مستەفا قایتەوەنی‮- ‬لەندەن‮ ‬
وەك ناو،‮ ‬دەوڵەتی‮ ‬ئیسلامی‮ ‬لە عێراق و شام كە ناسراوە بە(داعش‮) ‬لە ساڵی‮ ‬2014 ‮ ‬خۆی‮ ‬وەك دەوڵەت و خەلافەی‮ ‬ئیسلامی‮ ‬وێنا كرد و بووە فەرمانڕەوای‮ ‬بەشێكی‮ ‬زۆری‮ ‬خاكی‮ ‬سوریا و سێ‮ ‬یەكی‮ ‬عێراق‮ ‬و زۆرێك‮ ‬لە وڵاتانی‮ ‬دیكە‮. ‬بیروباوەڕی‮ ‬ئەم خەلافەتە نوێ نیە،‮ ‬تەنها لە ناودا جیاوازە،‮ ‬دەنا درێژەپێدەری‮ ‬ڕێكخراوی‮ ‬قاعیدە و هاوشێوەكانێتی‮ ‬لە بەرگ و فۆڕمێكی‮ ‬نوێدا،‮ ‬ئەو خەلافەتەی‮ ‬ماوەی‮ ‬نزیكەی‮ ‬چوار ساڵ پێگەیەكی‮ ‬بەهێزی‮ ‬هەبوو لە ناوچەكەدا،‮ ‬چەك و جبەخانەی‮ ‬سێ وڵاتیان كەوتە دەست و بەكاری‮ ‬هێنا تا گەیشتە‮ ‬چەكی‮ ‬قەدەغە كراویش،‮ ‬بۆ‮ ‬ڕووخاندنی‮ ‬ئەم خەلافەتە بە سەرۆكایەتی‮ ‬ئەمەریكا و بەریتانیا و وڵاتانی‮ ‬تری‮ ‬ئەوروپا هاوپەیمانییەكی‮ ‬63 ‮ ‬دەوڵەتی‮ ‬لە دژی‮ ‬ئەم‮ ‬ڕێكخراوە پێكهێنرا كە ژمارەی‮ ‬چەكدارانی‮ ‬بە پتر لە‮ 001‬ سەد هەزار چەكدار مەزەندە دەكرا‮!. ‬
هەڵبەت سەرەتای‮ ‬لوتكەی‮ ‬هێزی‮ ‬داعش ساڵانی‮ ‬2015-2014‮ ‬بوو بەپێی‮ ‬دانپێدانانی‮ ‬خودی‮ ‬ئەمەریكا و بەریتانیا و هاوپەیمانانی‮ ‬لە شەڕی‮ ‬دژ بە داعش،‮ ‬هێزی‮ ‬پێشمەرگەی‮ ‬كوردستان وێڕای‮ ‬كەمی‮ ‬چەك و تەقەمەنی‮ ‬و چەكی‮ ‬سەرەتایی‮ ‬و ئابڵوقەی‮ ‬ئابووری‮ ‬ئەوكاتەی‮ ‬حكوومەتی‮ ‬عێراق‮ ‬لەسەر هەرێمی‮ ‬كوردستان و نەبوونی‮ ‬ئەزموونی‮ ‬شەڕی‮ ‬تیرۆری‮ ‬جەبهەی‮ ‬وا بەرفراوان،‮ ‬بەڵام ئوستورەی‮ ‬داعش‮ ‬و خەلافەتەكەی‮ ‬لەسەر دەستی‮ ‬پێشمەرگە شكێنرا‮ ‬بە هاوكاری‮ ‬هێزی‮ ‬ئاسمانی‮ ‬و پاڵپشتی‮ ‬هاوپەیمانان لەسەرووی‮ ‬هەموویان ئەمەریكا و بەریتانیا‮.‬
ڕۆژ دوای‮ ‬ڕۆژ پێشمەرگە و هێزەكانی‮ ‬عێراق تاكتیك و پلانە هەواڵگری‮ ‬و سەربازییەكانی‮ ‬داعشیان دەزانی‮ ‬و تەرازوی‮ ‬هێز بە ئاڕاستەی‮ ‬سەركەوتنی‮ ‬پێشمەرگە و سوپای‮ ‬عێراق و شكستی‮ ‬داعش بوو‮.‬
ئێستا دەتوانین بڵێین دوای‮ ‬ئەو ئۆپەراسیۆنانە لە عێراق و سوریا،‮ ‬داعش لە‮ ‬ڕووی‮ ‬سەربازییەوە شكستی‮ ‬هێناوە‮.‬
