خه‌بات: سەرهەنگ نەجمەدین‮:-‬
یانە وەرزشییەكانی‮ ‬كوردستان لەم چەند ساڵەدا چەندین تیپی‮ ‬بەهێزی‮ ‬كچانیان لەخۆ گڕتووە توانایەكی‮ ‬یەكجار زۆریان لەیارییە جۆراو جۆرەكانی‮ ‬نێو بواری‮ ‬وەرزشدا هەیە كەهەمیشە بۆ چەندین جار نازناوی‮ ‬خولی‮ ‬عێراق وكوردستانیان بەدەستهێناوە،‮ ‬بۆ ئەم مەبەستە بەباشمانزانی‮ ‬كچە وەرزشوانێكی‮ ‬دەڤەری‮ ‬ئاكرێ‮ ‬بەچەند پرسیارێك بەسەر بكەینەوە و سەرەتا سەبارەت بەچۆنیەتی‮ ‬هاتنی‮ ‬بۆ نیو دونیای‮ ‬وەرزش خاتوو سۆلین ئەسعەد میرزا بۆ‮ ‬ڕۆژنامەی‮ ‬خەبات گوتی‮:‬ بێگومان هەر لەمناڵییەوە خولیای‮ ‬وەرزشكردنم هەبوو بەتایبەتی‮ ‬لەقوتابخانەكان هەموو كات بەشداری‮ ‬چاڵاكییە وەرزشییەكانم دەكرد و زۆرجاران لەكاتی‮ ‬پاڵەوانیەتیەكان بەهۆی‮ ‬منەوە ئەنجامی‮ ‬بەرزمان بەدەست دەهێنا،‮ ‬بەڵام ماوەی‮ ‬8 ساڵ لەیاری‮ ‬تۆپی‮ ‬پێ دابرام و ئێستاش بەخۆشحاڵییەوە دووبارە گەڕامەوە نێو دونیای‮ ‬وەرزش و ئێستا لەیانەی‮ ‬ئاكرێ درێژە بەیاری‮ ‬كردن دەدەم‮.‬

ئەو كچە‮ ‬یاریزانە بەشداری‮ ‬لەخولی‮ ‬عێراق كردووە و ناوبراو بۆ ئەم مەبەستە دەڵێت‮: ‬لەخولی‮ ‬تۆپی‮ ‬پێی‮ ‬عێراق‮ ‬یاریم بۆ‮ ‬یانەی‮ ‬نەفت دەكرد،‮ ‬هەروەها لەیاری‮ ‬تۆپی‮ ‬دەستیش بۆ وەرزێك‮ ‬یاریم بۆ سەنحاریب كرد،‮ ‬دوێنێش لەشاری‮ ‬هەولێر بەشداریم لەخولی‮ ‬بەهێزكردنی‮ ‬ئاستی‮ ‬ڕاهێنەران كرد كەتیایدا بڕوانامەی‮ ‬ڕاهێنەرایەتیم لەلایەن‮ ‬یەكێتی‮ ‬ناوەندی‮ ‬تۆپی‮ ‬پێی‮ ‬كوردستان پێ بەخشرا و لەمەولا كاری‮ ‬ڕاهێنەرایەتی‮ ‬دەكەم‮.‬
‮ ‬دواجار خاتوو سۆلین لەبارەی‮ ‬بەرنامەی‮ ‬مەشق وڕاهێنانی‮ ‬تیپەكەیان ئەوەی‮ ‬ئاشكرا كرد‮ : ‬بێكومان ئەم وەرزە دەمەوێت بەئاستێكی‮ ‬یەكجار بەرز بگەرێمەوە‮ ‬یاری‮ ‬كردن لەیانەی‮ ‬ئاكرێ،‮ ‬هەموو هەوڵی‮ ‬خۆم دەخەمە گەڕ‮ ‬ئەوەی‮ ‬لەتوانامدا بێت پێشكەشی‮ ‬یانەی‮ ‬ئاكرێ بكەم‮.‬