كاروان محەمەد سینۆ
بەپێی‮ ‬چاودێری‮ ‬و بەدواداچوون بۆ قەیرانی‮ ‬ئەمڕۆی‮ ‬عێراق بەگشتی‮ ‬و داواكارییە‮ ‬شەرعی‮ ‬و رەواكانی‮ ‬بەشێكی‮ ‬هاوڵاتیانی‮ ‬عێراق‮ ‬لەدابینكردنی‮ ‬خۆشگوزەرانی‮ ‬و خزمەتگوزار و نەهێشتنی‮ ‬گەندەڵی‮ ‬و پەیڕەوكردنی‮ ‬چاكسازی‮ ‬لە دامودەزگاكانی‮ ‬حكوومەتدا،‮ ‬هەست دەكرێ كە دوو ئیرادەی‮ ‬ناكۆك ئیدارە و ئاراستەی‮ ‬خۆپیشاندانەكان دەكات‮.‬ ئاراستەی‮ ‬یەكەم لە بەرژەوەندی‮ ‬خۆیدا هان و پاڵپشتی‮ ‬خۆپیشاندانەكان دەكات و لە رووی‮ ‬لۆجستی‮ ‬و‮ ‬ڕاگەیاندنەوە،‮ ‬لە تۆڕە كۆمەڵایەتییەكانی‮ ‬وەكو‮ ‬فێسبوك و تویتەر و ماڵپەڕە جۆراجۆرەكاندا ئامار و چالاكیی‮ ‬خۆپێشاندانەكان و دروشم و هاشتاگ و وێنە و ڤیدیۆكانیان خولەك بە خولەك بڵاودەكاتەوە‮.‬ ئاراستەی‮ ‬دووەمیش هەوڵدەدات‮ ‬كە خواست و داواكاری‮ ‬و دروشم و كارتەكانی‮ ‬خۆپیشاندەران تێكەڵ بكات و خواست و داواكارییە شەرعی‮ ‬و‮ ‬یاساییەكانی‮ ‬خۆپیشاندەران لە بەرژەوەندی‮ ‬خۆیدا بەلارێدا ببات و لە كاتی‮ ‬پێویستیشدا سواری‮ ‬مەوجەی‮ ‬خۆپێشاندەران دەبێت‮.. ‬كورد گوتەنی‮ (‬لەناڵیش دەدات و لە بزماریش دەدات‮).‬ ئاراستەی‮ ‬یەكەم بریتییە لەو هێزە نادیارە؟‮! ‬یاخود ئەو لایەنە نادیارە ؟‮! ‬كە هاندەر و رێكخەر و ئاراستەداری‮ ‬خۆپیشاندەرانە بۆ داواكردنی‮ ‬چاكسازی‮ ‬و خزمەتگوزاری‮ ‬و نەهێشتنی‮ ‬گەندەڵی‮ ‬و دادپەروەری‮ ‬كۆمەڵایەتی‮ ‬كە هەر لە سەرەتاوە ئەمانە خواستی‮ ‬خۆرسكی‮ ‬كۆمەڵێك گەنجی‮ ‬عێراق بوو‮. ‬هەڵبەت ئەمانە خواستی‮ ‬سروشتی‮ ‬و مافی‮ ‬یاسایی‮ ‬و شەرعیی‮ ‬جەماوەرین لە چوارچێوەی‮ ‬عێراقێكی‮ ‬دیموكراتی‮ ‬فیدڕاڵدا و مافی‮ ‬هەر كۆمەڵگایەكی‮ ‬مەدەنییە كە ئەم داواكارییانەی‮ ‬هەبێت،‮ ‬بەڵام ئەو لایەنە نادیارە؟‮! ‬هەوڵدەدات هەڵچوونی‮ ‬خۆپیشاندەران لە بەرژەوەندی‮ ‬خۆیدا ئاراستە بكات‮.‬ لە هەمان كاتیشدا هەست دەكرێ كە لایەنی‮ ‬دووەمیش هەیە كە ئیدارەی‮ ‬خۆپیشتاندانەكانی‮ ‬عێراق‮ ‬دەكات و لەپەنای‮ ‬خۆپێشاندەران و لەسەر زاری‮ ‬كەسانی‮ ‬گومانلێكراوی‮ ‬نێردراو بۆ ناو خۆپیشاندەران لە بەردەم كامیرای‮ ‬میدیاكان خواست و داواكاری‮ ‬سیاسی‮ ‬گومانلێكراو بەرزدەكەنەوە كە ئێستا لە بەرژەوەندی‮ ‬خەڵك و دوارۆژ و هێمنی‮ ‬و ئارامی‮ ‬عێراقدا نییە،‮ ‬وەكو گۆڕینی‮ ‬دەستوور و نەهێشتنی‮ ‬ئەنجوومەنی‮ ‬پارێزگاكان و داهێنانی‮ ‬سیستەمی‮ ‬حوكمڕانی‮ ‬سەرۆكایەتی‮ ‬و‮…‬هتد‮. ‬ئەم ئاراستەیە‮ ‬یاخود ئەم هێزە نادیارە؟‮! ‬ئەگەرچی‮ ‬لە رواڵەتدا لایەنگری‮ ‬خۆپیشاندەران دەكات،‮ ‬بەڵام لە ناوەڕۆكدا دژی‮ ‬خواستی‮ ‬خۆپیشاندەران و سەروەری‮ ‬و ئازادی‮ ‬عێراقە‮. ‬بۆیە دەبینین هەردوو لایەن‮ ‬یاخود هەردوو ئیرادەی‮ ‬پشت خۆپیشاندانەكانی‮ ‬عێراق جارێك داوای‮ ‬گۆڕینی‮ ‬دەستوور دەكەن و جارێك داوای‮ ‬گۆڕینی‮ ‬سیستمی‮ ‬سیاسی‮ ‬عێراق دەكەن و جارێك پێشمەرگە تۆمەتبار دەكەن بەوەی‮ ‬دەستی‮ ‬هەیە لە قەیرانی‮ ‬عێراق و ناوی‮ ‬سەركردە و بەرپرسانی‮ ‬هەرێمی‮ ‬كوردستان لە‮ ‬ڕاپۆرت و لێدوانەكانیاندا لەكەدار دەكەن و جارجاریش باس لە پارچەبوونی‮ ‬عێراق دەكەن و‮…‬هتد‮. ‬كە هەموو ئەم خواستانەش دوورن لە داواكارییەكانی‮ ‬كۆمەڵگای‮ ‬مەدەنی‮ ‬و خەڵكی‮ ‬سڤیلی‮ ‬عێراق لە ئارامی‮ ‬و خۆشگوزەرانی‮.‬ بەڵام ئەگەر بەشێنەیی‮ ‬لە دۆخی‮ ‬ئەمڕۆی‮ ‬عێراق و لوبنان و ئیران و ئەمریكا وردببینەوە،‮ ‬دەبینی‮ ‬كە ئەمڕۆ ململانێیەكی‮ ‬هەژموونی‮ ‬سیاسی‮ ‬نزیك لە رووبەرووبوونەوە لە عێراق و لوبنان دەگوزەرێ لە نێوان ئەمریكا و ئیران و خۆپیشاندانەكانی‮ ‬ئەمڕۆی‮ ‬عێراق و لوبنان تەنها ئامرازن بۆ ئەم ململانێ و رووبەرووبوونەوەی‮ ‬نێوان ئەمریكا و ئیران لە دەڤەرەكەدا‮.