سەرۆك دۆناڵد ترامپیش وەك مژدەیەكی‮ ‬خۆش هەواڵی‮ ‬كوژرانی‮ ‬ئەبوبەكر بەغدادی‮ ‬خەلیفەی‮ ‬ئەو دەوڵەتە تیرۆریستەی‮ ‬ڕاگەیاند‮!‬
ڕاگەیاندنی‮ ‬ئەم هەواڵە تەواوی‮ ‬میدیاكانی‮ ‬جیهانی‮ ‬بەخۆیەوە سەرقاڵ كردووە و باس و خواسێكی‮ ‬زۆری‮ ‬بەدوای‮ ‬خۆیدا هێنا‮.‬
دەیان بەیاننامە و‮ ‬ڕوونكردنەوە و قسە و چیرۆكی‮ ‬جیاواز لەبارەی‮ ‬خەلیفە و دەوڵەتە تیرۆریستییەكەی‮ ‬باس دەكرێن،‮ ‬بەڵام دوو كەس پێچەوانەی‮ ‬جیهان قسەیان كرد،‮ ‬لە دوو پەیامی‮ ‬تەواو لێك نزیك و هاوشێوەی‮ ‬یەكتردا زەنگی‮ ‬مەترسییەكی‮ ‬نوێیان لێدا،‮ ‬ئەویش دوو كاراكتەری‮ ‬دیارو بەرچاوی‮ ‬جیهان و ناوچەكەن هەریەك لە سەرۆك مسعود بارزانی‮ ‬سەركردەیەكی‮ ‬مەیدانی‮ ‬شەڕ‮ ‬دژ بە داعش و بۆریس جۆنسن سەرۆك وەزیرانی‮ ‬بەریتانیایە‮!‬
بارزانی‮ ‬ماوەیەكی‮ ‬زۆر وەك فەرماندەی‮ ‬گشتیی‮ ‬هێزی‮ ‬پێشمەرگەی‮ ‬كوردستان و سەركردەیەكی‮ ‬مەیدانی‮ ‬شەڕ‮ ‬ڕاستەوخۆ سەرپەرشتی‮ ‬بەرەكانی‮ ‬شەڕی‮ (‬داعش‮) ‬دەكرد لەلایەك،‮ ‬لەلایەكی‮ ‬تریش بەردەوام بەرە جیاوازەكانی‮ ‬شەڕی‮ ‬بەسەر دەكردەوە بە درێژای‮ ‬1400‮ ‬كیلومەتر‮.‬
كەس وەك بارزانی‮ ‬شارەزای‮ ‬ئەو پلان و تاكتیكانەی‮ ‬هێزەكانی‮ ‬داعش نەبوو،‮ ‬بارزانی‮ ‬زۆرجار لە میدیا جیهانییەكان لەبەرەی‮ ‬شەڕ‮ ‬دەردەكەوت و زانیاری‮ ‬كەم و كورت و پڕكۆد و شفرەداری‮ ‬دەدركاند‮! ‬بەڵام لە‮ ‬ڕاستیدا زانیاری‮ ‬پڕمانای‮ ‬دەدركاند‮.‬
دوای‮ ‬ڕووداوی‮ ‬كوشتنی‮ ‬ئەبوبەكر بەغدادی‮ ‬بارزانی‮ ‬وەك هەمیشە نەیتوانی‮ ‬لە ئاست مەترسییەكان بێدەنگی‮ ‬هەڵبژێرێت و لە‮ ‬ڕووداوی‮ ‬كوشتنی‮ ‬سەرسەختترین دوژمنی‮ ‬مرۆڤایەتی‮ ‬قسەی‮ ‬نەبێت‮! ‬
بەڵكو لە پەیامێكی‮ ‬كورتدا وتی‮: (‬ڕاستە كوشتنی‮ ‬ئەبوبەكر بەغدادی‮ ‬كاریگەری‮ ‬بەسەر لاوازبوونی‮ ‬تیرۆریستانەوە دەبێت،‮ ‬بەڵام گرنگ ئەوەیە هەموو لایەك بە تایبەت كۆمەڵگەی‮ ‬نێودەوڵەتی‮ ‬ئاگادار بن كە كوشتنی‮ ‬بەغدادی‮ ‬بە مانای‮ ‬كۆتاییهاتنی‮ ‬داعش نیە‮).‬
