بەرهەمەكانی‮ ‬خۆی‮ ‬لە مۆسیقا و گۆرانی‮ ‬پێشكەش بە ئامادەبووان كرد و كاتێكی‮ ‬پڕ‮ ‬شادییان بۆ ئامادەبووان رەخساند‮.‬

لە دووەم رۆژی‮ ‬فیستیڤاڵی‮ ‬كوردستاندا
هەر سێ گرووپی‮ ‬میوان لە‮ ‬رۆژهەڵات‮ ‬بەشدارییان كرد،سەرەتا‮ ‬تیپی‮ ‬مۆسیقای‮ ‬لوڕ‮ ‬لە سلێمانی‮ ‬نمایشی‮ ‬كارە هونەرییەكانی‮ ‬خۆیان كرد و چەندین پارچە موزیك و گۆرانییان پێشكەش كرد و ئەو ئێوارەی‮ ‬پاییزیان پڕ‮ ‬دەنگ و ئاواز كرد‮. ‬ئینجا بەڕێز‮ ‬جەبار‮ ‬یاوەر‮ ‬ئەمینداری‮ ‬گشتی‮ ‬وەزارەتی‮ ‬پێشمەرگە،‮ ‬لەجیاتی‮ ‬تیپی‮ ‬مۆسیقای‮ ‬لوڕ‮ ‬لە سلێمانی،‮ ‬چەپكەگوڵێكی‮ ‬پێشكەش بە بەڕێز‮ ‬فەرهەنگ‮ ‬غەفوور‮ ‬بەڕێوەبەری‮ ‬گشتی‮ ‬رۆشنبیری‮ ‬و هونەری‮ ‬هەولێر كرد،‮ ‬لەبەرامبەر رۆڵیان لە ئەنجامدان و سەرخستنی‮ ‬ئەو فیستیڤاڵ و كارە بەردەوامانەی‮ ‬بێ پسانەوە بەڕێوەبەرایەتی‮ ‬گشتی‮ ‬رۆشنبیری‮ ‬و هونەری‮ ‬هەولێر پێشكەشی‮ ‬دەكات.دوابەدوای‮ ‬ئەوان،‮ ‬گرووپا ئاوازا سەرحەدێ‮ ‬لە باكوور،‮ ‬بە چەندین نمایشی‮ ‬موزیك و گۆرانی‮ ‬هۆڵەكەیان پڕ‮ ‬كرد لە رەسەنایەتی‮ ‬و بووە جێی‮ ‬سەرسامیی‮ ‬ئامادەبووان‮. ‬لە دوایین بڕگەشدا،‮ ‬تیپی‮ ‬مۆسیقای‮ ‬رۆناك‮ ‬كە لە رۆژهەڵاتی‮ ‬كوردستانەوە تەشریفیان هێنابو بە چەپكێ ئاواز و گۆرانیی‮ ‬ناوازە بەشدارییان كرد و دووەم رۆژی‮ ‬دووەم فیستیڤاڵەكەیان پڕ‮ ‬شەوق و شادمانی‮ ‬كرد.لە سێیەمین و كۆتا رۆژیدا و بە ئامادەبوونی‮ ‬ژمارەیەكی‮ ‬زۆر لە بەرپرسان و میوانان و هونەرمەندان،‮ ‬بە بەشداریی‮ ‬هەریەكە لە گرووپە هونەرییەكانی‮ ‬دهۆك،‮ ‬هەڵەبجە،‮ ‬هەولێر‮ ‬كۆتایی‮ ‬بە كارەكانی‮ ‬دووەمین فیستیڤاڵی‮ ‬كوردستان بۆ هونەر و موزیك‮ ‬هێنرا‮. ‬سەرەتا‮ ‬تیپا روباد‮ ‬یا موزیكی‮ ‬دهۆك‮ ‬ئاواز و سترانی‮ ‬زەڵاڵی‮ ‬لە چیا سەركەشەكانەوە هێنابوو بۆ هەولێر و ئەم ئێوارە پاییزییەی‮ ‬پڕ‮ ‬كرد خرۆش دوای‮ ‬ئەو‮ ‬گرووپی‮ ‬مۆسیقای‮ ‬هەڵەبجە‮ ‬چەپكێك لە دەنگ و سەدای‮ ‬كانی‮ ‬ئاشقان و باڵامبۆی‮ ‬كردە دیاری‮ ‬و لە ئامێزی‮ ‬پیرە قەڵا و منارەی‮ ‬دا‮. ‬جا نۆرە گەیشتە سەر دوایین گرووپی‮ ‬هونەری،‮ ‬كە‮ ‬گروپی‮ ‬موزیكی‮ ‬هەولێر‮ ‬بوو،‮ ‬كە بە كۆمەڵێك بڕگە و ئاواز و ۆكتێل هۆڵەكەیان پڕ‮ ‬كرد لە سەدای‮ ‬شادی‮ ‬ئامێز‮.‬

كۆتایی‮ ‬دووەمین فیستیڤاڵی‮ ‬كوردستان بۆ هونەر و موزیك،لە كۆتایی‮ ‬مەراسیمی‮ ‬فیستیڤاڵەكەشدا،‮ ‬خەڵاتی‮ ‬دووەمین فیستیڤاڵی‮ ‬كوردستان بۆ هونەر و موزیك بەسەر تیپ و گرووپە بەشدارەكان دابەش كرا و بەم جۆرە و لە سێ رۆژیدا،‮ ‬دووەمین فیستیڤاڵی‮ ‬كوردستان بۆ هونەر و موزیك لە هەولێر،‮ ‬لەژێر دروشمی‮ ‬موزیك و گۆرانی‮. ‬دەنگێك بۆ نیشتمان‮ ‬لەلایەن بەڕێوەبەرایەتی‮ ‬گشتی‮ ‬رۆشنبیری‮ ‬و هونەری‮ ‬هەولێر‮/ ‬بەشی‮ ‬هونەرەكانی‮ ‬موزیك بە سەركەوتوویی‮ ‬كۆتای‮ ‬هات‮.‬
فۆتۆ‮/ ‬سەردار قادر