سوورە مەرگەیی
لە ئەگەری‮ ‬دەست لەكاركێشانەوەی‮ ‬عادل عەبدولمەهدی‮ ‬و هەڵوەشانەوەی‮ ‬حكوومەتی‮ ‬عێراق،‮ ‬قۆناغێكی‮ ‬نوێ لە عێراق دەست پێدەكات،‮ ‬ئەو قۆناغەش لە كۆی‮ ‬حزب و لایەنە سیاسییە كوردستانییەكانی‮ ‬ناو پەرلەمانی‮ ‬عێراق و دەرەوەی‮ ‬پەرلەمان دەخوازێ،‮ ‬كە كوردبوون بخەنە پێش حزبی‮ ‬بوون و كوردایەتی‮ ‬بكەنە سەنگەری‮ ‬بەرەنگاربوونەوەی‮ ‬ئەو پیلانانەی‮ ‬لەو قۆناغە هەستیارەی‮ ‬دوای‮ ‬دەست لەكاركیشانەوەی‮ ‬حكوومەت و هەوڵەكانی‮ ‬هەمواركردنەوەی‮ ‬دەستوور،‮ ‬نیازی‮ ‬دەسەڵاتە شیعەگەرییەكەی‮ ‬بەغدا وایە بەرۆكی‮ ‬وەستاندنی‮ ‬دەستكەوتەكانی‮ ‬كوردی‮ ‬پێ بگرن،‮ ‬لێرەدا ئەو پرسیارە دێتە پێشێ كورد چی‮ ‬بكا و چۆن دەتوانێ بەرگری‮ ‬لە دەستكەوتەكانی‮ ‬بكات؟
گومان لەوەدا نییە بە دەست لەكار كێشانەوەی‮ ‬عادل عەبدولمەهدی‮ ‬و هەڵوەشانەوەی‮ ‬حكوومەت و پێكهێنانی‮ ‬حكوومەتی‮ ‬نوێ،‮ ‬كیشە سیاسی‮ ‬و مەزهەبی‮ ‬و نەتەوەییەكان تۆختر دەبنەوە،‮ ‬كیشەی‮ ‬نێوان كورد و عەرەب،‮ ‬شیعە و سەننە،‮ ‬شیعە و شیعە و دەستوەردانی‮ ‬دەرەكی‮ ‬و بەتایبەتیش دەستوەردانی‮ ‬ئێرانی‮ ‬و ئەمەریكی‮ ‬لە ئاستەنگەكانی‮ ‬بەردەم پێكهێنانی‮ ‬حكوومەتی‮ ‬نوێ دەبن و عێراق دەخەنە بەردەم چەند ئەگەرێك‮.‬
ئەگەری‮ ‬یەكەم:ـ پێكهێنانەوەی‮ ‬حكوومەت ئاسان نییە و عیراق دەكەوێتە ناو بۆشایی‮ ‬دەستووری‮ ‬و فەوزای‮ ‬سیاسی‮.‬
ئەگەری‮ ‬دووەم:ـ‮ ‬روودانی‮ ‬شەڕی‮ ‬ناوخۆ،‮ ‬هەرچەندە عێراق دەمێكە تووشی‮ ‬شەڕی‮ ‬ناوخۆ بووە،‮ ‬بەڵام هیچ دوور نییە شەڕی‮ ‬ناوخۆی‮ ‬دوای‮ ‬هەڵوەشانەوەی‮ ‬حكوومەت ناو ماڵی‮ ‬شیعە بگرێتەوە‮.‬
ئەگەری‮ ‬سێیەم‮: ‬هەمواركردنەوەی‮ ‬دەستوور و هەوڵدان بۆ سنووردانان بۆ مافەكانی‮ ‬كورد و بردنەوەی‮ ‬عێراق بۆ ناو جوغزی‮ ‬دیكتاتۆری‮ ‬و سەپاندنی‮ ‬دەسەڵاتی‮ ‬تاكڕەوی‮.‬
ئەگەری‮ ‬چوارەم:ـ هاتنە پێشی‮ ‬هەر‮ ‬یەكێك لە ئەگەرەكانی‮ ‬یەكەم و دووەم و سێیەم عێراق دەخاتە بەردەم ئەگەری‮ ‬چوارەم كە دابەشبوونی‮ ‬عێراقە،‮ ‬رووبەڕووبوونەوەی‮ ‬ئەو ئەگەرانەش لە حزب و لایەنە سیاسییەكانی‮ ‬كوردستان دەخوازێ،‮ ‬یەكدەنگ و‮ ‬یەكهەڵوێست بن و بە راكێشانی‮ ‬كارتی‮ ‬ریفراندۆم بچنە ناو شەڕی‮ ‬راكێشانی‮ ‬هەموو ئەو كارتانەی،‮ ‬كە بەغدا نیازیەتی‮ ‬بەناوی‮ ‬چاكسازی‮ ‬و نەهێشتنی‮ ‬گەندەڵی‮ ‬شەڕی‮ ‬ماف و ئازادییە نەتەوەییەكانی‮ ‬خەڵكی‮ ‬كوردستانیان پێبكات‮.‬