سازان وەهاب
فشاری‮ ‬خۆنیشاندەرانی‮ ‬گۆڕەپانی‮ ‬تەحریری‮ ‬بەغدا لەسەر حكوومەتی‮ ‬عێراقی‮ ‬و بەتایبەتی‮ ‬حكومەتەكەی‮ ‬عادل عەبدولمەهدی‮ ‬مانۆڕێكی‮ ‬جەماوەری‮ ‬دەستلەپشتبوونێكی‮ ‬گوماناوییە؟‮!‬،‮ ‬مێژووی‮ ‬حوكمڕانی‮ ‬شیعەكان لە عێراق ئەو راستیەی‮ ‬پشتڕاستكردۆەتەوە،‮ ‬خۆنیشاندانەكان دوا زمانی‮ ‬گفتوگۆی‮ ‬هەرێمایەتی‮ ‬و ناوخۆییە بۆ جێكردنەوەی‮ ‬هەندێك بەرژەوەندی‮ ‬یاخود‮ ‬یەكلایی‮ ‬كردنەوەی‮ ‬بەشێك لە ململانێیەكان نەك هەنگاوی‮ ‬چاكسازی‮ ‬و باشتركردنی‮ ‬دۆخی‮ ‬ژیانی‮ ‬هاوڵاتیانی‮ ‬عێراقی‮.‬

پێچەوانەی‮ ‬هەموو ئەو بۆچوونانە دۆخەكە خەریكە بەرەو باشتربوونێك دەچێت كە لەبەرژەوەندی‮ ‬هەموو ئەوانەیە كە دەیانەوێ لە كابینەكەی‮ ‬عادل عەبدولمەهدی‮ ‬پشكێكیتریان بەركەوێ و ئەوەش راستیە كە ئێران سەركەوتووانە ئیدارەی‮ ‬هەردوو رووداوە گرنگەكەی‮ ‬لوبنان و عێراقی‮ ‬لەیەككاتدا كرد و زیانێكی‮ ‬ئەوتۆ بە بەرژەوەندییەكانی‮ ‬نەكەوت،‮ ‬بۆیە تەنیا عێراقیەكان وەك هاوڵاتیان لەم مانۆڕەدا بوونەوە قوربانی‮ ‬و هیچ گۆڕانكارییەكی‮ ‬ئەوتۆ لە ژیانیان روونادات،‮ ‬واتا ناڕەزایەتیەكانی‮ ‬ئەوان هەمیشە وەك دوا كارتی‮ ‬گفتوگۆ سەیر دەكرێت نەك وەك خواستێك بۆ جێبەجێكردن‮. ‬ئەو كارتەی‮ ‬نیشان دەدرێ ئەگەر نەگەیشتین بە هیچ رێكەوتنێك ئەوا شەقام دەتوانێ لایەنێكی‮ ‬بەهێز بێت بۆ ئەوەی‮ ‬تەنازول بە هەموو لایەك بكات‮.‬

بۆ نموونە دەگوترێت لە چەند كاتژمێری‮ ‬یەكەمی‮ ‬خۆنیشاندانەكاندا عەبدولمەهدی‮ ‬دەستلەكاركێشانەوەی‮ ‬خۆی‮ ‬وەك سەرۆك وەزیرانی‮ ‬ئامادەكردووە،‮ ‬ئەمە مانایەكیتری‮ ‬هەیە كە پێش خۆنیشاندانەكان ئەو مانۆڕە سیاسیەی‮ ‬نێوان حزبەكان و ئەوانەیشی‮ ‬لەپشتەوەی‮ ‬ئەم حزبە عێراقیانەن كراوە،‮ ‬ئەگەرنا سیاسیەك خاوەن پشتیوانییەكی‮ ‬زۆری‮ ‬ناوخۆیی‮ ‬و نێودەوڵەتی‮ ‬وهەرێمایەتی‮ ‬وەك عادل عەبدولمەهدی‮ ‬لەسەر چ بنەمایەك بەخێرایی‮ ‬دەستلەكار دەكێشێتەوە؟‮!‬

ئەگەر ئەم مانۆڕە كە ناوی‮ ‬لێنراوە خۆنیشاندانی‮ ‬هاوڵاتیان‮! ‬جۆرێكی‮ ‬دیكەی‮ ‬یاریكردنی‮ ‬نێوان هێزە شیعیەكان و خودی‮ ‬ئێران نەبێ،‮ ‬ئەی‮ ‬هیچ لایەنێك لە عێراق هەیە بە قەدەر سوننەكان خاوەن داواكاری‮ ‬بن؟ ئەوە سوننەكان نین ناوچەكانیان وێران بووە؟ ئەوە سونەكان نین لە ناوەندی‮ ‬حوكمڕانی‮ ‬و گۆڕەپانە مەزنەكەی‮ ‬سیاسی‮ ‬عێراق پشتگوێخراون؟ ئەوە سوننە نین هیچ رۆڵێكیان پێنەدراوە؟

ئەو بەشدارینەكردنەی‮ ‬سوننە لەم خۆنیشاندانە ئەوە دەسەلمێنێ كە مانۆڕەكە بۆ‮ ‬یەكخستنەوەی‮ ‬بەرژەوەندییەكانی‮ ‬شیعەیە لە عێراق و پتەوكردنی‮ ‬هەژموونی‮ ‬ئێران و گەیاندنی‮ ‬پەیامی‮ ‬ئاڵۆزی‮ ‬و ناسەقامگیریی‮ ‬ناوچەكەیە نەك بەرنامەی‮ ‬چاكسازی‮ ‬و خزمەتكردنی‮ ‬هاوڵاتیان‮.‬
بۆیە لە كۆتایی‮ ‬ئەم مانۆڕە ئەوەی‮ ‬دەستبەتاڵ دەمێنێتەوە هاوڵاتیانی‮ ‬عێراقە و ئەو ژمارە قوربانییانەی‮ ‬لەم مانۆڕەش بەخشرا،‮ ‬هیچ ئامانجێكی‮ ‬نەپێكا كە خزمەت بە ئایندەی‮ ‬ژیان و دۆخی‮ ‬خەڵكی‮ ‬عێراق بكات‮.‬