خه‌بات: موسلیم دۆڵەمەڕی:-
وەكو دیاررۆژانە گرفتی‮ ‬بواری‮ ‬پەروەردەی‮ ‬دێتە بەرچاومان لەلایەن دایك وباوكی‮ ‬قوتابیان وبگرە مامۆستایانیش لە زۆرلایەنەوە گلەیی‮ ‬ورەخنەی‮ ‬خۆیان هەیە بۆ وەزارەتی‮ ‬پەروەردە،‮ ‬لەوانە زۆری‮ ‬كێشی‮ ‬پەرتوكی‮ ‬قوتابیان گرفتێكی‮ ‬گەورەیە لەبەردەم كەسوكاری‮ ‬قوتابیان وخودی‮ ‬قوتابیش بەتایبەتی‮ ‬پۆڵی‮ ‬یەكەمی‮ ‬بنەرەتی‮ ‬كە كێشی‮ ‬جانتاكانی‮ ‬هەندێ قوتابی‮ ‬لەكێشی‮ ‬قوتابی‮ ‬زیاترە بەمەش بووەتە گرفت بۆیان بۆگەیشتن بۆقوتابخانەكانیان،‮ ‬جالەم بارەیەوە چەندمامۆستایەك بەژمارەیەك لەرەخنەو پێشنیارەوە بەم شێوەیە بۆ خەبات دوان‮.‬

سەرەتا مامۆستا بەختیار گوتی‮:‬‮ ‬من دەلێم گرفت لەسیستەمكی‮ ‬پەروەردەدایە‮ ‬،چونكە پێم وایە ئەم سیستەمە وای‮ ‬كردووە كە كێشی‮ ‬پەرتوكی‮ ‬قوتابیان زۆربێت وببێتە بارگرانی‮ ‬بەسەر پشتی‮ ‬قوتابیان‮ ‬، چونكە بەراستی‮ ‬كەئێمەی‮ ‬مامۆستا رۆژانە دەبینین كە قوتابیانمان بە زەحمەتێكی‮ ‬زۆرەوە دەگەنە قوتابخانە بەتایبەتی‮ ‬پۆڵی‮ ‬یەكەم كە بەراستی‮ ‬كێشی‮ ‬جانتاكانیان لەكێشی‮ ‬خۆیان گرانترە بەمەش بێگومان كاریگەریەكی‮ ‬خراپی‮ ‬تەندروستی‮ ‬بۆقوتابیان بەجێدێلێت پێم وایە زۆربەیان توشی‮ ‬گرفتی‮ ‬پشت ئێشان دەبن،‮ ‬چونكە ئێمەی‮ ‬گوند نشین نەپاس وهیچ هۆیەكی‮ ‬گواستنەوەمان نیە بەناچاری‮ ‬بەكیلۆمەتر بەپیان دەبرن تادەگەنە قوتابخانە بۆیە دەڵێم دەبێت وەزارەت بەجدی‮ ‬كاربۆئەم گرفتە بگات وچارەسەری‮ ‬بكات‮. ‬