بۆریس جۆنسن سەرۆك وەزیرانی‮ ‬بەریتانیاش كە وڵاتەكەی‮ ‬یەكێكە‮ ‬لە زلهێزەكانی‮ ‬جیهان‮ ‬و جێ پەنجەی‮ ‬بەریتانیا لە تەواوی‮ ‬جیهان و‮ ‬ڕۆژهەڵاتی‮ ‬ناوەڕاست دیارە،‮ ‬بۆریس جۆنسن خۆیشی‮ ‬كەسایەتییەكی‮ ‬دیاری‮ ‬ناو سیاسییە بەهێزەكانی‮ ‬جیهانە،‮ ‬جگە لەوەی‮ ‬ئێستا سەرۆك وەزیرانی‮ ‬بەریتانیایە پێشتر وەزیری‮ ‬دەرەوەی‮ ‬ئەو وڵاتە بووە و لە نزیكەوە سەردانی‮ ‬كوردستان و عێراق و بەرەكانی‮ ‬شەڕ‮ ‬دژ بە داعشی‮ ‬كردبوو،‮ ‬لە پەیامێكی‮ ‬كورتیشدا بۆریس جۆنسن سەرۆك وەزیرانی‮ ‬بەریتانی‮ ‬گوتی‮: “‬كوشتنەكەی‮ ‬گرنگە،‮ ‬بەڵام شەڕی‮ ‬داعش كۆتایی‮ ‬نەهاتووە هێشتا‮”. ‬لە مەترسی‮ ‬سەرهەڵدانەوەی‮ ‬داعشدا بیروبۆچوونی‮ ‬سەرۆك وەزیرانی‮ ‬بەریتانیا هاوشێوەی‮ ‬سەرۆك بارزانییە،‮ ‬كە واتە دوو كاراكتەری‮ ‬دیار و بەرچاوی‮ ‬جیهان كە لەشەڕی‮ ‬دژ بە داعش‮ ‬ڕۆڵیان هەبووە و هەگبەی‮ ‬هەردوو سەركردە مەیدانییەكە پڕە لە زانیاری‮ ‬ورد كە هاوپەیمانی‮ ‬یەكتر بوون لە شەڕی‮ ‬دژ بە داعش،‮ ‬زۆر بە وردی‮ ‬و قوڵی‮ ‬لە مەترسی‮ ‬داعش تێگەیشتوون و هاوڕان كە داعش وەك هێز شكستی‮ ‬هێناوە،‮ ‬بەڵام وەك ئایدیا و فكر هێشتا زیندووە و كاریگەری‮ ‬تۆخە و كاڵ نەبووەتەوە،‮ (‬بۆیە بارزانی‮ ‬و بۆریس جۆنسن پێكەوە زەنگی‮ ‬مەترسییان لێدا‮…!‬
بەشێكی‮ ‬تری‮ ‬چاودێران و لێكۆلەرەوانی‮ ‬بواری‮ ‬تیرۆریزمی‮ ‬جیهانی‮ ‬ئاماژە بە مەترسی‮ ‬ئاشكرا كردنی‮ ‬ڕاپۆرتی‮ ‬ساڵی‮ ‬ڕابردووی‮ ‬یەكەیەكی‮ (‬CIA‮)‬ دەزگای‮ ‬ناوەندیی‮ ‬هەواڵگری‮ ‬ئەمەریكا دەكەن كە باسی‮ ‬لە دروست بوونی‮ ‬گرووپێكی‮ ‬توندڕەوی‮ ‬هاوشێوەی‮ ‬داعش و بگرە مەترسیدارتر دەكات كە هەموو جیهان تووشی‮ ‬شۆك دەكات‮.‬
لە‮ ‬ڕابردووش جیهان بە ئەزموونی‮ ‬تاڵدا تێپەڕی‮ ‬لەگەڵ‮ ‬ڕێكخراو و گرووپە تیرۆریستییەكان بەتایبەتی‮ ‬لە ژینگەیەكی‮ ‬پڕ‮ ‬لە ململانێی‮ ‬وەك‮ ‬ڕۆژهەڵاتی‮ ‬ناوەڕاست،‮ ‬ئەم گرووپ و شانە تیرۆریستییانە زووتر گەشە دەكەن و دروست دەبنەوە،‮ ‬بۆیە هەموو ئاماژەكان ئەوە دەڵێن داعش لە بەرگێكی‮ ‬تر و ناوێكی‮ ‬تر دروست دەبێتەوە‮!.‬