هەروەها مامۆستا لوقمان گوتی‮:‬‮ ‬سوپاس بۆ وروژاندنی‮ ‬ئەم بابەتە گرنگە چونكە بەراستی‮ ‬ئەمە نەك گرفتە بۆ قوتابی‮ ‬بەڵكو بۆ ئێمەی‮ ‬مامۆستاو دایك وباوكی‮ ‬قوتابیانیش گرفتێكی‮ ‬گەورەیە‮ ‬،چونكە دایك وباوكی‮ ‬قوتابی‮ ‬بەناچاری‮ ‬دەبێت گشت بەیانیەك لەگەڵ مناڵانیان بێن تابەردەرگای‮ ‬قوتابخانە جابەهەر شێوەیەك بێت وبەهەر نەهامەتیەك بێت بەتایبەتی‮ ‬لەوەرزی‮ ‬زستان كە بۆگوند نشینەكان ژیان ئەستەم ترە لەوەی‮ ‬كە لە باژێرەكانن بۆیە داواكارم لە وەزارەتی‮ ‬پەروەردە كەچارەسەری‮ ‬ئەم پەرتوكانە بكەن بەتایبەتی‮ ‬بۆپۆڵی‮ ‬یەكەمی‮ ‬بنەرەتی‮ ‬جا چ بەكورتكردنەوەی‮ ‬بابەتەكان‮ ‬یان بچوكردنەوەی‮ ‬پەرتوكەكان بێت‮ ‬یان كردنی‮ ‬سیستەمی‮ ‬ئەلكترۆنی‮ ‬بۆقوتابیان وەك ئایپات وئامێرەكانی‮ ‬تری‮ ‬سەردەمی‮. ‬دواتر مامۆستا ئەحمد گوتی‮:‬‮ ‬قوتابی‮ ‬لەدەست پێكی‮ ‬چونی‮ ‬بۆقوتابیخانە هەست بەگۆرانكاریەكی‮ ‬نوێدەكات بەدڵێكی‮ ‬خۆش بەرەو روی‮ ‬قوتابخانە دەروات،‮ ‬بەڵام بەداخەوە لەسیستەمە سەپێنراوەكانی‮ ‬سەرقوتابی‮ ‬هەررۆژەو كۆمەلێك بابەت وپەرتوكی‮ ‬قورس لەوەزن وبابەت بەسەر قوتابیاندا دەسەپێنرێت بەبێ ئەوەی‮ ‬بیرلەبواری‮ ‬تەندروستی‮ ‬ودەرونی‮ ‬قوتابیان بكرێتەوە كەهەمویان بونەتە بارگرانیەكی‮ ‬زۆر لەسەر جەستەو ئەقلی‮ ‬قوتابیان بۆیە داواكارم وەپێشنیاردەكەم كە بابەتەقورسەكان كەمبكرێنەوە وەوێنەی‮ ‬پەروەردەی‮ ‬بۆقوتابیانی‮ ‬بینەرەتی‮ ‬بەتایبەتی‮ ‬پۆڵی‮ ‬یەكەم ودووەم زیادبكرێك وەپەرتوكەكانی‮ ‬لەروی‮ ‬وەزنەوە زۆر كەم بكرێنەوە وەهەروەها ئەگەر واش نەكرێت سیستەمێك دابنرێت بۆهێشتنەوەی‮ ‬پەرتوكی‮ ‬قورس لەقوتابخانەو دابینكردنی‮ ‬شوێنی‮ ‬تایبەت بۆیان‮. ‬

پاشان مامۆستا دڵدار گوتی‮:‬‮ ‬بەبوچونی‮ ‬من ئەم سیستەمەو ئەم پەرتوكانەی‮ ‬ئێستای‮ ‬قوتابیان بەتایبەتی‮ ‬پۆڵی‮ ‬یەكەم هەرگیز گونجاونیەو لەلایەنی‮ ‬تەندروستی‮ ‬گرفتی‮ ‬زۆربۆقوتابیان دروست دەكات بۆیە پێشنیاردەكەم كەپەرتوكەكان بكرێنە دوووەرزی‮ ‬یان زیاتریش بۆئەوەی‮ ‬باری‮ ‬سەرشانی‮ ‬قوتابیان وكەسوكاریان سوك ببێت‮ ‬،چونكە پێم وایە هەرهەمان تێچوی‮ ‬دەبێت تەنها بەرگێك زیاد دەبێت‮. ‬وەلەكۆتایدا مامۆستا شەریف گوتی‮ :‬پێم وایە دەبێت هەرچی‮ ‬زوە وەزارەتی‮ ‬پەروەردە چارەسەی‮ ‬ئەم گرفتە بكات بۆئەوەی‮ ‬قوتابیە ئازیزەكانمان لەم گرفتەو مەترسیە تەندروستیە نەجاتیان ببێت‮ ‬،چونكە بەراستی‮ ‬بەهۆی‮ ‬بارقورسی‮ ‬قوتابیانمان گەیشتنیان بۆقوتابخانەكان بوەتە ئەستەمێكی‮ ‬زۆرو بوەتە بارگرانیش بۆكەسوكاری‮ ‬قوتابیان بۆیە پێشنیاردەكەم كە پەرتوكەكان لەروی‮ ‬بابەتی‮ ‬ولەروی‮ ‬وەزنەوە كەم بكرێنەوە وەهەروەها پەرتوكەقورسەكان بكرێن بەوەرزی‮ ‬وبەدووپەرتوك‮ ‬یان دابینكردنی‮ ‬دۆلاب بۆ پۆلەكانی‮ ‬قوتابیان بۆئەوەی‮ ‬پەرتوكەكانیان لەقوتابخانە بێلنەوەوتەنها دەفتەرەكانیان ببەنەوە مالەوە بۆئەوەی‮ ‬لایەنی‮ ‬تەندروستی‮ ‬قوتابیانمان پاراستیبێت بەتایبەتی‮ ‬قوتابیانی‮ ‬پۆڵی‮ ‬یەكەمی‮ ‬بنەرەتی‮.‬